Bial KṬP Conference hmang mêk; Nakkum Vengthar Kohhranah

 Dated Tlangsam, the 28th Jan, 2013
January 25, Zirtawpni aṭang khan Bial KṬP conference chu kan kohhranah hman ṭan a ni ta a, speaker atan bialtu pastor Rev C. Lalremruata hman niin, Thupuiah ‘Thlarau Thianghlim nei rawh u’ tih a ni.
    Zirtawpni khan Palai Rorel neih a ni a, Bial KṬP Leader T/Upa K. Lalthlamuana’n rorel a kaihruai a, palai mi 99 an kal thei a ni. Conference chibai bukna 14 kan dawng a, 18 kan thawn chhuak bawk a ni. Thurel tlangpuite:
1.    Nakkum January 24-26 ah Bial KṬP Conference hi neih leh nise tih a ni a, a hmun atan Vengthar Kohhran Biak In nise tih a ni.
2.    Bial zaipawl term kum khat kan hman mek hi kum hnih ni tawh rawh se tih Bial KṬP aṭanga rawn lut chu pawm a ni.
3.    Kum 2013 chhung hian Bial huapin Conductors’ Training neih ni rawh se tih Zion Veng Branch a\anga rawn lut chu neih loh mai nise tih a ni.
4.    Kum 2013 chhung hian Bial huap Musical Meet neih ni rawh se tih New Champhai Branch aṭanga rawn lut leh Kumin chhungin Bial huap Musical Meet neih nise, speaker atan Upa Zothanmawia sawm nise tih Bethel Branch aṭanga rawn lut chu neih loh mai nise tih a ni.
5.    Kum 2014 Bial KṬP Conference-ah  speaker neih ni rawh se tih Vengthar Branch aṭanga rawn lut chu pawm a ni a, Bial KṬP Committee-in lo bawhzui se tih a ni.
6.    Kum 2013 chhung hian Bial chhung Branch-te intlawh kual ni rawh se tih kan Branch aṭanga lut leh Bial chhung Branch tin intlawh kual ni rawh se tih Vengthar Branch aṭanga rawn lut chu pawm a ni.
7.    Bialin Tirhkoh a chawm hi chawm belh ni rawh se tih New Champhai aṭanga rawn lut leh Bial KṬP-in missionary pakhat chawm belh ni rawh se tih Vengthar Branch aṭanga lo lut chu pawm a ni a, Bial KṬP Committee-in lo bawhzui se tih a ni.
8.    Bial KṬP Conference minute hi bu khata siam ni rawh se tih Bial KṬP aṭanga lo lut chu pawm a ni a, Bethel Bial din ṭan kum 1994 aṭanga kumin minute hi bu khata siam nise tih a ni a, Pastor quarters-a dah tur leh Bial KṬP leh Branch tin daih copy siam nise, mimal duh an awm chuan a siamna man anga khul theih a ni ang. A duh turte chuan Bial hruaitute hnenah in-report tur a ni.
9.    Pastor Quarters-ah Bial KṬP hmingin
Steel Almirah leh Book shelf dah ni rawh se tih Bethel Branch aṭanga lo lut chu pawm a ni.
    Nikum chhunga Bial KṬP sum hmuh zawng zawng chu ₹. 82,358/- a ni a, hman ral zawng zawng chu ₹. 67,515/- a ni a, tunah hian ₹. 14,843/- kawl mêk a ni. Hetiang hian Budget Head siam a ni.
CKṬP Budget    ₹.    4,500/-
Bial inenkawlna    ₹.    15,000/-
Conf. thlengtu puihna    ₹.    2,500/-
Bial zaipawl enkawlna    ₹.    17,000/-
Speaker rawihna    ₹.    5,000/-
Missionary    ₹.    24,000/-
Pastor Quarters    ₹.    9,000/-
Minute bu siamna    ₹.    3,000/-
Total    ₹.    80,000/-
Branch intum sem dan tur
Branch    Budget
Bethel    ₹.    24,500/-
Tlangsam   ₹.    18,000/-
Vengthar    ₹.    18,000/-
N Champhai    ₹.    10,500/-
Zion Veng    ₹.    9,000/-
Total    ₹.    80,000/-

INKHÂWM HUNRUATNA

January 27, 2013 Pathiannî
Bial KṬP Conference
Chawhma Inkhâwm
Zai hruaitu    : Pu Kapṭhuama, Bethel Br.
Hruaitu    : Tv VL Rosanga, Treasurer
Thusawitu    : Rev C. Lalremruata
Thupui    : Thlarau Thianghlim leh |halaite
Zaipawl    : Bial Zaipawl, Bethel Br.
Chawhnu Inkhâwm
Zai hruaitu    : Tv Vanlallura, Zion Veng Br
Hruaitu    : T/Upa S. Lalruatsanga
Thusawitu    : Rev C. Lalremruata
Thupui    : Thlarau Thianghlim leh a hnathawh
Zaipawl    : Bial Zaipawl, Zion Veng
Zan Inkhâwm
Zai hruaitu    : Tv Zoparhluna, Ncp Br
Hruaitu    : T/Upa K. Lalthlamuana
Thusawitu    : Rev C. Lalremruata
Thupui    : Thlarau Thianghlim nei rawh u.
Zaipawl    : Bial Zaipawl, New Champhai Br, Tlangsam Br
Hruaitu thar hlan:  Rev C. Lalremruata

January 28, KṬP Inkhâwm
Hruaitu    : T/Upa K. Lalthlamuana
Ṭantu    : Nl Vanlalchhuangi
Thusawitu    : Tv Lalthlengliana Fanai
Thupui    : Khawiah pawh Isua nen

