Beihrual tluang taka hman zawh a ni

Pathian hruainain Beihrual chu tluang takin hman zawh a ni ta a. Beihrual kan hman chhung hian kohhran chhungkuaah leh khawtlangah te buaina leh harsatna lian tham, beihrual hmanna tibuai thei zawng engmah a thlen hriat a ni lo va. A lawmawm hle a ni.

    Beihrual hi in lamah zan 14, biak inah zan 16 leh Pathianni chhunah te hman a ni a. Zirtawp zanah khan group hrang hrang ten report an pe a, report-a a lan danin beihrual hi a hlawkthlak kan ti tlang hle a, mi 9-in beihrual hi an kal kim thei a ni. Report pek zanah hian Testimony leh mahni vei zawng sawina hun hman a ni a, sawi an \hahnem hle. Inkhawm banah hian Pathian chawimawia khawlai fangte pawh an awm a ni. Group hrang hrang report tawi lo tarlang ila

Group I

    Anni hi Upa F. Lalsangliana, Upa Lalbiaksiama leh T/Upa Zachula te bial an ni a. An hmanna hi a hla \hin deuh na a; mahse a hlat poh leh an kal \ha \hin emaw tih mai tur a ni a. A tir lamah chuan mipa lam an kal \hat vak loh avangin Kohhran Hmeichhe inkhawm emaw tih hian tur a ni \hin.
    Inkhawm hi a tlangpuiin mi 15-30 vel inkhawm \hin ang an ni a, a tir lamah chuan dar 8 velah an bang mai \hin a; mahse a rei telh telh a, an bang tlai tial tial a, a last zan phei kha chuan dar 10 an thleng hial a ni. An group a\ang hian Beihrual kal kim thei mi 3 an awm a ni.

Group II

    Anni hi Upa Lalngaihdama, Upa Vanthanga leh T/Upa H. Hmangaiha te bial an ni a. A zan hmasa berah mi 19 in khawmin an pung chho hret hret a, chawhrualin mi 26 vel inkhawm ziah ang an ni. Sawihona a \ha thei hle a, mi 5-8 velin sawi \hin ang an ni a, a last zan phei kha chuan mi 12 velin an sawi a ni. An group a\ang hian mi 5 inkhawm kim thei an awm a ni.

Group III

    Anni hi Upa Lalrikhuma, Upa K. Lalzika leh T/Upa K. Lalthlamuana te bial an ni a. Anni hi meng rei group tia sawi an ni a, dar 10 hi an thleng tlangpui a, zan thum phei chu dar 12 an thleng a ni. An thupuiah pawh A tawn ngam ngam sai kapah tih an hmang a. Kap fuh tak tak an awm nualin a hriat a ni. Mi 29-40 vel inkhawm \hin ang an ni a, mi 6-9 velin sawiho \hin ang an ni. Group dang a\angte leh Salvation Army lam ten an rawn inkhawmpui \hin a, an lawm hle. An group a\ang hian mi 1 inkhawm kim thei an awm a ni.
    A tlangpuiin group hrang hrang te hian hlawkthlak kan ti tlang hle a. Biak ina hman nise ding ngam miah lo turte pawhin mahni ngaihdan an han sawi thei ngawt mai te pawh hi a ropui a ni. Pathian hnenah lawmthu i sawi mawlh mawlh ang u.