INKHÂWM HUNRUATNA

Sept 29, 2013 Pathiannî

Sunday School

Superintendent: Upa F. Lalsangliana

|antu : Pi K. Lalengzami
Zirlai : Pathian leh a mite.

September thla chairman

Upa Lalrikhuma

Kristian Chhungkaw Ni leh Nu leh Pa Ni

Chawhnu Inkhâwm

Thusawitu : T. Upa H. Hmangaiha

Thupui : Nu leh pa hlutzia

Zan Inkhâwm

Thuhriltu : Upa F. Lalsangliana
Thupui : Chhungkuaa Pathian \ih

Sept 30, Thawh\an zan

Beihrual kharna

Zing |awng\ai Inkhâwm Hruaitute

Thawh\anni : Pi Lalkhawchhani

Thawhlehni : Pi Ralliani

Nilaini : Pi H. Lalremruati

Ningani : Pi Biakveli

Zirtawpni : Pi Bualliani

Inrinni : T/Upa H. Hmangaiha

Pathianni : Pi Lalbiakengi

Ṭawngṭai Camp neih a ni

 

September 23-27 khan Evangelical Cell-te buatsaihin |awng\ai Camp neih a ni a, mi 25 an lut thei.

|awng\ai Camp hi Sericulture Farm-ah neih a ni a, camp-ah hian mi 22 riak lutin mi 3 an lang a, campers zingah hian Presbyterian Kohhran ni lo mi 3 an tel thei bawk.

Thawh\an zan inkhawm banah khan camp hi luh \an a ni a, Zirtawpni zingkara chhuah tum an ni a; amaherawh chu tuk\huan ei khamah an rawn chhuak ta zawk a ni. Camp-ah hian T/Upa K. Lalthlamuana chu speaker-ah hman a ni a, zingkar dar 6-8 ah \awng\ai leh sermon-a hun hman \hin a ni a, tuk\huan ei kham dar 9-12 ah \awng\ai leh sermon bawka hun hman \hin a ni a, a remchan dan angin Bethela hun hman a ni bawk. Chhun chawlh zawhah dar 12:30-5 ah sermon leh \awng\aia hun hman leh a ni a, sharing te pawh neih \hin a ni. Zanriah ei kham dar 6-8:30 thleng hun hman leh \hin a ni. Camper ten thu kan awih tlangin tih kan nuam hle a, boruak nuam taka hun hman a ni.

Camp chhung hian thilpek chi hrang hrang kan dawng a; heng mite hnen a\ang hian thing kan dawng: T/Upa K. Lalthlamuana, Pu KC Lalchhawntluanga, Pi Thankimi, Pu T. Lalenzuala leh Nl Hranghmingliani. Pu K. Lalhmangaihzuala hnen a\angin buhfai kg 10 leh camp chhunga kan hman tur tui leh camp-na hmun sing-sakna tur hmanraw chi hrang hrang min hmantir bawk. Pu Laldingtura hnen a\angin bawkbawn, Upa F. Lalsangliana hnen a\angin vawksa kg 5. Tin, mi inphal hnen a\angin sum fai `. 500 kan dawng bawk.

Upa F. Lalsanglianate leh Pu K. Lalramhluna ten kan thuamhnaw leh bungbelte an motor-in min thiarsak a. Tin camp chung Pu C. Lalbuatsaiha, Pi Romawii, Pu K. Lalhmangaihzuala, Pu K. Lalsangpuia, Pi Vanlalpari, Pu Hmangaiha (Thuhruk Veng), Pu ST Kapa ten kan eitur rawng min bawlsak bawk.

Heng mi inpe zawng zawngte chungah hian kan lawm takzet a, a let tam takin Pathianin malsawmnaa a vur kan duhsak a ni.

Tin, kan camp chhung hian chhimtu kan nei \hin a, anni hian min tiphuisui hle. Tarlan tawh angin camp hi Zirtawpniah kan chhuak a, Biak inah kan Upa ten min lo hmuak a, kan lawm hle. Camp kan neih chhunga buaina leh harsatna tawk loa min vengtu leh ui miah lova a Thlarau Thianghlim hnathawh rawn lantir a, min chenchilhtu Pathian chungah kan lawm takzet zet bawk a ni.

PIALRÂL

H. BULLIANA, KUM 76

Pu H. Bulliana hi Pu H Kaplian-\huama leh Pi Runkaii te fa paruk zinga pathumna niin kum 1938 khan Tlangsam khuaah a lo piang a. Kum 1962-ah Hrangnghilhlovi nen an innei a. A nupui hian kum 1977 khan a boralsan a. Kum 1979 ah tuna a nupui Pi Rothangpuii nen an innei leh a, fanu 6 leh fapa 4 a nei a ni.

Kum 1964-ah a piangthara, Sunday School zirtirtu te, thuhril rawngbawlna te a lo thawk tawh \hin a. Zoram buai vanga khawkhawm a nih hnuaah Tlangsamah let lehin Kohhran din thar lehtute zingah a tel a. Tuna kan Biak In luah mek sak a nih lai hian Building Committee Chairman niin sulsutu pawimawh berte zinga mi a ni bawk. Kum 1976 khan K|P Asst Leader hna a lo chelh tawh bawk. A theih ang tawka Pathian tana rawngbawl \hin mi a ni a, thlarau mi tak a ni bawk. Mi dang tana hnawksaka nun hi a hlauh ber thil a ni a, mi dang tana malsawmna thlentu nih hi a tum ber a ni.

Amah hi thisen sang leh zunthlum nei sa a ni a. Nat lawk pawh awm lovin, Kum 2013 September ni 4 (Nilai zan) khan a zan zung tur a tho chhuak thei lo va. Doctor entir anih hnuin DM Hospital-ah admit a ni a, a pangkhing veilam a chet theih loh avangin Aizawlah refered a ni a, a tuk September ni 5 ah Aizawl panpui nghal a ni a. Aizawl Civil Hospital-ah enkawl niin natzual em em pawh nei lovin Doctor-te’n theihtawp chhuaha an enkawl laiin September ni 21 zing lam dar 7:18 khan a boral ta ni. Tu leh fa 67 a kalsan a ni.

