District Jail tlawh dawn

Dated Tlangsam, the 29th April, 2012


Kan Branch chuan vawiin ni 29, Pathiannî chawhma leh chawhnu hian min sawmna ang in Champhai district jail tlawh tur a ni a, hemi rual hian \hutthleng 10 pek nghal tur a ni.

District Jail tlawh programme

April 29.2012, Dar 10.00 am
Hruaitu : T.Upa K Lalthlamuana Asst Leader Br. K|P
|antu : Tv Isaac Zairemtluanga .Secy. Evangelical cell
Thusawitu : Pu Pc Lalparmawia. Vice Chairman Evangelical cell
Solo : Tv Isaac Lalduhawma
Jail Church report : District jail atangin Refresment

Dar 12.30
Hruaitu : T.Upa Zachula Represent
|antu : Nl K Lalhmingsangi Fin Secy. Evangelical cell
Thusawitu : Pu B Lalmawizuala Leader Br. K|P
Solo : Nl Vanlalchhuangi
Nl Mary Lalthanpuii
Present hlan : T Lalthlamuana Secretary Br. K|P.

RÂL HMATÂWNG

Dated Tlangsam, the 29th April, 2012


Lopchu lamah chuan Bial khawmpui tluang tak a hman zawh a ni a, he khawmpui ah hian mi 2 baptisma chang
thar Pathianin a pe a an lawm hle. Ringtharte leh thawktute Kohhran ho ten \awng\ainaah i hre reng ang u.

Saibawh lam chu a thawktu Tv F. Chalthanmawia’n tunkar Ninganî a nupui a neih dawn avangin kan kohhrana a awm lai a ni a, report a awm lo.

Itanagar lam report kan dawnglo.

Inkhawmban |awng\ai

Dated Tlangsam, the 29th April, 2012

Branch committee in a lo rel tawh inkhawmban apianga \awng\ai tih chu tunah hian kal chhoh pui m>k a ni a, inkhawmban a hruaitu ten an puanglo a nih pawhin \awng\ai tur a \hutfual ziah tur a ni. member te’n ngaipawimawh tlang ang u.

Thutthleng chhinchhiah

Dated Tlangsam, the 29th April, 2012

Nikum a kan Branch Project a tana kan neih \hutthleng kan siam chu nimin Inrinnî khan rawng hnawih a chhinchhiah a ni a, \thutthleng hi sawmkua(90) chhinchhiah a ni a, sawm(10) bawr vel chhinchhiah loh a la awm a ni.

PCI General Assembly

Dated Tlangsam, the 29th April, 2012

Kum khat dan a hman \hin India ram Presbyterian Kohhran (Presbyterian Church of India) Inkhawmpui Lian chu May 2-6, 2012 Pathiannî hmang hian Champhai Vengsang Kohhran biak In ah hman a ni dawn. Moderator Rev. S.I. Iawphniaw, KJP Synod Sengpi a ni ang a, Secretaries Rev. Lallarmawia Manipur Synod leh Rev.
Zosangliana Colney, Mizo Synod an ni ang.

Ramthar hnatlang

Dated Tlangsam, the 29th April, 2012

April Ni 23, Thawh\anni khan ramthar huanah hnatlang neih a ni a, Alu leh hmunphiah hmun thloin an hnatlang a, hnatlang hian mi 9 an thawkchhuak thei in huan hi an thlo zo thei a ni.

Retreat nei

Dated Tlangsam, the 29th April, 2012

Nimin Inrinni khan Bethel Pastor bial Kohhran hmeichhiaten Tlangsam Presbyterian kohhran Biak In ah retreat an nei a. “Thlarau thianghlim nei rawh u” tih thupui Rev C Lalremruata hnen a\anga ngaihthlak a ni. Hlawkthlak an ti hle.

Bial inkhawpui Programme

Dated Tlangsam, the 22nd April, 2012

April 22nd 2012 Pathianni
10:00 am Pathian biak inkhawm
Thlarau lam thupui : “Pathian hnaih” Jakoba 4:8
Thusawitu : Upa Lalrikhuma Tlangsam
Zaipawl : Bial Zaipawl
Bethel Kohhran Zaipawl

1:30 pm Pathian Biak inkhawm
Lalpa Zanriah Sakrament
Buatsaihtu : Rev C Lalremruata, Bialtu Pastor
Zaipawl : Bial Zaipawl

7:00 pm Pathian Biak inkhawm
Veledictory Sermon : Rev C Lalremruata, Chairman kal chhuak
Zaipawl : Bial Zaipawl
Vengthar kohhran
New Champhai Kohhran

Pathianni Chawhma thilpek hi Bial puala lakkhawm a ni ang a, Chawhnu thilpek hi Sakrament pual a ni anga, Zan hi thlengtu kohhran pual a lakkhawm a ni ang.

Bethel Pastor Bial inkhawmpui Vawi 19 na hmang mek

Dated Tlangsam, the 22nd April, 2012

Nakum Bethel Pastor bial inkhawmpui Tlangsam kohhran ah nghah a ni dawn. bial inkhawmpui hi April 26 -28 ah neih tur a ni ang. Tlangsam kohhrah Upa pahnih thlan dilna presbytery khawmpui ah dilpui tur a pass ani.

April 20 -22, 2012 atng khan Bethel pastor Bial inkhawmpui neih ani a, Ni 20(zirtawp) a\ang khan Committee pawimawh neih niin, Zirtawp ni Dar 10 a\anga 12 khan bial standing committee neih a nia, dar 12:30 -4:00 thleng khan Nomination committee neih a ni.