January 29, 2013
Kohhran Hmeichhe Inkhâwm
Hruaitu    : Pi Lalkhawchhani
Ṭantu    : Pi Ramthangi
Thusawitu    : Pi Lalawithangi

Zing Ṭawngṭai Inkhâwm Hruaitute
Thawhṭanni    : Pi Ralliani
Thawhlehni    : Pi H. Lalremruati
Nilaini    : Pi Laltharzuali
Ningani    : Pi Sangmawii
Zirtawpni    : Pi Biakveli
Inrinni    : Pi Bualliani
Pathianni    : T/Upa H. Hmangaiha

RÂL HMATÂWNG

Dated Tlangsam, the 28th Jan, 2013
Itanagar lamah kan be tlang thei tlat lo.
    Lopchu: Kalimpong Bial KṬP Conference inbuatsaihna neih a ni a, Ningani khan khan field workers’ meeting neih a ni bawk. KṬP Conference tluang taka kan hman theih nan min lo ṭawngṭaipui dawn nia. Conference hmang tur zawng zawngte duhsakna ka hlan a che u.
    Saibawh: Bial KṬP Conference rorel tluang takin kan zo thei a, speaker atan bialtu Pastor a ni a. Thupuiah Rawngbawlna hlen tih hman a ni. Thupui Inrinni zan aṭangin kan ngaithla ṭan a, Pathianni zanah hian Inkhawmpui kan ṭiak ang. Tluang taka kan hman zel theih nan kohhranho ten theihtawp chhuaha min ṭawngṭaipui zel turin kan sawm a che u.
    Nimin Republic Day March Pass-ah kan school girls contingent pakhatna an ni a, boys contingent pahnihna an ni bawk. Kan rawngbawlna hmun hi Kohhran leh Kohhran nasa taka inbeihna hmun a nih avangin chhungkua, mimal leh Kohhran ten ṭawngṭaina lamah min hre reng turin ka sawm tak meuh meuh che u a ni e.

Group News

Dated Tlangsam, the 28th Jan, 2013
    Johana group te chu Zirtawpni zing karah khan sangha zuarin an hnatlang a, an hralh zo vek thei a. Hnatlanga thawk chhuakte chungah leh sangha lo leisaktute zawng zawng chungah group hruaitute chuan lawmthu an sawi a ni.
    Tin, naktuk zingah hian Johana group te Pu Jh Ramtharnghaka thing ek leh tana hnatlang neih an tum a, group member zawng zawngte hnatlang vek turin an inngen a. Thing tanna ara leh hreipui thawh chhuahpui tur a ni ang.

Chaw nghei ṭawngṭai

Dated Tlangsam, the 28th Jan, 2013
    Branch Committee-in a lo rel tawh angin naktuk tlaiah hian Biak inah chaw ngheia ṭawngṭaina neih tur a ni a. KṬP member zawng zawngte kal vek turin kan inngen a ni. Chaw nghei turte chu tlai dar 2 aṭangin engmah ei tawh loh tur a ni a, tui chauh in theih a ni ang, thil ei theih loh hun chhung hian zan lai dar 12 thleng a huam ang. Tin, mahni ei ai ṭheuh buhfai emaw pawisa emaw ken khawm bawk tur a ni. Ṭawngṭai hi dar 4:30-a \an tur a ni ang.

Lawmthu

Dated Tlangsam, the 28th Jan, 2013
    Bial KṬP Conference kan thlenah member-te inlungrual takin kan thawkho a, member zawng zawngte chungah lawmthu kan sawi a, Keyboard min hawhtirtu New Champhai Kohhran chungah te, Keyboard hawh nana motor thawhtu Pu Michael Lalropuia chungah te, Variety Programme kan hmanna tur Hall min hawhtirtu Community Hall Organising Committee chungah te, no min hawhtirtu Vanapa section chungah te, electric wire min hawhtirtu Upa K. Lalzika te leh Pu K. Lalhmangaihzuala te chungah leh thingpui min lumsaktute chungah lawmthu kan sawi tak meuh meuh a ni. Tin, sum leh paia mi ṭanpuitu zawng zawngte chungah lawmthu kan sawi bawk a ni.
    Conference ṭanpuina kan dawn dan hetiang hi a ni.
Kohhran Hmeichhia     ₹. 3,000/-
Bial KṬP    ₹. 2,500/-
Bethel Branch    ₹. 2,000
New Champhai    ₹. 1,000
Vengthar    ₹. 500
Zion Veng    ₹. 500

Hnatlang

Dated Tlangsam, the 28th Jan, 2013
    Thawhṭannia biak in rawng hnawih hnatlang neih tura puan tawh chu Building Committee lamte remchan lohna avanga ṭhulh a ni a, Nilainni leh Ningani khan Conference inbuatsaihna hnatlang neih a ni. Hnatlanga thawk chhuak zawng zawngte chungah lawmthu kan sawi e.

Damlo

Dated Tlangsam, the 28th Jan, 2013
 Nl Angeline Lalruatkimi D/o HS Lalthankima chu kalna avangin an chenna inah an inenkawl mek.

Naupiang

Dated Tlangsam, the 28th Jan, 2013
    Nizan dar 10 khan Mary Lalthanpuii chuan Champhai District Hospital-ah fapa a nei. Kan lawmpui hle.

Mikhual thlen inring turin ngen

Dated Tlangsam, the 28th Jan, 2013
    Champhai Bethel Pastor Bial KṬP Conference kan hman mêk ah, vawiin tlai chaw ei tur mikhual neih lo inring turin kohhran chhung tin te kan inngen a ni.