A boral ni hian a ruang hi Aizawl a\angin rawn phurh haw nghal a ni a, khawtlang lama mi \angkai tak leh mi inpe tak a nih avangin mipui tam takin ropui takin an lo hmuak a, zanah tlaivarpui niin a tuk Sept 22 khan Tlangsam thlanmuala Bialtu Pastor Rev. C. Lalremruata’n a vui liam ta a ni.

Khawhar chhungte Pathianin thlamuanin awmpui rawh se.

Missionary la dawn

MISSIONARY LA DAWN

Synod Mission Board chuan kum 2014 chhung Contract basis-a thawk turin Missionary, category hrang hrang (Evangelist, Evangelist Teacher, Staff Nurse, Health Worker, puan\hui zirtirtu) a la leh dawn a, dil duh chuan a hnuaia tarlante hi hriat tur a ni :

1. Synod Mission Board office atangin dilna form siam sa (standard application form) lak tur a ni a, hriat tur tulte chu dilna form-ah tarlan a ni.

2. Dilna chu October 18, 2013 (Zirtawpni) tlai dar 4:00 thlengin Synod Mission Board Office-ah thehluh tur a ni a; hun tiam hnu lama dilna thehluh chu pawm a ni lo ang.

3. Mathematics leh Science thiamte chu mamawh bikna avangin Evangelist Teacher atan duhsak theih an ni ang.

4. Diltu chu kum 18 - 35 inkar a ni tur a ni.

5. October 26, 2013 (Inrinni) dar 10:00 am-ah Synod Office-ah personal interview neih tur a ni.

6. Hlawh chu Synod hnuaia Contract rawihna rate angin pek a ni ang.

7. Hrechiang duh chuan phone no. 0389-2325899-ah Office hun chhungin zawhfiah theih a ni.

Sd/- Executive Secretary i/c Mission

RÂL HMATÂWNG

Itanagar (Nl Malsawmkimi): Kar hmasa khan Naharlagun Fellowship-ah home visit neiin kan kal a, Mosolman ho inah kalin \awng\aina hun te kan hmang. Tunkarah khan Itanagar Kohhranah JPM standing committee te neih a ni a, mikhual lo thleng te rawngbawla kan buai avangin home visit kan nei thei lo. Tin, tunkar lo awm tur Oct 4-6 hian Daporijo bial Kohhran Hmeichhe Inkhawmpui Bogia Kohhranah kan nei dawn a, chumi tur chuan kan inbuatsaih mek bawk.

Tin, Sept 19 khan Jomlo a ka chhungte (Arunachal-a ka awm tirha ka thlen in te) Otop Tataki te in a kang a, an feh hlan a nih avangin bungrua engmah an chuh hman lo va, a kang fai vek. Hemi rual hian Jomyang Abu te in (anni hi Jomlo ka awm laia kan ringthar neih te an ni) a kang tel bawk a, tunah hian khawtlangin an saksak inah an cheng mek a, an khawngaihthlak hle mai. |awng\aipuina kan ngen tak meuh a ni. Sum leh paiin kan \anpui thei lo a nih pawhin \awng\ainain thil nasa tak a ti thei tih kan hre si a. Tunah hian \ap chungin hun an hmang mek a, an lungngaih te hriatthiampui a \awng\aipuina an mamawh tak meuh a ni.

Lopchu (Nl Lalengzauvi Colney): Central Youth Sammellon kan hmang mek a, zaninah kan \iak ang. Pathianni hmasa khan puitling 2 baptisma chang thar kan nei. Tin kan biak in celling siamna tur Nursery Kohhran Aizawl (kan tailoring teacher te kohhran) in `. 40,000 min pe a, heng zawng zawng hi kohhranho ten min \awng\aipuina avanga ni tih kan hria. Lalpan ropuina chang se... Oct. 12 leh 13 hian kan kohhranah JPM (Presbytery) kan thleng dawn a, tlangram boruak hi strike thut thut reng a nih avangin tluang taka neih a nih theih nan min lo \awng\aipui leh turin kan sawm a che u.

Bungtlang ‘S’ (Pu F. Chalthan-mawia): Kan be pawp thei lo a, report kan rawn tarlang thei lo.

Branch Thuthar

Special Committee thu

September 22, Pathianni zan inkhawm banah khan K|P Special Committee neih a ni a, IMEM-in Bible quiz-a tel tura min sawmna chungchang ngaihtuah a ni a, a tel thei tur awm mi kan Secretary ten lo zawng se, tel thei tur an awm chuan tel ni se tih a ni.

Sport Item tur rawt theih

December 13-16 a Sport neih tura intihsiakna tur item rawtna nei duh tan September thla ral hma hian Sport Sub-Committee Chairman Tv K. Zothansanga hnenah emaw Nl Lalenkawli, Secretary hnenah emaw thehluh theih a ni.

Hla inphuahsiak

CK|P chuan KTP Kum Puan 2014 -15 (Pathian tawk tura inpeih) puala hla inphuahsiak a buatsaih dawn a, December 20, 2013 aia tlai lovah Central K|P Office-ah thehluh theih a ni. Hla thluk (solfa), a phuahtu hming, address kimchang leh contact number chiang taka ziah lan tur a ni. K|P General Conference 2014 (Khawzawl)-ah

results puan a ni ang a,lawmman hetiang hian siam a ni ang.

Pakhatna - Rs. 5,000 & thuziak (citation)

Pahnihna - Rs. 3,000 & thuziak (citation)

Pathumna - Rs. 2,000 & thuziak (citation)

Chhungkua

Hnatlang

Tunkar chhung khan Presbytery inbuatsaih nan hnatlang neih a ni a, pandal pawh a chung leh a bang zar zawh tawh a ni a. Reception counter tur leh Information office tur pawh Pu B. Biaktluanga inah siam a ni bawk.

Decoration sub-committee te pawh nimin khan hnatlang an nei a, Biak in carpet su faiin, pandal tlâklam chunga di lawr te an tan rual bawk a ni.

Tih tur a la tam avangin hnatlang hi ngawrh leh zual zawka neih leh zel tur a ni a, Kohhran mipuite \hahnemngai taka hnatlang thei tura lo inring turin kan inngen a ni.