April 20 (Zirtawp) zan khan pathian biak inkhawm ah Tlangsam Kohhran ten Pathian fakna hla an sa a member 50 chuang an kal thei a fakna hla mawi tak an hlan a, Bethel Pastor bial ten Pavalai ten zaipawl an nei thei bawk ani. Hemi zan hian Kohhran hrang hrangte reports ngaihthlak a ni bawk.

April 21(Inrinni) dar 10 atang khan palai rorel na neih a ni. Kum 2013 bial puipa turte ;
Chairman : Upa Lalrinawma
Secretaries : Upa Lalhunruata Senior
Upa B Biakvela Junior
Treasurer : Upa PC Lalhmingliana(Synod)
Upa sawivela (Bial)
Bial Auditors 1. Upa Lalbiaksiama
2. Upa C Lalrintluanga .
3. Upa C Lalramliana
Buhfai\ham ziaktu: PC Lalhmachhuani

Presbyterian Nomination committee kan kohhran a\angin Upa Lalrikhuma ruat ani
Synod Palai : T.Upa H Hmangaiha
Bial Nomination Committee ah Upa Lalngaihdama

Bial Standing Committee :
Upa Lalrikhuma
T.Upa Zachula
T.Upa H Hmangaiha
Bial Sunday School Committee :
Pu HL Malsawma
Tv Samuela
Bial Masihi sangati Vice Chairman atan T.Upa Zachula ruat ani bawk.
Kohhran hrang hrang te budget intum sem dan tur hetiang hian ruahman a ni.
Bethel : `. 30,000
Tlangsam : `. 15,000
Vengthar : `. 17,000
New Champhai : `. 13,000
Zion Veng : `. 13,000

Bial Masihi Sangati Budget :
Bethel : `. 20,000
Tlangsam : `. 8,000
Vengthar : `. 10,000
New Champhai : `. 5,000
Zion Veng : `. 5,000

Zion Veng kohhran in Biak In sak an rawn dil chu rem tih sak a ni.

Bethel Pastor Bial inkhawmpui minute bu chu kum 10 dan 2004-2013 a bu a siam tura tih a ni.

Bial chhung kohhran te inkhawm \an hun a ruala hman leh tur a ni a, hei hi Standing Committee in a la rel dawn a ni.

RÂL HMATÂWNG

Dated Tlangsam, the 22nd April, 2012


Lopchu lamah chuan Ni 11-18 April 2012 chhung khan Kalimpong Campaign Pathian kaihhruaina in tluang taka hman zawh a ni a, Logview kohhranah Bial khawmpui an hmang mek a, kohhranho ten i \awng\aipui ang u.

Saibawh lam chu a thawktu Tv F. Chalthanmawia nupui a neih dawn avangin kan kohhrana a awm lai a ni a,
report a awm lo.

Itanagar lamah chuan Home visit-in hun an hmanga, thu thar em em an nei lo. An \halai member tam zawk exam lai an nih avangin a huho anga programme hman an nei thei rih lo.

Hla zir leh tawngtai

Dated Tlangsam, the 22nd April, 2012

Zanin inkhawm ban a\ang Champhai Bethel Pastor bial K|P Meet a mi tur hla zir tur a ni a, Kristian Hla bu ken \heuh tur a ni ang.

Branch committee in a lo rel tawh inkhawmban apianga \awng\ai tih chu ni 16, Thawh\an zan a\ang khan \an a ni a, member te’n ngaipawimawhin i hre thar leh ang u.

Pawl 10, BA Pass

Dated Tlangsam, the 22nd April, 2012

Nl KC Lalmalsawmi D/o KC Lalchhawntluanga, Tv Lallawmkima S/o Lalremmawia leh Nl April Lalhmachhuani D/o MC Rualkhuma te chuan Cl-X, III Div. ah an pass.

Kan Cir.Manager Tv Isaac Zairemtluanga S/o Upa F Lalsangliana chuan Hindi BA I Div. ah a pass bawk.

Bible chhiar

Dated Tlangsam, the 22nd April, 2012

Branch committee in Bible chhiar chhuah a lo rel tawh angin ni 16, Thawh\an zan a\ang khan chhiar \an a ni a, zan tin chhiar \hin niin inkhawm zanah chuan inkhawmbanah chhiar \an a ni a, inkhawm loh zanah chuan zan tir a\anga chhiar \hin a ni. Bible chhiar hi zanah chauh chhiar a ni a, dar 12 thleng chhiar \hin a ni. Tunah hian Deuteronomy thleng chhiar tawh a ni. Members bakah kohhran mipui a thei a piang Bible chhiar turin kan insawm a, K|P member te \hahnem ngaih chhuah leh zual tur in kan inngen a ni.

Bial zaipawl ruat belh

Dated Tlangsam, the 22nd April, 2012

Bethel Pastor bial zaipawl term chu tun bial khawmpui hian a tawp dawn avangin term thar a mi tur ruat an ni a, kan Branch a\ang mi 4 ruat an ni a. Branch dang a\anga zaipawl member an ruat te pha an awm avangin kan Branch chu mi 3 ruat belh tur a min ngen angin heng mi te hi ruat belh an ni: Tv Zosangzuala, Nl Lalparmawii leh
Nl Lalhmangaihzuali Colney te ruat an ni. Bial zaipawl hi nakum bial khawmpui thleng tur a ni

Naupiang

Dated Tlangsam, the 22nd April, 2012

Pu H. Lalchhuanawma leh Pi Mercy Lalchawimawii te nupa chuan ni 14 khan fanu duhawm tak H.Lalchhanhimi an nei.

Innei dawn

Dated Tlangsam, the 22nd April, 2012

Tv F. Chalthanmawia S/o Upa F. Lalsangliana leh Nl HS. Lalengmawii D/o HS. Zakhuma Champhai Kanan veng te chu May, ni 3 Ninganî hian Tlangsam kohhranah kohhran dân in an innei dawn.