Centenary Hall kopang lungrem mêk

Dated Tlangsam, the 28th Jan, 2013
    Kan Kohhran Centenary Hall sak turah kopang lam chu lungrem mêk a ni a, lungrem hna hi ni 23, Nilaini aṭang khan rem ṭan niin a chanve aia sang rem tawh a ni a, karleh lamah zawh hman beisei a ni.

Sunday School awm dawn lo

Dated Tlangsam, the 28th Jan, 2013
    Champhai Bethel Pastor Bial KṬP Conference kan Kohhranah hman a nih avangin Puitling leh Naupang lamah Sunday School a awm dawn lo.

KṬP Special Committee vawi khatna; Thla tin Thawhṭanni hnuhnung berah chaw nghei ṭawngṭai

Dated Tlangsam, the 20th Jan, 2013
    January 17, 2013 (Ningani) zan khan Biak in Vestry-ah KṬP Special Committee neih a ni a, thurel tlangpui te:
1.    Bial Hmeichhe Inkhawmpuia zai chungchang:
    Bial Hmeichhe Inkhawmpuia zai tura min rawn sawm chu zai ngei nise tih a ni a, Zirtawp zanah zai nise tih a ni.
2.    Lehkha lo lut:
    Evangelical Cell ten kumin chhung hian khawhar ina kan ṭawngṭai chu chhunzawm leh nise tia a rawt chu pawm a ni a, damlo ina ṭawngṭai leh nise tia an rawtna pawh pawm a ni.
    Kumin chhung hian ṭawngṭai rammut neih nise tih rawtna pawh pawm a ni.
    Kumin chhung hian KṬP member te thla tin Thawhṭan ni hnuhnung ber tlai chaw ngheia ṭawngṭaina neih ṭhin ni se, chaw nghei ni han mahni ei ai ṭheuh buhfai emaw pawisa emaw ken  khawm ṭhin nise tia rawtna chu pawm a ni.
    Kumin chhung hian ṭawngṭai tlaivar leh ngei nise tih chu pawm a ni.
    Kumin chhung hian tleirawl puala hun hman ngei nise tih pawh pawm a ni.
    Diamond Jubilee Programme Sub-Committee ten diamond jubilee programme an rawn ruahman chu a lo luh anga pawm a ni.
    Diamond jubilee-a hruaitu hlui chawimawina la dawng lote chawimawina hlan nise tih a ni.
    March 2, Inrinniah hian Mazuia Memorial Home, TNT tlawh nise tih a ni a, present pek nise, hei bakah hian member kal ten mahni remchan ang tawk thilpek ken khawm nise, heihi home ṭanpui nana pek nise tih a ni bawk.
    March 2, Inrinni zanah hian jubilee mei det nise tih a ni.
3.    Acoustic guitar lei chungchang:
    Acoustic guitar lei nise tih a ni a, hei hi Zirtawpni khan a rawn thleng.
4.    Chawhlui kil chungchang:
    Official Committee vawi 1-nain Conference Palaite chawhlui kilpui tura a lo rel tawh chu kilpui leh loh mai nise tih a ni. (Pathianni hmasa khan eirawngbawl tura kan ruatte kha, chawhlui kan kilpui leh dawn loh avangin a ngai leh dawn lo a ni.)
5.    Zaipawl file chungchang:
    Kan conductor ten zaipawl file lei an rawn rawt chu la ngaihtuah leh nise tih a ni.

INKHÂWM HUNRUATNA

January 20, 2013 Pathiannî
Sunday School
Superintendent: Upa F. Lalsangliana
Ṭantu    : Pi Lalhliri
Zirlai    : Sam thuhmahruai II
Chawhnu Inkhâwm
Thusawitu    : Pu Laldingtura
Zan Inkhâwm
Thuhriltu    : Pu K. Lalramsanga
Khuangpu turte:
    Pu C. Lalthanzuala
    Pu F. Siliana

January 14, KṬP Inkhâwm
Hruaitu    : T/Upa K. Lalthlamuana
Ṭantu    : Pu K. Lalremsiama
Thusawitu    : Pu B. Lalmawizuala

January 15, 2013
Kohhran Hmeichhe Inkhâwm
Hruaitu    : Pi Lalkhawchhani
Ṭantu    : Pi Bualliani
Thusawitu    : Pi Lalbiakdiki

Zing Ṭawngṭai Inkhâwm Hruaitute
Thawhṭanni    : Pi Lalbiakengi
Thawhlehni    : Pi Thangzawni
Nilaini    : Pi Lalbiakdiki
Ningani    : Pi Lalinpuii
Zirtawpni    : Pi Rothanpari
Inrinni    : Pi Lalkhawchhani
Pathianni    : Pu K. Dawngzela

RÂL HMATÂWNG

 Dated Tlangsam, the 20th Jan, 2013
Itanagar lamah hian inkhawmpui an hmang mekin kan hria a, kan be tlang thei tlat lo.
    Lopchu: Tunkar chu home visit leh ṭul pawimawha hun hman a ni.
    Saibawh: Thawhlehni khan quarters kan thian fai a, thawktu thar an lo thleng zel a, Inrinniah awmni khamin hla kan zir a, zanah kan rem nghal. Bungtlang Bazar kohhranah Bial KṬP Conference an thleng ang. Tunah hian High School hi an upgrade a, thawktu 18 kan awm mek e. Kohhran changtlung tak ni tawhin keyboard nen kan zai hep hep tawh. Kan quarters hi a fal deuh a, a chhe deuh tawh ṭhiah tura ruahmanah kan invawm lut mek a, quarters thar demand mek a ni a, kan hmuh dawn leh dawn loh pawh a la hriat loh. Kohhran ṭawngṭaipuina kan dil e.