Thlakhata ni khat tha

Nimin Inrinni khan Kohhran Hmeichhia te chuan Thla khata ni khat tha Lalpa tan an pek \hin chu |awng\aiin hun an hmang.

Naupiang

Pu PC Lalbiakzuala leh Pi Darrosiami te chuan Sept 18 khan fanu duhawm tak Rosaline Lalrinhlu-i Pachuau an nei a, kan lawmpui hle.

Pathian ram pe tur tan

Vawiin Pathiannî hi tun thla chhunga Pathian ram pêk hun tawp a ni a, Pathian ram pe turte chuan vawiin chawhnu inkhawmah pêk vek tur a ni.

Pavalai Inkhawmpui

Champhai Bethel Pastor Bial Pavalai pawlte chuan nizan a\ang khan New Champhai Kohhranah inkhawmpui an hmang a, zanin hian inkhawmpui hi a \iak ang.

BSI Certificate sem dawn

Zanin inkhawmah hian BSI Tlangsam Local te chuan BSI Life member leh Patron member thar te hnenah certificate an sem dawn.

INKHÂWM HUNRUATNA

 

Sept 22, 2013 Pathiannî

Kan Kohhran chhungkuaah chhiattâwk an awm avangin vawiin hian Sunday School leh chawhnu Inkhawm a awm lo vang.

September thla chairman

Upa Lalrikhuma

Zan Inkhâwm

Thusawitu : Pu H. Lalvulliana, Ramhlun Venglai

Zing |awng\ai Inkhâwm Hruaitute

Thawh\anni : Pi Lalbiakengi

Thawhlehni : Pi Sangmawii

Nilaini : Pi Mawikungi

Ningani : Pi Thangzawni

Zirtawpni : Pi Lalbiakdiki

Inrinni : Pi Lalinpuii

Pathianni : Pu K. Dawngzela

Bial Sunday school zirtirtu Training neih a ni

 

Nimin khan Bial Sunday school zirtirtu Training Bethel Kohhran biak Inah neih a ni a, vawiin hian trainner ten bialchhung kohhran hrang hrang ah thusawina hun an nei ang.

Nimin Training neihnaah hian zirtirtute an kal tha hle a, kan kohhran chhungkuaah chhiat tawk an awm avangin kan kohhran a\ang erawh kan kal \ha lutuk lo.

Seminar-ah hian thupui hlawm thum ngaihthlak a ni a, a hmasa berah Sunday School chanchin leh zirtirtu mawhphurhna ngaihthlak a ni a. Sunday School hi kum 1790-ah England rama Gloucester khuaa cheng Robert Raikes-a chuan thil siamna hmuna thawk naupang ngaihsak hlawh lote chu ama sum senga zirtirtu ruaia a zirtir \hin a\anga neih \an a ni a. Mizoramah chuan 1898 a\anga neih tan a ni. Zirtirtu mawhphurhna lian ber chu zirtir a nih thu te, Zirtirtu chuan zirtu thil hriat tur pawimawhte chu dik tak leh chiang taka hrilh tur a ni thu te, Intihhmuh te, tihchhinte hi thil zir dan \ha tak a nih thu te leh zirtirtu chuan ama nun ngeiin a thil zirtir duh dan kawhhmuh sela, a zirtu tan zir a sam phah thu te, zir tur hi mi rilru khawih khawpa zirtir tur chuan thiam bel hle a \ul thu te, zirtirtu ten kohhran kalhmang leh a sukthlek dan hriat chian te, mihring tute mah hi inang diak diak kan awm loh avanga zirtute dinhmun hriat chian a \ul thu te, inkhawma thil felfai taka engkim tih tum a \hat thu te ngaihthlak a ni.

A dawtah Sunday School-a zirtute rilru chanchin hrang hrang ngaihthlak a ni a, Beginner naupangte chu che reng tur an nih avanga an chetna tur siamsak a \ul thu te, an mit leh beng a kham hma thu te; Primary naupangte chu zilhhau aiia fuih an \hat thu te, zawhna an zawh reng \hin thu leh thu dik taka chhan a \ulzia te; Junior naupangte chuan chanvo awmzia an hriat tawh avanga mawhphurhna lak an chak thu te, an rualpuite nen insual mai an chin thu leh an inhuat zui ngai loh thu te, hetianga an lo awm palh a nih pawha hau zêk lo va insual a \hat loh thu \ha tak hrilh a pawimawh thu te, Inter&Sacrament naupangte chuan sawisel leh mi dang nena khaikhin an ngaihtheih loh thu te, hetiang rual an nih lai hi piantharna hun duhawm ber a nih thu te, Senior naupangte chuan order an ngaihtheih loh thu leh a ngen a ngen a \ul zawk thu te, zirtirtute belh chian dawl taka an insiam a \ulzia leh an ngaihsan zawng mi ni tura inbuatsaih a pawimawhzia te ngaihthlak a ni bawk.

Puitling lamah kum 18-25 te chuan zirtirtu muang taka \awng te, inchei mumal lo te an ngaihtheih loh thu te, kum 26-35 te hian thu chhan har tak zawh an chin avangin chhang thei tura zirtirtu inbuatsaih \hat a \ul thu te, kum 36-50 te hian Mizo \awng an duh uluk \an thu te, kum 51-65 te chuan Pathian thu an duh uluk thu te, kum 65 chunglamah Mizo \awng dik tak hman a \ul thu leh muang deuh hleka zirtirna pawh pek a \ul thu te ngaihthlak a ni bawk.

A tawp berah zirtir dan ngaihthlak a ni a, ‘zirlai kawhhmuh tum’ naupang hnena hrilh a \ul loh thu te, tin naupang tan an \hutna tur tawk \hutthleng siam a \hat thu te, a theih hram chuan room hran \heuha inkhawmpui a \hat thu te leh a tawp ber mahni inpekna a pawimawh ber thu te ngaihthlak a ni bawk.