Missionary lo hawng

Dated Tlangsam, the 22nd April, 2012

Kan kohhran a\anga Synod hnuai a misionary a thawk Tv F. Chalthanmawia chu ni 17 Thawhleh khan a lo hawng.

Lungphun

Dated Tlangsam, the 22nd April, 2012

Tlangsam kohhran Masihi Sangati-te chuan Polytechniqe a vai boral Sudan Das kum 23 chu kan kohhranah baptisma a chan avangin Zirtawpnî khan a lung an phun a, a lung hi a ruaitu Pu Makthanga’n a rawn tum a ni. Lungphun hian Masihi Sangati committee member 11 an thawk chhuak a ni.

Silom Team te’n rawngbawlna nei

Dated Tlangsam, the 22nd April, 2012

Kan kohhran a\anga a \ulna hmun apianga rawngbawlna nei tur a in din Jehova Silom Team te chuan kar hmasa Thawhleh zan a\ang kha Zion Veng kohhranah crusade an nei a, Tual Upa K. Lalthlamuana leh Pu PC. Lalparmawia te’n Pathianthu an sawi \hin a, Zirtawpzan khan crusade hi zawh a ni.

KTP Official Committee thu

Dated Tlangsam, the 15th April, 2012

Karhmasa Ningani zan khan K|P Official committee Biak In Vestry-ah neih a ni a. Thurel tlangpuite:

1) District Jail atanga thuthleng (Bench) dilna chungchang ngaihtuah a ni a, Thuthlengsei 10 (sawm) pek nise tih a ni.

2) Kum 2012 -2013 chhung a Bethel Pastor bial zaipawl atan heng mite hi ruat an ni:
1) Tv Isaac Zairemtluanga
2) Tv Isaac Lalduhawma
3) Nl Laltlansangi
4) Nl Mary Lalthanpuii

3) I)Kumin chhung hian Bible chhiarchhuahna neih tur a ni a, April 16, 2012 zan a\anga chhiar tan tur a ni. Bible hi zan ah chhiar thin tur a ni a. Inkhawm zanah chuan inkhawm banah chhiar \anin inkhawm loh zanah chuan zan tir a\anga chhiar \an \hin tur a ni ang a, zan lai dar 12 thleng chhiar \hin tur a ni ang.

II)Zan inkhawm ban apianga tawngtai hona neih thin nise tih a ni a, April 16,2012 atanga neih tan nise tih a ni.

III)Distric Jail ah rawngbawlna neih tum a ni a. Programe leh a hun chu Evangelical cell kut ah dah a ni a. Rawngbawlna neih pah hian thuthlengsei hi pek nghal nise tih a ni bawk. Rawngbawlna neih tur hi Kohhran Committee ah dilna thlen phawt nise tih a ni.

Daniela Group Nite Programme

Dated Tlangsam, the 15th April, 2012

A hmun : Centenary Hall
Host : Nl Lalenkawli
|antu : C. Lalthanzauva
Group report : Tv Lalhriatzuala
Short speech : Tv F Lalhmingsanga
Recitation : Nl K Lalruatfeli
Solo : Tv Zodingliana
: Tv Lalchhuangzuala
: Nl Lalrinkimi
: Nl Lalthianghlimi
Female voice : Nl JH. Lalrinkimi leh a \hiante
Worship dance : Daniela group Girls
Samthang tlawh report : Tv Davi Lalnunmawia, Lalbeiseia
Duet : Tv Zosangzuala leh Tv Lalhriatzuala
Men Show : Daniela Group Boys
Vote of thanks : Pu K Lalremsiama
Refreshment tui tak buatsaih a ni.

Note
Daniela group member zawng zawng te naktuk Thawk\annî hian Group Nite hmanna tur Gospel Centenary Hall ah decoration leh seat arrangement buaipui turin hnatlang neih tur a ni.

RÂL HMATÂWNG

Dated Tlangsam, the 15th April, 2012


Lopchu lamah chuan Kalingpong ah Siliguri Mission Field Gospel Team ten rawngbawlna an nei mek a, karleh Nilai ni thleng a awh ang. Kohhran hote tawngtai pui reng turin min ngen a ni.

Saibawh lam chuan Ni 13-15 chhung hian chhim bial Missionry Retreat neih a ni a. Speaker ah Rev. C. Chanchinmawia hman a ni. Bungtlang S’ Kohhran ah bial khawmpui hman tur a ni a, Saibawh lama kan Missionary hian Bungtlang S’ lamah bial khawmpui hmang lovin, remchan zawkna avangin Champhai lamah a rawn hmang dawn a ni.

Itanagar lamah chuan an thalai member zinga 1 Oyigoi-i chu Ramhuaiin a ti buai a, Itanagar Biak In ah tawngtai pui a ni a, tunah chuan ngai a awh leh tawh a amah hi a that zui zel theihnan Kohhran hoten i tawngtai pui zel ang u.

Naupiang

Dated Tlangsam, the 15th April, 2012

Pu KC. Lalhriattira leh Pi Malsawmtluangi te nupa chuan tunthla khan fapa duhawm tak KC Lal\hazuala an nei.

Pu Jh. Lalherliana leh Pi Mapuii te nupa paw’n fapa duhawm tak Lalhmangaihzuala an nei.

Bial khawmpui

Dated Tlangsam, the 15th April, 2012

Bethel Pastor bial chuan tunkar ni 20, Zirtawp a\anga ni 22, Pathiannî thleng hian New Champhai kohhranah
bial khawmpui an hmang dawn.