Conference usher turte

Dated Tlangsam, the 20th Jan, 2013
    Zirtawp chhun leh Pathianni chhun leh zana duty turte:
Tv C. Hmingthantluanga, Tv Lalhlimpuia, Tv Jerry Lalrinchhana, Tv Laltlansanga Jahau, Tv KT Lalhriatzuala, Tv K. Lalrinsanga, Nl Saihmingthangi, Nl K. MS Dawngliani, Nl Lalruatsangi, Nl Lalchhanhimi, Nl Lallawmawmi, Nl Lalremmawii
    Zirtawp zan aṭanga Inrinni chhun leh zan duty turte:
Nl Lalhriatzuali, Nl C. Lalthianghlimi, Nl Jh Lalrinkimi, Nl Joyce Lalzamliani, Nl Lalruatfeli, Tv Gospel Lalengzauva, Tv Rosangliana, Tv Lalrinchhana, Tv Lallawmkima, Tv Misael Lalthianghlima.

Group News

Dated Tlangsam, the 20th Jan, 2013
    Matthaia group te chu nimin Inrinni khan Pu F. Vanlalliana te zawngṭah hmun samin an hnatlang a, mi 11 an thawkchhuak thei. Hun remchang hmasa berah hnatlang leh tura lo inring turin an inngen a ni.
    Marka group-te chu Thawhṭanni khan Pu K.Lalsangpuia te thingai thiarin an hnatlang a, hetah hian member mi 18 an hnatlang thei a, hnatlang chhuak  te chungah leh inhlawhna siamsaktute chungah Group hruaitu ten lawmthu an sawi a ni.

Marka Group Hnatlang

Souvenir thla la dawn

Dated Tlangsam, the 20th Jan, 2013
    Vawiin Sunday School banah hian Diamond Jubilee Souvenir-a mi tur thla lak tur a ni a, KṬP member zawng zawngte leh sub-committee te biak in tualah kal khawm turin kan inngen a ni.

Bethel leh hnatlang

Dated Tlangsam, the 20th Jan, 2013
    Tunkar Nilaini hian KṬP member-te Conference Variety Programme hmanna tur Community Hall singsaa hnatlang neih tur a ni a, chawhnu lamah Bethel nghal bawk tur a ni. Member zawng zawngte hnatlang vek turin kan inngen a ni.

Evangelical Cell Committee thu

Dated Tlangsam, the 20th Jan, 2013
    Pathianni hmasa chawhnu inkhawm ban khan Evangelical Cell committee neih a ni a, thurel tlangpui te:
    Electric bill khawn turin heng mite hi ruat an ni.
1.    Tv Laltlansanga Jahau
2.    Nl  Angeline Lalruatkimi
3.    Nl Lalrinnungi
4.    Nl Lalremmawii
5.    Nl Saihmingthangi
6.    Nl K. MS Dawngliani
    Electric Bill enkawltu atan Nl K.Lalhmingsangi Fin. Secretary leh Nl Vanhminglawmi Treasurer kan ruat.
    Cell committee neih a piangin thilpek ken khawm ṭhin ni se tih a ni.

Damlo

Dated Tlangsam, the 20th Jan, 2013
Pu J. Lalchhuanawma chu Typhoid avangin Zokhawthar-ah enkawl mek a ni.
    Pi Malsawmkimi w/o PC Lalhmunmawia Aizawl Civil Hospital-ah enkawl chu Ningani khan dam takin an lo haw.
    Tabith Lalpekhlui d/o T. Lalhmingliana Pneumonia natna avanga Med-Aim Hospital-a awm chu Zirtawpni khan an lo haw.
    Pu Vanruma chu luhai leh thisen sang avangin an inah enkawl mek a ni.
    Pi Laichhingi w/o Pu Khuangringvunga pawh hritlang khawsik avangin an chenna inah enkawl mek a ni bawk.

Sound System siam ṭha

Dated Tlangsam, the 20th Jan, 2013
    Nilaini khan sound system ṭha lo te chu Aizawla siamtir tura ken a ni a. Zirtawpni khan lo haw lehin biak ina kan hman speaker 2 leh monitor chu siam ṭhat a ni a, keyboard leh FM erawh chu siam ṭhat theih a ni ta lo.

Mikhual thlen inring turin ngen

Dated Tlangsam, the 20th Jan, 2013
    Tunkar Zirtawp zan aṭang hian Bial KṬP Conference kan thleng dawn a, Pathianni tlai chaw ei tur mikhual neih lo inring turin kohhran chhung tin te kan inngen a ni.

Biak in rawng hnawih dawn

Dated Tlangsam, the 20th Jan, 2013
    Naktukah hian Building Committee ten an ngen angin KṬP member ten biak in rawng hnawihin an hnatlang dawn. KṬP member zawng zawngte hnatlang turin an inngen a ni.

Ṭawngṭai Camp

Dated Tlangsam, the 20th Jan, 2013
    Karkalta Thawhlehni aṭang khan Primary School II-ah ṭawngṭai camp neih chhunzawm leh a ni a, mi 14 an lut thei a, nimin Inrinni khan an rawn chhuak.