Tin Zirtirtu lak dan chungchangah laichin te duhsak a chi loh thu te, rawngbawlna semzai rilru pûa lak a \hat loh thu te leh mi khalh ngilna atana inruat a \hat loh thu te pawh ngaihthlak a ni.

Inzirtirna neih zawhah hian zawhna leh chhannaa hun hman a ni a, dar 4 velah zawh a ni. Training-a kal ten hlawkthlak an ti hle.

RÂL HMATÂWNG

Itanagar (Nl Malsawmkimi): Report kan dawng lo va, kan rawn tarlang thei lo.

Lopchu (Nl Lalengzauvi Colney): Tun kar chu Dawaipani-ah kan kohhran buatsaihin crusade-in hun kan hmang.

Bungtlang ‘S’ (Pu F. Chalthan-mawia): Kan be pawp thei lo a, report kan rawn tarlang thei lo.

Branch Thuthar

|awng\ai Camp nei dawn

Tlangsam Branch K.|.P Evangelical Cell Sub-Committee te bultumin tunkar Thawh\an zan a\anga lut \anin Zirtawpnî zingkara chhuak tura \awng\ai camp neih tum a ni. A hmun atan Pu H. Bulliana (L) te dum kam (Falpuikawn bul) a ni ang, a duh apiang he \awng\ai camp-ah hian \hahnemngai taka lut turin kan in sawm a ni.

Ken tur te: Mutbu, thleng leh fian, Bible, buhfai vawi 6 ei leh mahni mamawh tur te ken tur a ni ang.

Hnatlang tur

Naktukah hian kan \awng\ai camp-na tur hmun siamin Evangelical Cell committee member-te leh Branch OB te hnatlang neih tur a ni a, member ten ngaipawimawh \heuh turin kan inngen a ni.

Evangelical Cell hriattirna

Vawiin tlai dar 3-ah hian Evangelical cell committee member te |awng\ai Camp tur sawma vah kual tur a ni a, Biak inah innghah khawm tur a ni e.

Special Commitee Kohna

Zanin inkhawm banah hian K|P Special Committee neih lawk tur a ni a, hei bak hi inhriattirna dang siam a nih loh avangin member ten hei hi kohnaa ngai turin kan inngen e.

Zaipawlpui Hla zir tur

Zanin inkhawm banah hian Zaipawlpui ten Presbytery-a sak tur hla zir tur a ni a, zaipawlpuiah hian thalai leh nu leh pa te a thei apiang tel vek turin kan inngen a ni.

BSI Certificate sem dawn

 

Zanin inkhawmah hian BSI Tlangsam Local te chuan certificate sem an tum a, certificate dawng turte hian a theih hram chuan anmahni ngeiin dawng tura beisei an ni. Certificate dawng turte chu:

1. Kaphmingthangi Patron

w/o K. Dawngzela

2. K. Dawngzela Patron

s/o K. Vanlalngena

3. Vanlalthansanga Patron

s/o Jh Ramengmawia

4. Taxi MZ 04-6022 Life

Owner Pi Lalkhawchhani

5. HL Hriatrenga Life

s/o HL Malsawma

6. Sentei (Bawngpui) Life

Owner Pu KT Deng\huama

7. Remi (Bawngpui) Life

Owner Pu KT Deng\huama

8. Power Tiller Life

Owner Pu K. Lalenglianga

9. Lalduhawma Life

s/o Lalrothangi

10. Lalrothangi Life

d/o Kaphleia

11. Lalramlawma Life

s/o Lalrothangi

12. Lalfakawmi Life

w/o Lalramlawma

13. Zaithanmawia Life

s/o Lalhmangaihi

14. Joseph Lalbiaksanga Life

s/o R. Vanlaldika

15. April Lalhmachhuani Life

d/o MC Rualkhuma

16. Isak VL Roluahpuia Life

s/o Danny Lalrinawma

Damlo

Pi Rothanpari h/o Pu B. Biaktluanga chu hun rei tak dam lohna avanga Aizawla a awm hnuin karhmasa Zirtawp khan a rawn hâwng.

Pi Lalbiakkimi h/o Pu T. Lalbuatsaiha(Winery) chu Aizawl Civil Hospital-ah karhmasa Thawhlehnì khan a hnute cancer chu zai a ni a, tunah hian Aizawlah enkawl mêk

Damlote an dam theih nan i \awng\aipui zel ang u.

Chhungkua

Chhiat tawk

Nimin Inrinnî zing dar 7:00 khan Pu H. Bulliana chu thisen sâng natna avangin Aizawlah a boral. A ruang hi Aizawl a\ang chhun dar 11:00 ah rawn chhohpui a ni a, nizan dar 9:10 khan kan veng rawn thlenpui a ni.

Kohhran chhungkuaah chhiattâwk an awm avangin Vawiin Sunday School leh chawhnu Inkhawm a awm lo ang a, zan Inkhawm erawh neih tur a ni ang.

Pandal hnatlang

Karhmasa Ninganî leh Zirtawpnî khan Pandal saa hnatlang neih leh a ni a, Pandal chung silpoulin zar zawh a ni. Tin, Pandal thlanglam chhuat pawh cement-a plaster vek a ni bawk. Pandal hi a bang la zar loh a ni a, a bang zar zawh hunah chuan Pandal chu peihfel thawkhat a ni tawh ang.

Camping follow up neih a ni

Chhandamna camping Doulos revival team te’n kar hnih chhung kan Kohhrana an neih chu camping follow up programme ni 16 - 20 Sept. 2013 Thawh\an zan a\anga Zirtawp zan thleng khan neih niin, campers Kohhrana thuhrilna hun chang mi pangate hnen a\angin thusawi ngaihthlak \hin a ni.

Inkhawm \an hun sawn hma

Nite a lo rei loh tak hret hret avangin zan inkhawm \an hun chu sawn hma hret a ni a. Dar 6:15-ah dar riin dar 6:45-a inkhawm \an \hin tur a ni.

Beihrual thla

September thla hi kan Kohhranin Beihrual kan hman thla a ni a, Thlarau lam \hahnemngaihna vangin camping leh follow up-a hun hman a ni a, zanin thlengin Beihrual programme la hman loh a ni.