Pavalai Pawlte’n tlawh dawn

Dated Tlangsam, the 15th April, 2012

Vawiin Pathiannî zan hun hmang hian Bethel Pastor bial Pavalai Pawl te chuan kan kohhran an rawn tlawh dawn a, Bethel Pavalai Pawlte’n |antu, inkhawm hruai leh thusawina hun an chang dawn a ni. Thilp>k hi kan kohhran Pavalai Pawlte pual tur a ni ang. Pavalai Pawlte hian bial chh<ng kohhran tin te an tlawh kual dawn a ni. Ni 29 hian New Champhai, ni 13.5 ah Vengthar tlawh in, ni 27.5 ah Bethel kohhran an tlawh ang.

Lawmthû sawi

Dated Tlangsam, the 15th April, 2012

Pu H. Lalramhluna te chhungkua chuan Kâr hmasa Thawh\annî khan Pathian hnenah lawmthu sawina an nei a, chawhma dar 11:00 ah inkhawm \an in Pu H. Lalramhluna hnen a\angin Pathian thusawi ngaihthlak a ni a, tlaiah
kohhran mipui te’n ruai kil ho a ni.

Inkhawm hun sawn

Dated Tlangsam, the 15th April, 2012

Nî te a lo rei leh deuh tak avangin kohhran inkhawm hun, dar 6:45 a \an \hin chu Inrinnî zan a\ang khan dar vuak hun hi sawn a ni a, dar hmasa dar 6:30 ah ri in dar 7:00 ah inkhawm hi \an a ni.

Good Friday urhsun tak a hman a ni. Vawiin Isua thawhlehnanî (Easter Sunday)

Dated Tlangsam, the 8th April, 2012

Kristiante Lal, Isua Krista khenbeh a a awmna nî khawvel pum a Kristianten
an hman rual in kan kohhranah pawh urhsun tak a hman a ni.

Khawvel puma kristian ten an hman \hin Good Friday chu Mizoram ah pawh urhsun tak a hman a ni a, Mizoramah chuan kan kohhran ten Synod Programme siam zulzui in thupui in ang ngaihthlak a ni a. Good Friday chawhma inkhawm ah Upa F Lalsangliana hnen a\angin “Lal Isua thisen hlu’tih ngaihthak a ni a, kohhran zaipawl in kristian hla bu No. 185 na ‘Juda maicham chungah’ tih an sa a.

Chawhnu ah Bialtu Pastor Rev C Lalremruata’n Baptisma sakrament buatsaih a, Baptisma hi mi parukin an
chang a ni. Thupui “A lu kuna a thlarau a thlah ta” tih hmangin Pathian thuchah ngaihthlak a ni a. Tin, Pathian thuchah ngaihthlak zawh hian Lalpa Zanriah Sakrament te kohhranho in kan chang ho a, Sakrament pual hian thilpek lakkhawm niin kan thilpek tlingkhawm hi `. 1256 a ni. He inkhawm ah hian Senior Department ten Kraws ram reh tih chu Pathian chawmawi nan an rem bawk a ni.

Zan ah Upa Lalngaihdama hnen a\angin ‘A tlawmlai taksa’ tih thupui hmangin Pathian thu ngaihthlak a ni a,
Senior Department-te hnen a\angin Pathian fakna hla mawi tak ngaihthlak a ni. Heti ang hunpui a hla rem thei kan nei hi a lawmawm tak zet zet a ni. Tin, vawiin hi Lal Isua Krista thihna hneha a thawhlehna ni champhak a ni a, Kohhrante pawhin hlim tak a hman tum a ni.

Chawhma Inkhâwm
Thusawitu : Upa Vanthanga
Thupui : Pathianin a kai tho leh ta.
Zaipawl : Kohhran zaipawl

Chawhnu Inkhâwm
Thusawitu : Upa K. Lalzîka
Thupui : Taksa tih danglamin a tho leh.

Zân Inkhâwm
Thusawitu : T/Upa H. Hmangaiha
Thupui : Krista thawhlehna \awmpuitutekan ni.

Editorial

 Dated Tlangsam, the 8th April, 2012


Lawmthu sawi hi

Kohhran ten Pathian thlarau thianghlim kan chan theihna atan leh beiseina avang a lawmthusawina (chawimawina) hi kan nei zeuh zeuh thin, amaherawhchu tun hnaiah erawh hi chuan mimal ang hi chuan kan nei khat ta hle a ni. Tunah kohhran chhungkua atanga mahni neih sum seng leh mahni insengso tak zet a
lawmthu sawi tur kohhran chhungkua in kan nei leh ta hi a lawmawm tak zet a ni.

|henkhat chuan mi retheite hnenah pe zawk sela ti pawl pawh kan awm leh mai thei e, nimahsela Lal Isua hun lai pawh khan Lal Isua hnena lo chhuahchhal tawk pawh an awm ve tho tih te kan rilru in hrechhuak thar leh ila Lal Isua’n a chhan dan te pawh hre tel zel ila a \ha awm e.

Hetianga kohhran ho a thlarau lam beiseina avanga miin sum tam tak senga an tih mek lai hian kohhran mipui te pawh in \hahnemngai leh zual a \an kan lak sauh sauh pawh a \ul awm e. Tin, kohhran a lalpa tana mi
\hahnemngaite pawhin \awng\aina nen nasa tak in \ang ila, kan beisei ang ngei pawh kan hmu ngeiin a rinawm.

Pathian biak inkhawm pawh kan \ha \hin hle, zaihruaitu leh hla chang sawitu zawng zawng te pawh kohhran in malsawmna kan dawn theihna atan \awng\aina nen nasa taka kan \an pawh a\ul dawn ani.Engpawhnisela kohhran mipui ten \awng\aiin nasa takin \ang ila, Pathian malsawmna pawh kan dawng ngeiin a rinawm.