Centenary Hall awmna JCB-in lai

Dated Tlangsam, the 20th Jan, 2013
    Ningani khan Gospel Centenary Hall hmun chu JCB-a laih a ni a, ban khur laiha sak chhunzawm nghal tum a ni.Presbytery kan thlen hma ngeia sak zawh hman beisei a ni

KṬP Official Committee neih a ni; Hnatlang tam lawmman siam dawn

Dated Tlangsam, the 13th Jan, 2013
    January 10, 2013 (Ningani) zan khan Biak in Vestry-ah KṬP Official Committee neih a ni a, thurel tlangpui te:
1.    Conference Inbuatsaihna:
    a) Bial KṬP Conference inbuatsaihna atan inkhawm ban apianga ṭawngṭai nise tih a ni a, a dawn hnaihah awmni khama bethel nise tih a ni bawk.
    b) Zirtawp nia palai lo kalte chawhlui lo buatsaihsak nise, Inrinni chhun variety-ah leh, Pathianni chhun leh tlai fellowship-ah thingpui inho nise kan ti bawk.
    c) Zirtawpnia eirawngbawl turin heng mite hi sawm nise kan ti:
Pi Lalrinchhuangi, Pi F. Lalhmingthangi, Pi Kaptluangi, Nl F. Hranghmingliani, Pu Jh Lalherliana, Pu F. Rokunga, Pu F. Zohmingthanga, Pu Jh Lalmuankima leh Pu H. Ramhluna.
    d) Conference dawn hnaihah Variety programme hmanna tur Tlangsam Community Hall singsaa hnatlang neih nise tih a ni.
    e) Conference-a kan hman tur Keyboard leh Acoustic guitar hawh nise tih a ni.
2.    Sumtuak chungchang:
    Sumtuak nan Ṭiauah balu lak nise tih a ni.
3.    Lehkha lo lut:
    Johana group ten Diamond Jubilee puala T-Shirt siam an rawn dil chu rem tih a ni a, hetiang hian group colour tur pawh thlan nghal la ni.
Matthaia group    -    Light Blue
Marka group    -    White
Luka group    -    Dark green
Johana group    -    Black
Branch OB    -    Red
    Tin, Diamond Jubilee logo siam nise tih a ni a, buaipui turin Ephatha editorial board te ruat a ni.
    Light & Sound committee ten lei ngai an rawn thlen Keyboard stand, bass guitar stand, cable, snake cable, soldering lead leh iron te chu lei nise tih a ni.
    FM, monitor leh speaker biak in chhunga hman te hi siam a ngaih tawh avangin kohhran committee-ah thlen nise tih a ni.
    Sport committee ten diamond jubilee programme siam rem rawtna an rawn thlen chu remtih a ni a, Inrinnia sport tih chu Thawh\annia sawn a ni a, Thawhṭannia home tlawh tum chu Inrinnia sawn a ni.
    Sport vawi 2-na neih hun tur atana an rawn ruahman December 13, 14, 16, 2013 chu pawm a ni.
    Kumin chhunga member hnatlang tam pathumna thleng lawmman pek nise tih a ni a, hei hian kum tawp sport-ah point a keng ang.
    Sport-a major items leh minor items te point hmuh dan thliar hran nise tia an rawn rawt chu sawiho a ni a, kan kal dan pangngai medal tally-a kal chhunzawm nise tih a ni.
    Budget khûmna ₹. 100/- zelin point khat a keng ang tia an rawn rawt chu, budget hi a pe tam berin gold 3, a dawtin gold 2, a pathumnain gold 1 an nise tih zawk a ni.
    Decoration committee-in banner frame siam an rawn dil chu remtih a ni a, pangpar khawina erawh chu ngaihtuah leh nise tih a ni bawk.

INKHÂWM HUNRUATNA

January 13, 2013 Pathiannî
Sunday School
Superintendent: Upa F. Lalsangliana
Ṭantu    : Pi Rosiami
Zirlai    : Sam thuhmahruai I
Chawhnu Inkhâwm
Thusawitu    : Pu K. Dawngzela
Zan Inkhâwm
Thuhriltu    : T/Upa K. Lalthlamuana
Thilpek lakhawmtute:
    Nl Jh Lalrinkimi
    Nl Lalramhluni
    Angeline Lalruatkimi
Kohhran Hmeichhe Ṭawngṭai
A hun    : Sunday School ban
A hmun    : Pu Laldingtura In
Hruaitu    : Pi Rothanpari
Ṭantu    : Pi Khêli
Thusawitu    : Pi Lalkhawchhani
January 14, KṬP Inkhâwm
Hruaitu    : T/Upa K. Lalthlamuana
Ṭantu    : Tv Isaac Lalduhawma
Thusawitu    : Tv K. Zothansanga
Thlilpek lakhawmtute:
    Group tin Fin. Secretary
Zai hruaitu turte:
    Tv F. Vanlalpeka
    Tv Isaac Lalduhawma
January 15, 2013
Kohhran Hmeichhe Inkhâwm
Hruaitu    : Pi Lalkhawchhani
Ṭantu    : Pi Lalinpuii
Thusawitu    : Pi Rothanpari
Thilpek lakhawmtu: Pi H. Lalbiaknungi
Zing Ṭawngṭai Inkhâwm Hruaitute
Thawhṭanni    : Pu K. Dawngzela
Thawhlehni    : Pi Ralliani
Nilaini    : Pi H. Lalremruati
Ningani    : Pi Laltharzuali
Zirtawpni    : Pi Biakveli
Inrinni    : Pi Bualliani
Pathianni    : T/Upa H. Hmangaiha

RÂL HMATÂWNG

Dated Tlangsam, the 13th Jan 2013
Itanagar: Pathianni hmasa khan pastor-in bial fangin kan fellowship-ah hun a hmang. Itanagar chhunga thawktute sawihona hun kan hmang a, kan bial tur te insemin report te kan pe a, hmalak zel dan turte kan sawiho. Ṭawngṭaihonate hmangin hun hlimawm tak kan hmang. Nimin khan kohhran committee kan nei a, nilengin hun kan hmang bawk. Ni 18-20 hian bial inkhawmpui nei turin kan inbuatsaih mek bawk a, kan khawmpuina tur hi thingtlang hmun hla a ni a, tluang taka kan neih theih nan min ṭawngṭaipui turin kan ngen a che u.
    Lopchu: Home visit leh Bible tract sema hun kan hman a ni a. Tailoring centre hawn thar a nih dwn a, a thawktu tur Nl Lalramchuani Pachuau pawh Ningani khan tluang takin a rawn thleng. Puanṭhui hi April thla aṭanga ṭan a ni ang. Puanṭhui zir tur ring lo mi tam zawk kan hmuh theih nan min lo ṭawngṭai pui dawn nia.
    Saibawh lama kan missionary Pu F. Chalthanmawia chu Thawhlehni khan a awmna hmun Saibawh lam panin a chhuak a. Nimin khan a awmna tur Bungtlang South tluang takin a thleng.