INKHÂWM HUNRUATNA

 

Sept 15, 2013 Pathiannî

Sunday School

Kan rawngbawltu ten hun an hman dawn avangin vawiin hian Sunday School a awm lo vang.

Chawhma Inkhâwm

Thusawitu : Pu Lalfakzuala, Speaker

Chawhnu Inkhâwm

Thusawitu : Pu Lalfakzuala, Speaker

Zan Inkhâwm

Thusawitu : Pu Lalfakzuala, Speaker

Kohhran Hmeichhe |awng\ai

A hmun : Pi Rosiami In

A hun : Chawhma Inkhawm ban

Hruaitu : Pi Hranglianpuii

|antu : Pi Lalawithangi

Thusawitu : Pi Lalkhawchhani

Zing |awng\ai Inkhâwm Hruaitute

Thawh\anni : Pi Lalbiakengi

Thawhlehni : Pi Lalinpuii

Nilaini : Pi Thangzawni

Ningani : Pi Lalbiakdiki

Zirtawpni : Pi Sangmawii

Inrinni : Pi Mawikungi

Pathianni : T/Upa H. Hmangaiha

NPSS Inkhawmpui tluang taka neih a ni; Vawiinah Senior Meet

 

 

 

 

Pathianni hmasa khan Naupang Sunday School, Beginner-Sacrament Department ten Inkhawmpui an nei a, Vawiinah hian Senior Department ten Vengtharah Meet an nei ang.

Inkhawmpuiah hian Primary Department leh Junior Department te chu a pakhatna an ni a, Intermediate leh Sacrament Department inkhawpte chu pahnihna an ni a, Beginner Department te chu pangna an ni bawk.

Kan kohhranin kan thleng a, T/Upa K. Lalthlamuana, Asst. Superintendent, Sunday School-in inkhawm a kaihruai a, Nl Lalenkawli, Secretary, Sunday School-in report a pe a. Hla, Thu, Thu Inchhang, Recitation leh Solo-ah te intihsiakna neih a ni.

Report a\anga a lan danin kumin 2013-ah hian Bethel Bialah Naupang Sunday School zirlai 1438 an awm a, nikum aiin mi 62-in kan pung a ni. Zirtirtu 189 awmin nikum aiin mi 6-in an tlem thung. Sunday School inkhawm danin chawhrualin Pathianni tin naupang 1192 inkhawm ziah \hin ang an ni a, Zirtirtu hi Pathianni tin mi 161 inkhawm ziah \hin ang an ni a, mi 28 inkhawm lo ziah ang an ni.

Chawhnu inkhawmah intihsiakna result hi puan nghal a ni a. Kan Kohhran naupangte hi Hlaah 1-na, Thuah 3-na, Thu Inchhangah 1-na niin a pumpuiah 1-na an ni.

Beginner department te hi New Champhaiah inkhawmpuiin Hlaah 5, Thuah 3, Thu Inchhangah 4 an ni a. A pumpuiah 5-na an ni.

Junior department te hi Bethelah inkhawmpuiin Hlaah 1-na, Thuah 1-na, Thu Inchhangah 5-na an ni a. A pumpuiah 1-na an ni. Solo-ah Lal\anpuii d/o Lalremruata chu 3-na a ni a, Recitation-ah Lalhriatpuii d/o J. Laltholeha chu 3-na a ni bawk.

Intermediate leh Sacrament department inkawpte hi Zion Vengah inkhawmpuiin Hlaah an lang lo va, Thuah 2-na, Thu Inchhangah 1-na an ni a, a pumpuiah 2-na an ni. Solo-ah Lalthununa s/o Lalmuankima chu 3-na a ni bawk.

Vawiinah hian Senior Department ten Vengtharah Meet an nei ang a, Chawhmaah Zaipawl an nei ang a, Thuchah Rev C. Lalremruata hnen a\angin ngaihthlak a ni ang. Chawhnuah hian Thurinah intihsiahna an nei ang a, Thuchah tawi leh Variety Programme-a chhunzawm a ni ang a. Kan kohhran a\angin Lalfakmawii d/o C. Lalthanzuala chu a solo ang. Zanah hian Meet hi chhunzawm leh tur a ni a, Bial Chairman Upa Lalrinawma’n thu a sawi ang a, result puan a ni bawk ang.

RÂL HMATÂWNG

Itanagar (Nl Malsawmkimi): Joint Pastorate Meeting chu Pathian hruainain tluang takin kan zo thei ta. He Meeting-ah hian Assam band a awm avangin pastor bial pathum a\angin an rawn tel thei lova. Heng te hi kan member tamna bial te an ni. Mahse chuti chung pawhin palai 250 vel bawr kan kal thei a, kan lawm hle. Palai rorel erawh chu kan nei thei ta lova, chu mi aiah chuan Inrinni khan sport neih a ni a. Hlim takin hun kan hmang.

Kan speaker Rev Lalhmingthanga Trijino bialtu pastor a ni a, a hnen a\ang leh kan Field Secretary Rev Lallianmawia Pachuau hnen a\angin Pathian thuchah ngaihnawm tak tak kan ngaithla bawk. Zan inkhawm ban apiangin fellowship neih a ni bawk a, hetah pawh hian thuchah tawi Missionary hnen a\angin kan ngaithla \hin bawk. Zan dar 11 thleng vel hun hman thin ani a, kan lam nasa thei hle.

JPM kan hmanna hmun hi Trijino a ni a, a hlat tham avangin member kal ten kawngah pawh hah takin hun an hmang a, kan inkhawmpui chhung hian ruah a sur \hin avangin khua a diakin a vawt hle a, mahse chuti chung pawhin kohhran hote min \awng\aipuina zarah damlo buai awm lovin hun hlimawm tak kan hmang thei a. Kan lawm em em a ni.

Lopchu (Nl Lalengzauvi Colney): Tun kar Thawh\an a\ang khan October 20 thleng atan strike chu an hawng ve ta a, nunphung pawh a pangngai ve \an ta e. Kan tih \hin angin rawngbawla vah chhuah pawh boruak a zalen leh rih a, kan lawm hle. Vawiin Pathianni hian Bialtu Pastor-in kan kohhranah Baptisma a chantir ang. Keiin Pathian thu chah ka sawi ang. Ringthar ten Pathian ropuina an hmuh zel theih nan min lo \awng\aipui zel turin kan ngen a che u.