RÂL HMATÂWNG

Dated Tlangsam, the 8th April, 2012

Lopchu lamah chuan Karhmasa Thawh\annî khan Workers Meet neih a ni a, I&II Korinth zir ho a ni. Good Friday pawh tluang tak a hman zawh a ni a, vawiin hian Dawaipani-ah Pastor bial fan leh buhfai\ham campaing neih a ni ang. Ni 12 a\anga Gospel team ten Kalimpong-ah rawngbawlna neih tum a ni. Kohhran ho ten \awng\ainaah i hre reng ang u.

Saibawh lam report kan dawnglo.

Itanagar lamah chuan Good Friday leh Easter Sunday Itanagar kohhranah a huho a hman a ni a, Good Friday hi tluang takin an hmang a, kohhran memberah Pathianin hna a thawk nasa hle a ni. Mowb-II fellowship-ah Ninganî khan chawnghei a hun hman a ni a, vawiin Easter Sunday-ah hian Itanagar kohhranah ruai nen Isua thawhlehnanî hi an lawm dawn a ni

Evangelical cell Sub Committee tur

Dated Tlangsam, the 8th April, 2012

Vawiin chawhnu inkhawmbanah Evangelical Sub Committee te Biak in Vestry-ah committee tur a ni a, thu
pawimawh tak ngaihtuah tur a awm avangin committee member te kim tak a kal tur a ni.

Jehova Silom Team-te lo hawng

Dated Tlangsam, the 9th April, 2012

Khual>ng a rwngbawlna nei a kal Jehova Silom Teamte chu nimin khan an lo hawng.

Krismas & Kumthar ruai budget tur peih

Dated Tlangsam, the 8th April, 2012

Kumin Krismas & Kumthar ruai comtt. te chuan ruai \hehna tur budget `.1,36,000 an ruanhman a, heihi chhung tinte’n intum sem tur niin, ruai hi ni 3 \heh tur a ni ang. Thilman ato tawh avangin nikum aiin budget hi a pung hret a ni.

Kohhran tlawh dawn

Dated Tlangsam, the 8th April, 2012

Bethel Pastor bial Pavalai Pawlte chuan nikum a an lo tih tawh angin bial chhung kohhran hrang hrangte an tlawh kual leh dawn a, Tlangsam kohhran tlawh hmasaberin tun thla ni 15 Pathiannî zan hian an rawn tlawh dawn. Thilp>k hi thlengtu Pavalai Pawl pual a lakkhawm tur a ni ang.

Pavalai Pawl khawmpui dâwn

Dated Tlangsam, the 8th April, 2012

Zoram pum a Pavalai Pawlte chuan June 2-3 Pathiannî hmangin Zarkawt biak in Aizawl-ah inkhawmpui lian an hmang dawn a, he khawmpui ah hian Bethel Partor bial Pavalai Pawlte chuan zaipawl an nei dawn. An hla sak tur hi Tlangsam Pavalai Pawl thlan tir in an hla thlan a copy an hmuh zawh loh avangin Bethel Pavalai Pawl kutah an hlan.

Pavalai Pawlte hnatlang

Dated Tlangsam, the 8th April, 2012

Karhmasa Ningani khan Pavalai Pawl te chuan lawmthu sawitu tur Pu H. Lalramhluna in chu a kalkhang do \ha leh sa channa tur leikapui siam in an hnatlang a, member 12 thawk chhuakin kohhran committee a\angin mi 3 an thawk chhuak bawk.

Lawmthû sawi dawn

Dated Tlangsam, the 8th April, 2012

Pu H. Lalramhluna te chhungkua chuan naktuk Thawh\annî hian Pathian hnenah lawmthu sawina an nei dawn a, hemi atan a tisa lam ruai \hehna tur atan Sial 1 leh Vawk 1 kohhranah an pe a, hemi nî hian vawi khat inkhawm in chawhma dar 11:00 ah inkhawm \an tur a ni ang. Neitu chhungkaw lam a\angin thusawi ngaihthlak a ni ang a, tlaiah kohhran mipui te’n ruai kil ho tur a ni ang.

NPSS a hrangin

Dated Tlangsam, the 8th April, 2012

NPSS Beginner a\anga Sakrament te vawiinah hian Centenary Hall-ah a hranga inkhawm tur a ni a, nikum a exam lawmman sem tur a ni ang.

Samthang Branch tlawh report

Dated Tlangsam, the 1st April, 2012

K|P kumthar thlirna Committee in a lo rel tawh Samthang branch chu ni 25, March, Pathiannî hmang khan tlawh niin member 56 an kal thei a ni

K|P kumthar thlirna committee in a lo rel tawh bial pawn branch tlawh chu a hun leh ni leh tlawh tur branch official committee a rel tura a dah chu, February Official committee chuan Samthang branch March ni 23-25 a tlawh turin a rel a.

Samthang Branch tlawh tur hian inbuatsaihna kal pui nghal char char a ni a, kalna tura sum tuakna atan Tv F
Liantluanga huan chek leta inhlawhin bul \an nghal a ni a. Thanghlianga memorial Tournament-ah groundmen tender chhang leh in members pawh hnatlang kan \ha thei hle a ni.

Hla zir pawh kan \ha thawkhat a, mi 60 vel kal thei turah kan inbeisei a. Mahse kal tum \ulh leh an awm avangin mi 56 kan kal thei a, a lawmawm hle a ni.