Group News

Dated Tlangsam, the 13th Jan, 2013
    Marka group te chu Zirtawp zing khan Upa K. Lalzika te thing ekin an hnatlang a,  mi 20 an hnatlang thei. Naktukah hian thingâi thiara hnatlang neih leh tur a ni a, member-te hnatlang ṭheuh turin an ngen a ni.
    Matthaia group te chu nimin khan thingâi lain an hnatlang a, mi 19 hnatlangin khawn 1 leh achanve an la a, Pu H. Ramhluna’n a motor-in a thlawnin a phurhsak a, an lawm hle. Inrinni leha hnatlang leh tura member-te lo inring turin an ngen a ni.

    Johana group-te chu Ningani khan Middle school-ah thing dah felin an hnatlang a, mi 12 an thawkchhuak. Tin, nimin khan thing chawpa hnatlang neih a ni bawk a, mi 16 an hnatlang thei. Hnatlanga thawkchhuak te chungah group hruaitu ten lawmthu an sawi a ni.

Inkhawm kim zan

Dated Tlangsam, the 13th Jan, 2013
    Jan 7, Thawhṭan zan khan KṬP Inkhawm kim zan neih a ni a,  hetah hian member thar mi 10 te Upa Lalrikhuma’n a lawm lut nghal a, Upa Lalbiaksiama’n fuihna thuchah a sawi bawk.
    Inkhawm kim zanah hian mi 132 kan inkhawm thei a, kan hriat theih chinah chuan kan inkhawm hnem ber ṭum a ni a, thilpek pawh a tam ber ṭum niin ₹. 1,525 kan thawh thei a ni.

Damlo

Dated Tlangsam, the 13th Jan, 2013
Tv F. Lalhmingsanga chu Gospel Centenary Hall ṭhiahnaah in chung aṭangin a tla a, a banrek veilam a tliak a, a kawng ruh a sawh na bawk. Champhai District Hospital-ah admit a nih hnuin Ningani khan dam takin a rawn chhuak.
    Pi Malsawmkimi w/o PC Lalhmunmawia chu lung ṭha lo, zun kawnga hnai awm leh chi kawng na avangin Aizawl Civil Hospital-ah enkawl mek a ni.
    Tabith Lalpekhlui d/o T. Lalhmingliana chu Pneumonia natna avangin Champhai District Hospital-ah enkawl mek a ni.
    Lalkhawngaiha s/o Zohmingliana chu scooty-in a sut avang damdawiina admit chu Nilaini khan dam takin a rawn chhuak.

Programme Committee

Dated Tlangsam, the 13th Jan, 2013
    NPSS chuan chawhnu inkhawm programme ruahman tur programme committee an din.

Loan la

Dated Tlangsam, the 13th Jan, 2013
    Gospel Centenary Hall sakna tur loan lak a ni a, Nilaini aṭang khan la ṭanin mi 20-in ₹. 49,500/- ṭheuhin an la a ni.

Thla khata nikhat tha

Dated Tlangsam, the 13th Jan, 2013
    Naktuk Ṭhawhṭanni hian Kohhran Hmeichhia te chuan thla khata nikhat tha Lalpa tana an pek ṭhin chu thingphura hun hman tur a ni a. Buhfai no 2 ken tur a ni.

NPSS Hall-ah inkhawm tur

Dated Tlangsam, the 13th Jan, 2013
    Gospel Centenary Hall ṭhiah a nih avangin Beginners department aṭanga Sacrament department te Community Hall-ah inkhawm tur a ni a, Senior department te Village Committee Hall-ah inkhawm tur a ni ang.

Ṭawngṭai Camp

Dated Tlangsam, the 13th Jan, 2013
    Karkalta Thawhlehni aṭang khan Primary School II-ah ṭawngṭai camp neih a ni a, mi 14 an lut thei a, nimin Inrinni khan an rawn chhuak.
    Camp neih chhung hian camper-ten ei tur ṭhahnem tak an dawng a, an lawm hle.
    Karleh hian ṭawngṭai camp neih leh tur a ni a, a duh apiang a luh theih ang.

Centenary Hall ṭhiat

Dated Tlangsam, the 13th Jan, 2013
    Thawhṭanni khan Gospel Centenary Hall chu ṭhiah a ni a, mi 40 vel hnatlangin an ṭhiat zo vek. Tunkar chhoah hian a hmun hi JCB-a laih tum a ni.