Bungtlang ‘S’ (Pu F. Chalthan-mawia): Kan be pawp thei lo a, report kan rawn tarlang thei lo.

Damlo

Lalruathlua s/o Pu K. Laltlanzova chu Damdawi inah a awm hnuin dam takin a rawn chhuak.

Pu C. Laipianga chu Aizawlah Chemotherapy cycle 9 an khai zawh hnuin Ningani khan an rawn haw. Thla 4 hnua kal leh tura tih a ni.

Pi Kimi h/o Pu T. Lalbuatsaiha chu hnute cancer avangin Aizawl panpui a ni a, zai a ngai dawn niin thu kan dawng.

Damlote an dam theih nan i \awng\aipui ang u.

Chhungkua

Camping nei

Karhmasa chhung khan Camping chhawng hnihna chu chhunzawm leh a ni a, mi 82 an lut thei a, Camp chhuah hma zan hian programme duan sa pawh ti hleithei lovin, Pathian hnathawh a lo thleng a, hetiang hi Doulos ho rawngbawlnaah camping neih chhungin a la thleng ngai lo va, team te pawhin mak an tiin ropui an ti hle.

Doulos Team te hi naktuk zingah hian Falkawna (Aizawl bul) rawngbawlna nei chhunzawm turin an chhuak dawn a, tluang taka an tum hmun an thlen theih nan leh rawngbawlna nung tak an neih theih nan Kohhran mipui ten i \awng\aipui ang u.

Light & Sound hnatlang

Light & Sound Sub-Committee te chu Nimin khan Biak in sound leh light te fit \ha-in an hnatlang.

Light & Sound Sub-Committee te chuan kan biak in sound system leh musical instrument te hi Light & Sound Committee member-te leh a khawih tura ruat lote chuan khawih tawh lo turin an ngen a ni. Tin, Operator room-ah hian duty tura ruat loh te chu \hu tawh lo turin an ngen bawk.

Rawngbawltu puala thilpek

Vawiin Chawhma leh zan inkhawmah hian Rawngbawltute puala thilpek lakkhawm tur a ni a, kohhran mipui ten i ngaipawimawh ang u.

Inkhawm \an hun sawn hma

Nite a lo rei loh tak hret hret avangin zan inkhawm \an hun chu sawn hma hret a ni a. Dar 6:30-ah dar riin dar 7-a inkhawm \an \hin tur a ni.

Sacrament Tray pe

Tv Isaac Zairemtluanga chuan Sacrament Tray pahnih Kohhran a pe a, hetianga mi inphal kan nei hi a lawmawm tak zet a ni.

INKHÂWM HUNRUATNA

 

Sept 8, 2013 Pathiannî

NPSS Inkhawmpui

Primary Department

Chawhma Inkhâwm

Hruaitu : T/Upa K. Lalthlamuana

|antu : Tv F. Vanlalpeka

Secretary : Nl Lalenkawli

Intihsiakna : Thu I Petera 3:8-12

Thu Inchhang
Solo KHB 513 ‘Kan zinkawng khawhar takah hian

Thilpek : Thlengtu Pual

Chawhnu Inkhâwm

Hruaitu : T/Upa K. Lalthlamuana

Intihsiakna : Zaipawl (NHB 96 ‘Buaina tinreng ten min chimbuai’

Recitation : Sam 63:1-5

Result puan leh lawmman sem

Zan Inkhâwm

Thuhriltu : Speaker

Kohhran Hmeichhe |awng\ai

A hmun : Pi Rosiami In

A hun : Chawhma Inkhawm ban

Hruaitu : Pi Hranglianpuii

|antu : Pi Lalawithangi

Thusawitu : Pi Lalkhawchhani

Zing |awng\ai Inkhâwm Hruaitute

Thawh\anni : Pi Ralliani

Thawhlehni : Pi H. Lalremruati

Nilaini : Pu K. Dawngzela

Ningani : Pi Lalkhawchhani

Zirtawpni : Pi Biakveli

Inrinni : Pi Bualliani

Pathianni : Pi Laltharzuali

Branch Thuthar

Official Committee thu

September 1, Pathianni Sunday School banah khan K|P Official Committee neih a ni a. Thurel tlangpui te:

1. October 7, Thawh\an zana Bial K|P hruaitu ten kan branch min rawn tlawh turah zaipawl lo neih ni se tih a ni a, conductor-te kutah dah a ni a. Tin, inkhawm banah thingpui inpui ni se tih a ni a, Refreshment Sub-Committee te kutah dah a ni bawk. |antu tur chu hunruatna pangngaia kalpui tur a ni ang.

2. October 21-a Zion Veng branch kan tlawh turah hetiang hian ruahmanna siam a ni:

Hruaitu : Tv Lalthlengliana Fanai

|antu : Pu K. Lalremsiama

Thusawitu : Tv F. Lalhmingsanga

Zaipawl neih bawk tur a ni a, conductor-te kutah dah a ni.

3. Bethel Pastor Bial Pavalai Pawl ten September 28,29-a New Champhaia Meet an neih turah zai tura min rawn sawmna chu Camping kan neih dawn avangin hla zirna hun kan nei thei dawn lo va. Zai loh mai ni se tih a ni.

Poster zuar dawn

Naktuk zingkarah hian kan poster zawrh mek chu OB-te leh Committee member nula ten an zuar leh dawn a. Kohhran mipuiten tlawmngaia min lo leisak turin kan inngen a ni.

Keyboard thar thleng

Kan keyboard lei thar chu kan duhthu a sam chiah loh avangin PSR-S 750-a thleng a ni.

Hla zir tur

Zanin inkhawm banah hian K.|.P member ten Presbytery Inkhawmpui a kan sak tur hla zir tur a ni a, hla zirna hun kan neih tam loh avangin K.|.P member zawng zawng te hla zir vek tur a ni. Hla la zir lo te pawhin inthlahrung loa zir turin kan inngen a ni.