Tlangsam a\angin dar 11:30 velah kan chhuak a, Pathian hruainain tluang takin kan kal a, dar 4 velah Bus in Samthang chu kan thleng ta a. An biak in bul, kohhran centenary hall-ah thingpui nen min lo hmuak a, kan thlen in tura min sem hnuin kan haw darh ta a. Amaherawh chu motor-t> ten Khuangleng daiah chhiat an tawh avangin kan thleng rual thei lova, Champhai lamah part in chahin zan dar 11:30 ah Samthang hi member 12 ten tluang takin an rawn thleng ve leh a ni.

Zanah inlawmna programme hlimawm tak kan nei a, Branch report leh inhmelhriattirna kimchang neih a ni a. Thusawitawi leh solo ngaihthlak a ni bawk. Motor-t> in mixture leh amplifyer an phurh a vangin Sound lamah harsatna kan tawk a programme kim chang kan hmang thei lova, programme pawh siksawi nual a ni.
Inrinni chhunah Samthang field-ah sport hlimawm tak neih a ni a, march pass leh Indo (Silent war) chu an la tih ngai loh a ni a, nuam an ti hle a; Bawkbawna pin seh phawi erawh kan ti hman lo hlauh. Sakuhûilût, number games leh Dodge ballah te in el na kan nei bawk. Ban dawnah thingpui leh chhang tui tak kan ei a, dar 3 velah kan bang.

Pathianniah chawhma lamah mahni pawl \heuhah Sunday School kan kal a. Chawhnuah chuan zai pawh a tui tawh khawp mai a. Pathian biak inkhawm ah hian an Biak in sak mek a nih avangin duhangin lamtual pawh kan luah khat hlei thei lo a ni. He in tlawh programme-ah hian K|P members ni lo kan kohhran pavalai hruaitu a\angin Pu K lalramsanga leh Pu K Lalrinawma ten min \awiawm thei a ni.

Kan Bus hman a rem chan tawh loh avangin Tlangsam bus chah a ni a, Thawh\an dar 3:00 velah kan rawn haw a, kan thlen tlai deuh avangin zan inkhawm hi \hulh a ni. Samthang brach tlawh nan hian `. 15,700 vel sen a ni.

Samthang Branch-te nena hun hlimawm tak min hmantirtu kan Pathian chu fakin awm se la, kan phû loh tawp chawimawina leh hming\hatna min hlan \hintu hnenah hian lawmthu i sawi mawlh mawlh ang u.

Editorial

Dated Tlangsam, the 1st April, 2012

In sawisel
Politician tihloh ah chuan Kohhrana rawngbawltu te hi sawisel nasat ber an ni a tih theih hial awm e. Rawngbawltu an nih miau avangin an nun pawh fimkhur a ngai a, mite pawhin an nunah hmuh tum leh beiseina sang tak an neih avangin, midang an sawisel vak lohna ah pawh an sawisel \hin a,
thil awm tak pawh a ni reng a ni.

Rawngbawltu kan nih chuan Pathian mit hmuh leh mihring te mithmuh ah pawh a thangmawite pawh kan zawng ve tur a ni. Min sawiseltute min sawina te pawh thildik tam tak te a awm ve \hin avangin kan in enfiah ve fo pawh a \ul awm e. Sawiselna hi \angkai tak a hmangtu tan chuan
malsawmna a ni thei tih kan hriat pawh a \ha hle a ni. Biak in thlengpha lo te hi chuan min sawisel fo pawh nise thil awm tak leh kalphung pangaia ngaih theihna chin pawh a awm ve thei ang.

Amaherawhchu mahni rawngbawlpuite kan sawisel fo hi chu a sawiseltu lam pawh kan in ngaihtuah
pawh a ngai awm e. Fak an phu lo chung chu fak luih talh tur a ni hauh lo a, sawisel an \ul anih chuan kan sawisel tur pawh a ni.Nimahsela kan rawngbawlpuite an nih miau avangin sawisel ngai a an awm in vawi engzat nge kan \awng\ai sak tawh? Keini hi enge kan nih? tih in enfiah a, khawngaih rawngbawlna hna thawk kan nih a vangin tawngpawng in dem a, insawisel nghal mai lovin kan sawisel hma hian an tan \awng\ai sakna hun te nei \hin zawk ila kan rawngbawl hona leh keimahni rawngbawlna atan ngei pawh hian a \angkai zawk dawn niin alang.

RÂL HMATÂWNG

Dated Tlangsam, the 1st April, 2012

Lopchu lamah chuan march 19-23 khan Khoprail bial ah thawktu ten Gospel campaign an nei a, Pathian zar ah a hlawhtling thawkhat hle a ni. Chhungkaw pakhat Pathian ringtu ni turin kohhran an lut thar a, hun remchang hmasa ber ah Baptisma chan pawh an tum a ni. Ringtharte an awm belh zel theih nan kohhran ho ten i \awng\aipui zel ang u.

Saibawh lam report kan dawnglo.

Itanagar lamah chuan tunkar khan mission board Secretary Rev. Lalchhuanmawia leh a thawhpui hovin field Committee nei turin an lokal a, Kohhran te Good friday leh easter sunday hmangturin an in buatsaihna chho ve zel a, hla zir leh lam zirin hun an hmang ngawrh hle.

Tawngtai hun sawn

Dated Tlangsam, the 1st April, 2012
Evangelical Sub committee hmalakna a kan veng chh<nga chhiat tawkte in a, \awng\aina hun an hman \hin, vawiin zing a \awng\aina hun khawhar in a hman tur a an lo ruat tawh chu, Tumkau nî programme zingkarah naupang lamin an hman avangin \hulh a ni a, Pthiannî leh lamah hman zawk tur a ni e.