Kohhran Report

    Dec 31, 2012 Thawhṭan zan khan kum tawp inkhawm neih a ni a. Hetah hian nikum chhunga kan ṭhen tak mi 4 sunna kan nei a. Kohhran report ngaihthlak a ni bawk.
    Report-a a lan danin kan kohhran in zawng zawng hi inawmpawlhna nen 150 a ni a, kohhran member 722 kan awm a ni. Danzawh kim hi mipa 239 awmin hmeichhia 249 kan vaiin mi 488 kan awm a ni.
    Nikum chhung khan baptisma chang 21 an awm a, kohhrana lo lut mi 6 kan nei bawk. Mi 8-in thunun an tawh laiin mi 9 thunun lakluh an awm bawk. Tin Dan chhunga lawm luh mi 17 kan nei bawk.
    Innei 11 an awm a, chung zinga 6 te chuan biak in hawngin an nei a, mi 5 te chu biak in hawng lovin an innei bawk.
    Nikum chhung khan biak in sound system te tihchangtlun a nih bakah generator lei a ni a, tunah hian \huthleng siam mek a ni a. Ṭhuthleng 30 siam tawhin 22 la siam mek a ni. Siam zawh chuan ṭhuthleng thar hlangin kan ṭhu thei tawh dawn a ni.
    Hmeichhe zunin siam tura hmalak mek a ni bawk. Pangpar khawina siam a ni tawh a, biak in puanzar pawh siam tum a ni.
Sum dinhmun
Tualchhung lam:
Zan thawhlawm    : ₹. 28,170/-
Ran pek    : ₹. 7,000/-
Tualchhung (PTR)    : ₹. 2,47,110/-
A dang    : ₹. 15,595/-
Sunday School    : ₹. 1,02,021/-
Total    : ₹. 3,39,796/-
Synod lut:
Buhfaiṭham    : ₹. 1,27,050/-
Ramthar    : ₹. 1,40,578/-
Pathian Ram    : ₹. 1,30,639/-
Missionary    : ₹. 1,04000/-
Total    : ₹. 5,12,267/-
BSI sum:
Sum dawn    : ₹. 25,484/-
Hman ral    : ₹. 18,440/-
Balance    : ₹. 7,044/-
Ramthar (Local) Balance ₹. 8,200/-
Ṭanpui ngaite pual sum:
Lut zat    : ₹. 9,965/-
Ṭanpui nana hman    : ₹. 8,000/-
Balance    : ₹. 1,965/-
Kohhran Hmeichhia:
Balance ₹. 56,972/-

INKHÂWM HUNRUATNA

January 6, 2013 Pathiannî
Sunday School
Pawl siam rem ni
Superintendent: Upa F. Lalsangliana
Ṭantu    : Pu Robula
Chawhnu Inkhâwm
Baptisma Sakrament& Rawngbawltu hlan
Thusawitu    : Rev C Lalremruata
Zan Inkhâwm
Thuhriltu    : Upa Vanthanga
January 7, KṬP Inkhâwm
Inkhawm kim zan & Member thar lawmluh
Hruaitu    : Upa Lalrikhuma
Ṭantu    : Pu F. Lalchhandama
Fuihna thuchah    : Upa Lalbiaksiama
January 8, 2013
Kohhran Hmeichhe Inkhâwm
Hruaitu    : Pi Lalkhawchhani
Ṭantu    : Pi Liannguri
Thusawitu    : Pi Laldinpuii
Thilpêk lakhawmtu: Pi H. Lalbiaknungi
Zing Ṭawngṭai Inkhâwm Hruaitute
Thawhṭanni    : T/Upa H. Hmangaiha
Thawhlehni    : Pi Lalbiakengi
Nilaini    : Pi Thangzawni
Ningani    : Pi Lalbiakdiki
Zirtawpni    : Pi Lalinpuii
Inrinni    : Pi Rothanpari
Pathianni    : Pi Lalkhawchhani

RÂL HMATÂWNG

 Dated Tlangsam, the 6th Jan, 2013
    Itanagar: Siyum kohhrana kan rawngbawlpui ten harsatna an tawh avangin field secretary Rev. Lallianmawia Pachuau nen Siyum kohhranah kumthar kan va hmanpui a, Siyum-ah hian kan missionary quarters bakah a ram mi kan kohhran member tho in pahnih a kang tel bawk. Mizoram kohhran hrang hrang aṭangin ṭanpuina an dawng mek zel a. Kumthar pawh Pathian hruainain hlim takin kan hmang. Jan 3 khan Itanagar-ah kan let leh. Vawiin hian kan fellowship-ah bialtu pastor-in hun min hmanpui ang.
    Lopchu: Pathian vennain kumthar tluang taka hman zawh a ni. Kumthar thlirna committee pawh tluang taka zawh a ni a, kum 2013 chhunga project-ah biak in ceilling, plastic chair leh parda neih nise kan ti. Rawngbawlna peng hrang kan inruat ten hlawhtling taka kan thawh theih nan min lo ṭawngṭaipui turin kan ngen a che u. Ningani khan kan kohhrana mitdel Khinu Gurung chu Kohhran Hmeichhiain hnatlangin an phurhsak. Kan Pastor Rev Targel Lepcha chu lunglam ṭha lo vangin Jan 23-a Vellore-a kal turin a inbuatsaih mek. Pastor dang anga MR an bill ve theih loh avangin an buai hle mai (tunah pawh hian an ba nual tawh). Anni chhungkaw tan pawh hian min lo ṭawngṭaipui turin kan ngen a che u.
    Saibawh lama kan missionary chu naktip hian Saibawh panin a chhuak ang a, Saibawh aṭang hian a awmna hmun tur Bungtlang South-ah a insawn nghal ang.
    Râl hmatâwng hi first person (anmahni rawn report ang) zelin kan rawn chhuah tawh ang.