RÂL HMATÂWNG

Itanagar (Nl Malsawmkimi): Kan be tlang thei lo va. Report kan rawn tarlang thei lo.

Lopchu (Nl Lalengzauvi Colney): Strike a la kal zel avangin nunphung a buai deuh a, a theih ang angin home visit ringtu leh ringlo inah neih \hin a ni. September 28,29 hian Central Youth Sammellon neih tur a ni a, kan item hrang hrangte zira inbuatsaih a ni.

Bungtlang ‘S’ (Pu F. Chalthan-mawia): Zirtawpni khan awmnikhawmin naupang inkhawmpui inbuatsaihna kan nei a. Nimin Inrinni khan Saibawh panin LPK Tipper-in kan kal. Zanah report ngaihthlak a ni. Vawiin lamah intihsiakna neihpui an ni ang. Beihrual inkhawm boruak pawh a \ha zel a. Mi 80 vel inkhawm char char ang kan la ni e.

Damlo

T/Upa Zachula chu pumna avangin Thawhlehni khan District Hospital-ah dah a ni a, a tuk khan dam takin a lo chhuak

Lalruathlua s/o Pu K. Laltlanzova chu Zirtawp zan khan Pneumonia leh Asthma vangin District Hospital-ah dah a ni a, enkawl mek a ni.

Pi Rothanpari W/o Pu B. Biaktluanga chu Thawhlehni khan Damdawi in a\angin a chhuak a, in lamah (Zarkawtah) enkawl a ni. |hat lam a pan zel niin thu kan dawng.

Pi Sangtei W/o Pu F. Hrangluaia chu Ningani khan damdawi in a\angin dam takin a rawn chhuak.

Pu H. Bulliana chu stroke avangin Ningani khan Aizawl panpui a ni a, Aizawl Civil Hospital-ah enkawl mek a ni.

Pu H. Lalramhluna h/o Pi Krawsthangi chu a pa damlo Aizawla an kalpui chu a pum a na a; \hat lam a pan leh tawh a, nizan pawh khan a pa hi a awmpui leh thei tawh a ni.

Pi Kaphlei\iali chu Siatica avangin in lamah enkawl mek a ni.

Damlote an dam theihna turin kohhran mipui ten kan \awng\ainaah i hre reng ang u.Tv Lallawmkima, kan kohhrana rawngbawl mek Team Leader chu thisen sang avangin nimin tlaiah khan Champhai damdawi in admit a ni. A \hat zel theih nan i \awng\aipui ang u.

Chhungkua

Camping nei

Karhmasa chhung khan Doulous Team te ruaiin kohhranah camping neih a ni a, mi 37 an lut a. Camp-a lut ten Pathian pawlna an changin hlawkthlak an ti hle.

Tunkarah hian Camp hi chhunzawm leh tur a ni a, naktuka lutin Zirtawpnia chhuak leh tura ruahman a ni.

NPSS Inkhawmpui

Vawiin hian Naupang Sunday School-te chuan inkhawmpui an nei dawn a. Kan kohhranin Primary Department inkhawmpui hi kan thleng ang. Beginner Department New Champhaiah an inkhawmpui ang a, Junior Bethelah, Intermediate leh Sakrament te Zion Vengah an inkhawmpui bawk ang.

Tin, Senior Department te Pathianni lehah hian Vengthar-ah an inkhawm-pui ang.

Light & Sound hnatlang

Light & Sound Sub-Committee te chu Nimin leh Zirtawpni khan Biak in sound leh light te fit \ha-in an hnatlang.

Inkhawm turin ngen

  Vawiinah hian Primary Department te kan kohhranah an inkhawmpui dawn a. Department khat chauh an nih avangin Kohhran mipuite inthlahrung lo va inkhawm vek turin kan inngen a ni.

INKHÂWM HUNRUATNA

Sept 1, 2013 Pathiannî
Sunday School
Superintendent: Upa F. Lalsangliana
|antu    : Pu Laihnuna
Zirlai    : Awm dawn lo.
September thla chairman
Upa Lalrikhuma 
Chawhma Inkhâwm
Thusawitu    : Speaker
Chawhnu Inkhâwm
Thusawitu    : Speaker
Zan Inkhâwm
Thuhriltu    : Speaker

Zing |awng\ai Inkhâwm Hruaitute
Thawh\anni    : Pi Ralliani
Thawhlehni    : Pi H. Lalremruati
Nilaini    : Pu K. Dawngzela
Ningani    : Pi Lalkhawchhani
Zirtawpni    : Pi Biakveli
Inrinni    : Pi Bualliani
Pathianni    : Pi Laltharzuali

Branch Thuthar

Biak In rawng hnawih in Branch hnatlang nei a ni
    Building Committee ten Biak In rawng hnawih K|P kut a an dah chu ni 30, Zirtawp zan khan hnawih chhunzawm leh a ni a, he mi zan hian Senior Department hall chu a vawi hnih na hnawih leh niin hnawih zawh a ni a, tin Operator room hnawih zawh a ni bawk. Hnatlang hi kan vaiin mi 32 kan ni a, kan rawng lei sa chu hnawih zawh a ni. Biak In pawn lam hnawih tur kan la nei a, hnatlang koh hunah K.|.P member te \hahnemngai taka hnatlang turin kan inngen a ni.
    He mi zanah hian kan thingpui pawlh bawnghnute leh chini Pu H. Laldinliana te chhungkua in min tum sak a, an chhungkaw chungah Branch K.|.P chu a lawm hle.
Official Committee
    K|P Official Committee vawiin Pathiannì chawhma Inkhawm banah Biak In Vestry-ah neih tur a ni a, kohna semchhuah vek a ni a, kohhna hmu lo palh kan awm a nih pawh in hei hi kohnaa ngaih tur a ni.
Hla zir tur
    Zanin inkhawm banah hian K.|.P member ten Presbytery Inkhawmpui a kan  sak tur hla zir tur a ni a, hla zirna hun kan neih tam loh avangin K.|.P member zawng zawng te hla zir vek tur a ni. Kan hla sak tur hi hla pangngai a nih loh avangin \hahnem ngai turin kan conductor te’n min ngen a ni.
T-Shirt man khawn dawn
    Johana group te’n vawiin Pathiannì tlai hian T-Shirt man an rawn khawn dawn a, a man la pe lo zawng zawng te khawngaih a lo pe vek turin kan inngen a ni.
   