Hla zir tur

Dated Tlangsam, the 1st April, 2012Zanin inkhawmban hian K|P member te Good Friday leh Easter Sunday-a rem tur hla zir tur a ni a, hla zirna hun hi kan neih tam lo a zan nga vel chiah kan neih tawh avangin K|P member te \hahnem ngai taka hla zir tur a ni e. Hla zir tur ten Kristian hlabu ken \heuh tur a ni ang.

Step Plaster

Dated Tlangsam, the 1st April, 2012
Kan Biak in operator room pan chhohna step chu plaster mek a ni a, a plaster na cement a la ro chian loh avangin rah hek a hlauhawm a, mipuite Biak in chung lamah kal chho lo turin kan in ngen a ni e.

Electrict bill khawn dawn

Dated Tlangsam, the 1st April, 2012
Tunkar lo awm tur a\ang hian K|P Evangelical cell sub-committee-te chuan electrict bill an rawn khawn dawna, kohhran chhung tin ten K|P hmalakna a ni tih hria in midang lo pe tawh lo a, rawngbawlna angaia lo pe tur in an ngen a ni. Missionary chawmna a nih avangin `.10 aia tlem lo hlawh tir turin an ngen.

Generator hman theih in siam

Dated Tlangsam the 1st April, 2012
March Ni 21 thawhlehni khan Light & Sound Subcommittee-te chuan Kohhran Generetor chu hman theih in an siam a, electrict thim pawh in kan buai tawh lo tura ngaih a ni.

Sunhl< phur

Dated Tlangsam, the 1st April, 2012
Pavalai pâwl chuan kârhmasa Ninganî khan TNT Zuangtui a thawn tur Sunhlu phur in an hnatlâng a, Pavalai Pawl member 8 thawkchhuak thei in, Sunhlu hi ip thum (3) vel an phur thei a ni.

Nilai thupui tih dikna

Dated Tlangsam, the 1st April, 2012
Kum 2012 nilai zan leh Beihrual thupui bu-ah hengte hi tih dik ngai a ni.
1. Good Friday leh Easter programme-ah hian tualchhung kohhranin a remchang ang a naupang pual programme siam mai ni se.
2. Easter Sunday chawhma inkhawm thupui atan Bible chang tarlan Tirhkohte 1;22- 32 tih chu Tirhkohte 2;22-32 tih zawk tur a ni.

Chanchinbu chhuak lo

Dated, Tlangsam, the 25th March, 2012
Vawiin hian kan chanchinbu buatsaihtute Samthang Branch tlawh a an kal avangin Ephatha a chhuak lo. Editorial Board

March Ni 23-25 Pathiannî hmangin Samthang Branch tlawh dawn

Dated Tlangsam, the 18th March, 2012
K|P kumthar thlirna Committee in a lo rel tawh Samthang branch tlawh chu tunkar Zirtawpni hian kal a ni dawn. Member 60 chuang vel kal thei tur a beisei a ni. Inbuatsaihna atan hian hla pawh an zir ngawrh hle, A kal thei tur te zanin a hla zir kim turin an in beisei

K|P kumthar thlirna Committee in a lo rel tawh Bial pawn branch tlawh tur chu rokhawlhna dang a awm loh chuan tunkar Zirtawpni hian Samthang lam pan in an kalchhuak tawh dawn a ni. Samthang branch tlawhna tur a tan hian sumtuakna lamah harsatna a awm avangin sum leh pai ah an in daih vak lova, Member pakhat in ` 50 an thawh bawk dawn a ni. Motor kalna tur hi la hriatchian chiah nilo mahse Bus hman tum a ni a, an leng chiahlo a nih chuan motor dang pawh ngaihtuah belh tur a ruahman a ni. Chuvangin member kal tum zawng zawng chu zan in ah hla zirna a kal vek tur in an in beisei a ni. Zanin a kal zawng zawng te chu kal thei tur a ngaih an ni ang.

NI 23, (ZIRTAWP ZAN)
INLAWMNA INKHAWM
Hruaitu : Samthang Branch
|antu : Samthang Branch
Report : Branch pahnih a\angin
Solo : Tv Isaac Lalduhawma
Thusawi : Pu Robert MS Tluanga,Committee Member

MARCH 24, INRINNI (SPORT)
A hun : Dar 10:00 AM
Hruaitu : Tv Lalthlengliana Fânai, Comtt. member
Intihsiakna: March pass (All Member)
Sakuhuil<t, Number Game, Indo
(Silent war), Dodge Ball (M & W),
In and Out, Fill in the botlle,
Bawkbawn games.

Inrinni zan
Hruaitu : Samthang kohhran chairman
|antu : Nl K Lalbiakn>mi
Zaipawl : Tlangsam Branch
Thusawitu: Tv T Lalthlamuana Secy. Tlangsam branch

NI 25, (PATHIANNÎ) Chawhnu
Hruaitu : Samthang kohhran chairman
Zaipawl : Tlangsam Branch
Thusawitu: T/Upa K Lalthlamuana, Asst. Leader Tlangsam branch
Solo : Nl Vanlalchhuangi

Pathianni zan
Hruaitu : Samthang kohhran chairman
Zaipawl : Tlangsam Branch
Thusawitu: Pu B. Lalmawizuala, Leader Tlangsam branch
Solo : Nl Mary Lalthanpuii.
Pathiannî chawhnu leh zan inkhawm banah fellowship a awm bawk ang.

Editorial

Dated Tlangsam, the 18th March, 2012
K|P leh Infiammi
|halai kan nih chhung hi chuan kohhran a in hmang kan ni emaw kan in hmang ngaimiahlo a ni emaw hetiang
lam ti mi kan nih chhung chuan infiamna lamah hian kan kal ve zel dawn niin a lang. Chuvangin K|P member kan nih pawh in hei hi kan tih ve atan a mawi lohna engmah a awm chuanglo tih chu kan hre \heuh a ni.