KṬP sum dinhmun

Dated Tlangsam, the 6th Jan, 2013
Hmuh zawng zawng    - ₹. 2,89,098/-
Hmanral        - ₹. 2,12,691/-
Hman bang        - ₹. 76,407/-
Branch sumpui bik balance ₹. 27,310/-

KṬP member lawmlut dawn

Dated Tlangsam, the 6th Jan, 2013
    Naktuk zan inkhawmah hian KṬP member thar mi 9 lawm luh tur a ni a. Upa Lalrikhuma’n a lawm lut ang a, Upa Lalbiaksiama’n fuihna thuchah a sawi ang. Lawm luh turte chu:
1.    Zoramsanga, S/o T. Lalenzuala
2.    Lallianzuala, C/o Ralliani
3.    Ramdinthara, S/o Jh. Ramengzauva
4.    Zohmunmawia, S/o F. Roliana
5.    Lalmuansanga, S/o HS. Lalthankima
6.    Zoremmawii, D/o F. Hrangluaia
7.    Zodinpuii, D/o C. Hrangneka
8.    Elizabeth-i, D/o Lalhmingthanga (L)
9.    Lalrochhari, D/o Lalnunenga
10.  Lalpekhlua, S/o Lalthanhranga
    Lawmluh turte hi kim taka inkhawm turin kan inngen a ni.

Member la

Dated Tlangsam, the 6th Jan, 2013
    Dec 30, Thawhṭanni khan OB ten kumin chhunga KṬP member tur an la, kumin chhung hian mipa 140 leh hmeichhia 87 kan vaiin 227 kan awm dawn a ni. Tlaiah khan group ṭhen nghal a ni bawk.

KṬP Special Committee thu

Dated Tlangsam, the 6th Jan, 2013
    Jan 3, Ningani zan khan KṬP Special Committee neih a ni a, thurel te:
    KṬP Conference Jan 25-27 a kan kohhrana neih tura kan branch items tur short play-ah mawhphur turin Nl K. Lalhmingsangi ruat a ni a, solo turin Nl C. Lalfakmawii ruat a ni.
    Duet turin Tv Isaac Lalduhawma leh Nl C. Lalthianghlimi te ruat an ni a, worship dance nei turin Nl Lalruatfeli leh a ṭhian te ruat an ni bawk.
    Conference-a kan branch aṭanga agenda lut turin hengte hi thlan a ni.
1.    Bial zaipawl lak hi tih confidential ni rawh se.
2.    Kum 2013 chhung hian Bial chhung branch te intlawh kual ni rawh se.
    Bial OB nominee atan T/Upa K. Lalthlamuana leh Pu B. Lalmawizuala te ruat an ni bawk.

Inkhawm kim zan

Dated Tlangsam, the 6th Jan, 2013
    Naktuk Jan 7, Thawhṭan zan hi KṬP member inkhawm kim zan a ni a, KṬP member zawng zawngte inkhawm vek turin kan inngen a ni. Group hrang hrang ṭhut dan tur hetiang hi a ni ang:
Matthaia    - Pavalai lam
Marka        - Khuangpu hnung
Luka        - Keyboardist hnung
Johana        - Hmeichhe lam

BSI chanchinbu sponsor

Dated Tlangsam, the 6th Jan, 2013
    T/Upa Zachula, Pu David Saikhuma, Pu K. Lalramhluna leh Pu V. Vanlalruata te chuan BSI chanchinbu bu 10 ṭheuh an sponsor dawn a. Nl K. Thangzingi, Pu H. Vanlalhruaia, Tv Rualneihkhuma leh Tv K. Zothansanga te chuan bu 5 ṭheuh an sponsor dawn bawk a ni. La sponsor duh kan awm chuan bu khat ₹.20-in a sponsor theih reng a ni.

Kumthar thawhlawm

Dated Tlangsam, the 6th Jan, 2013
    Kumthar Ni a kumthar thawhlawm kan thawhkhawm kha ₹. 7,787/- a ni.

Lawmthu sawi

Dated Tlangsam, the 6th Jan, 2013
    Pu Laldingtura te chhung chuan Pathian hnena lawmthu sawi nan vawk pakhat leh ₹. 5,000/- an pe a. Nimin Inrinni khan ruai ṭheh a ni.

BSI Collector

Dated Tlangsam, the 6th Jan, 2013
    Kumin chhunga BSI Collector turin heng mite hi ruat an ni:
1.    Tv Rualneihkhuma
2.    Tv K. Zothansanga
3.    Pu Jh Ramengmawia
4.    Pu Lalrindika
5.    Pu Samuela
6.    Pu PC Lalparmawia
7.    Pu V. Vanlalruata
8.    Pu VL Ruatkima Fanai
9.    Tv F. Liantluanga

Khawhar inah ṭawngṭai tur

Dated Tlangsam, the 6th Jan, 2013
    Tukin dar 7:15-ah hian KṬP member-te khawharin Pi Hauhrangi (L) te inah ṭawngṭai tur a ni a. K|P member ten ngaipawimawh turin kan inngen a ni.

Baptisma Sacrament

Dated Tlangsam, the 6th Jan, 2013
    Vawiin chawhnuah hian Baptisma Sacrament buatsaih a ni dawn a, baptisma chang tur kan awm chuan kohhran secretary te hnenah baptisma chang tur pian ni, thla leh kum nen in-report tur a ni.

Rawngbawltu hlan

Dated Tlangsam, the 6th Jan, 2013
    Vawiin chawhnu inkhawm ban hian kohhrana rawngbawltu hrang hrang - ṭantu, thusawitu, zirtirtu, thupui hawngtu, committee member adt. te hlanna neih tur a ni a. Rawngbawltu zawng zawngte chu inkhawm vek tur a ni.

Pawl siam rem ni

Dated Tlangsam, the 6th Jan, 2013
    Vawiin hi Sunday School-a hming ziah ni leh pawl siam rem ni a ni a, vawiina kal lote chu sunday school an kai kim thei tawh dawn lo a ni.