RÂL HMATÂWNG

Itanagar (Nl Malsawmkimi): Tun kar chhungin Mowb 2 fellowship-ah home visit in hun kan hmang a, ni 28, 8, 2013 khan \halai te’n awmnikhamin hla kan zir bawk.
    Lopchu (Nl Lalengzauvi Colney):     Stike chu tiamchin awm lovin a la kal zel a, a theih ang ang in home visit neih \hin a ni a. Thawhlehnì khan Kohhran ho ten prayer chain in hun kan hmang, hun khirh tak karah hian Pathian a ropui ber theih nan min lo \awng\aipui zel dawn nia.    Bungtlang ‘S’ (Pu F. Chalthan-mawia): Branch K. |.P in Siver Jubillee na a mi tur hla ngawrh takin kan zir mêk a, naupang lam pawh Inkhawmpui naa mi tur thu leh hla ngawrh takin zir mêk zel a ni. Kohhran pawh khawhar lutuk lovin kan kal zel thei e. Beihrual Inkhawm pawh Biak Inah hman tluan tum a ni.

Damlo

Pi Rothanpari W/o Pu B. Biaktluanga chu Thawh\anni khan a Mìt Aizawl Civil Hospital-ah zai a ni a, tunah hian Aizawlah enkawl mêk a ni.
    Pi Sangtei W/o Pu F. Hrangluaia chu zunthlum natna avangin nimin khan Champhai Civil Hospital-ah admit a ni.
    Pu K. Lalhmangaih-zuala H/o Pi Chungnungi chu a Chuap a pan a, an mahni chenna inah enkawl mêk a ni.
    Damlote an dam  theihna turin kohhran mipui ten kan \awng\ainaah i hre reng ang u.

Chhungkua

Camping nei dawn
    Naktuk ni 2, Thawh\an a\ang hian Kohhran chuan Camping a buatsaih dawn a, Kohhran mipui te a tam thei ang ber Camp a lut tur hian kan inngen a ni. Camping a lut tur te’n mut bu, Bible, pen, note bu leh mahni \ul leh pawimawh te ken tur a ni ang. Camp fee, buhfai leh thleng ken a ngai lo ang.
Speaker te lothleng
    Nimin Inrinni tlai dar 4 khan Kohhran in kan rawih tur Doulos team-te an rawn thleng a, nizan a\ang khan hun an hmang \an nghal.
Ramthar zin programme
    Nimin ni 31, Inrinni kha Ramthar nì a ni a. Zanah Ramthar zin programme hman a ni a, he Ramthar zin programme-ah hian thilpêk kenkhawm a ni.
Sunday School awm dawn lo
    Nimin Inrinni zan a\ang khan kan KOhhrana rawngbawltu tura lokal te’n hun an hmang \ana vawiin Pathianni chawhma hian sunday school a awm dawn lo va, hminglamna leh thilpêk lakkhawmna neih zawhah sermon ngaihthlak chhunzawm tur a ni ang.
Pandal sak hnatlang
    Karhmasa Nilainâì a\ang khan Pandal sak hnatlang neih a ni a, nimin khan Pandal hi a chung tur di chih zawh a ni.
Bethel Branch K.|.P te rawn hnatlang
    Nimin Inrinni khan kan Kohhran in Champhai North Presbytery Inkhawmpui kan thlen turah Pandal sa in kan bial center Bethel Kohhran a K.|.P member te an rawn hnatlang a, Pandal chung tur di sah/pawh a ni. Di hi \hahnem tak sah a ni a, di hi chhun dar 12:30 velah sah/pawh zawh niin chhun thingpui in a ni a, thingpui in zawh hian Pandal chung di chih a hnathawh chhunzawm a ni a, tlai dar 2:30 vel khan Pandal chung zawng zawng chih zawh a ni. Vawksa sawhchiar tui tak ei a ni bawk a, hnatlang hian Bethel a\angin member 50 a\anga 60 vel an rawn thawkchhuak thei a ni. Tin, kan Kohhran a\angin mi 50 chuang zen zawn kan thawk thei bawk a ni. Hemi ni hian hnatlang zawng zawng hi mi 100 chuang zen zawn kan ni.
Centenary Hall plaster zo
    Kohhran Centenary Hall plaster chu nimin Inrinnì khan plaster zawh a ni. A plaster na atan hian `. 45,000/- hman a ni a, \hekaa pêk a ni.
Chanchinbu man khawn dawn
    Remchang hmasaberah chanchinbu man kan rawn khawn leh tawh dawn a, kum tawp lam kan hnaih tawh avangin la pe lo, la pe tla lo te chuan tlawmngaia kal nawn ngai tawh lo a lo pe hram hram turin kan inngen e.
   
    Senior department te village committee hall-ah Sunday School kal tur a ni e. 

Ngenna leh hriattirna
    NPSS Primary Department inkhawmpuia Usher hnathawk turin hengmite hi ruat anni.
    Leader: Tv K.Lalbiakmawia
Tv.Lalrinchhana, Tv.Lallawmkima, Tv.Rosangliana, Tv.Lalropuia, Tv David Lalnunmawia, Tv Misael Lalthianghlima, Nl. Lalruatfeli, Nl. JH.Lalrinkimi, Nl. Angeline Lalratkimi, Nl Lalawmawmi, Nl. Lalrinnungi, Nl Joyce Lalzamliani
    Refreshment buaipui turin Senior Dept te ruat an ni a, banner siam turin Inter dept zirtirtute ruat an ni bawk. Decoration buaipui turin Tlangsam Br K.|.P Decoration Sub-Comt-te ruat an ni. Inkhawmpui hun chhungin Light & Sound Comt te uluk taka duty tura ngen a ni.
    Kohna: NPSS Inkhawmpui a Usher tura ruatte hi ni 7, Sept. 2013 Inrinni tlai dar 3:00 pm hian Biak Inah kim taka kal vek tur a ni.