Chutiang anih avang chuan infiamna lamah pawh a ti \hatu leh khawtlang timawitu pawh kan ni fo reng bawk a ni. Amaherawhchu sawisel kaia kan awmna tam tak pawh a awm ve bawk \hin. Pathian thu in engkima fimkhur tur a min chah hi kan vawn a, kan hriat nawn fo pawh a \ul awm e.

Tin, Tunlai khawvel ah chuan infiamna ah hian hmanlai ang a, a infiam mai mai ang a infiam mai mai lovin intihsiakna tak tak an bei \hin a ni tih pawh, thlirtu lama kan \an pawh in kan hriarpui ve fo chu a\ul awm e.
Phakar tak leh chetdan mawilo ve tak a kan chet chang pawh a awm \hin ang, mahse heng zawng zawng hi infiamna in a kentel ve a ni tih kan pawm thiam loh chuan infiamna khawvel ah hian miin an hriatthiam em em si, keimahni chauh in hrehawm kan lo tih em ema awm ang tih a hlauhawm a ni 

Amaherawhchu K|P a inhmang infiamna lam a tui mi te pawh in rawngbawltu kan ni tih hria a, Game-in a ken tel bak a mawilo tak taka kan chet \hin hian kan Pathian hmel a hliah \hin a ni tih hria in, Pathian ringtu ten a kan tih a tan a mawi tak a kan chet \hin hi rawngbawlna a ni tih kan hriatnawn fo pawh a \ul awm e

RÂL HMATÂWNG

Dated Tlangsam, the 18th March, 2012
Lopchu lamah chuan tualchhung inah inkhawmna hun an hmang \hin a, home visit te neiin mitthi inah an kal bawk a ni.
Tunkar Thawh\annî a\anga Zirtawpî thleng hian Khoprail-ah bial chhunga thawktu zawng zawngte chanchin\ha
hril beihpui thlak turin an inbuatsaih m>k a ni.

Saibawh lamah chuan Ni 11 Pathiannî hmasa khan Branch Church hawn niin, bialtu Pastos leh bial puipaten hun an hmanpui a, hemi rual hian Kohhran Upa thlanna nei nghal in Hondru Chondro chu Upa atan thlan a ni. He Branch Church enkawl tur hian Tv. F. Chalthanmawia leh Pu Lalpiantluanga ruat an ni.

Hemi nî hian ringlo Baptisma chang 3 leh nausen 9 in Baptisma an chang a, thawktute an lawm hle. Hemi nî v>k
hian bial puipate nen Comtt. neih nghal a ni. Kohhran mipuite a tam thei ang \awng\aipui turin min ngen a ni.

Itanagar lamah chuan Home Visit in hun an hmang a, kohhran hmeichhia leh |halai te chuan Good Friday-a mi tur hla an zir \hin bawk a ni.

Branch Hnatlang

Dated Tlangsam, the 18th March, 2012
Karhmasa ni 13 Thawhlehnî a\anga \an tak ‘Tlangsam Lal’ Thanghlianga Sailo memorial foot ball & Volley ball
tournament ah Tender K|P ten chhangin nepnawi leh puar na lam chi zuar in nitin hnatlang neih \hin a ni a, member thawkchhuak kan \ha thei hle.

Chhun lama zawrh tur sawhchiar, Rice, Chana leh artui te siam lâwkin zan lamah hnatlang hi neih chhunzawm a
ni a, zan lamah pawh member hnatlang kan \ha thei hle a ni.

Ground man hna kan thawh tel a vangin hna hi a hau tak hle a, hemi hna hi kan foot ball khel \hinten an hma tel
\hin a ni.

Hnatlang hi Nilainî thleng neih tur a ni a, indaih loh a nat avangin inringthul mai lovin memberte \hahnem ngai taka thawkchhuak turin kan inngen a ni.

Masihi Sangati Awareness Campaign

Dated Tlangsam, the 18th March, 2012
Zanin hian Bial Masihi Sangati-te chuan Vengthar kohhran ah awareness campaign an nei leh dawn a, Bial Masihi Sangati-te hian bial chh<ng kohhranah campaign nei kual in, a tawp ber na atan thla thar April Ni 1, Pathianni zan hian Bethel kohhranah neih a ni ang.

Rawngbawlna nei

Dated Tlangsam, the 18th March 2012
Jehova Silom Team te chu Khuangl>ng kohhran te’n an kohhranah rawngbawlna nei tur a an sawm angin, Ni 10 (Inrinnî) khan Pu PC. Lalparmawia Team Speaker leh Pu B. Lalmawizuala Team Director chu Khuangl>ng panin an kal a, an Team Speaker tho Pi K. Lalengzami rawn chah belh leh in, a ni hi Ni 12 (Tawh\annì) khan phei ve leh in crusade in hun an hmang a, tunkar chho hian \awng\ai camp neih an tum a ni.

Pavalai hnatlang

Dated Tlangsam the 18th March, 2012
Pavalai pâwl chuan kârhmasa Thawh\annî khan sum tuak nan Polytechnic hungin hnatlang an nei a, hnatlâng ah hian member 10 an thawkchhuak thei a, member thawkchhuak te chungah hruaiitute an lawm hle.

Inkhawm hun sawn

Dated Tlangsam the 18th March, 2012
Nî te a lo rei leh deuh tâk avangin kohhran inkhawm hun, dar 6:30 a \an \hin chu kârhmasa Thawh\an zan a\ang khan dar vuak hun hi sawn a ni a, dar hmasa dar 6:15 ah ri in dar 6:45 ah inkhawm hi \an a ni.