Editorial

Dated Tlangsam, the 27th May, 2012

Hmasawnna hrang hrangin kam ram leh khawtlang min nang mek a, he hmasawna hian kan kohhran chhung tinte hi min nangchingin kan chhungkua hi min thlang pha ve em?

Tunlai hun media leh comunication lamah te, thiamna hrang hrang degree ropui tak tak nei kan ram ah an awm ta nawk mai. Kan Kohhran pawh chhung tinte hi inenfiah/inbih chiang ta ila kan Kohhran chhungkuaah hian degree ropui tak nei engzat nge awm? Han chhiar dawn pawh ni ila chhiar tur kan awm meuh lo zawng a nih hi. Thiamna sang tak nei chunga, tihtak zeta Lalpa rawngbawl tur kan Kohhran hian nei ve thei ila ava duhawm em!

Kohhran chhung tin te tu leh fa te lehkha zirlai kan nei a nih chuan tunlai thiamna nasa tak karah hian theihtawp chhuahpuiin Krista \ih tak chungin zirtir ila, kan Kohhran tan hian an va hluin chhung tin ten an va chhawr dawn tak em. i tu leh fa te, i chhungkua eng dinhmunah nge an din le?

RÂL HMATÂWNG

Dated Tlangsam, the 27th May, 2012

Lopchu lamah chuan Tunkar chhung khan Home visit-a hun hman a ni a, Zirtawpni khan prayer chain zing dar 5 a\anga tlai dar 6 thleng chatlak awm miahlo a \awng\aina hun hman a ni a. Vawiinah hian Lalpa zanriah Sakrament buatsaih a ni ang a, Pathianin rem a tih chuan Baptisma chang turin kan inbeisei a ni.

Missionary suam : May ni 17 a\anga ni 20 missionary retreat hmanga Aizawla rawn zin C Lalronghaka tuna Lakla Assam-a evangelist chu a fapa Lalremruata nen May ni 21 a an haw lam chu Lumding rel chawlh hmunah suam an ni a, an bubgrua zawng zawng chhuhsak an ni. An pahnih hian hrai an ni a, an mahni hi nimin zing khan Lumding police-te’n rel chawlh hmun a\ang Lumding damdawi in ah an dah a ni. Rawngbawlna chhunzawm tura an dam thuai theih nan Kohhranho te’n \awng\ai pui ang u.

Hla rem tur

Dated Tlangsam, the 27th May, 2012
 
Vawiin hi Pentikos nî a ni a, Branch kumpuan tih hlawh tlinna ni pah fawmin zanin hian K|P member-te’n hla rem tur a ni. K|P members zawng zawngte hla rem vek turin kan in ngen e.

Rawngbawlna nei

Dated Tlangsam, the 27th May, 2012

Upa Lalngaihdama chuan tunlai hian Thekte Kohhranah rwngbawlna a nei mêk.

Hmeichhe hnatlang

Dated Tlangsam, the 27th May, 2012

Karhmasa Thawh\annî khan Kohhran hmeichhia te chuan ‘thlakhat a ni khat tha Lalpa tan’ an hman \hin chu thing phura hnatlang in an hmang a, member 30 vel hnatlangin thingai hi khawn khat leh a chanve an phur thei a ni.

Pavalai Pawl Inkhawmpui dawn

Dated Tlangsam, the 27th May, 2012

Mizoram Pavalai pawlte chuan tunkar ni 2-3 Pathiannî hmang hian Zarkawt Kohhran Biak Inah inkhawmpui an hmang dawn.

Sunday School awm dawn lo

Dated Tlangsam, the 27th May, 2012

Vawiin Pathiannî hi Pentikos-nî a nih avangin puitling lamah chuan Sunday School awmlo in Zoram pumah Kohhran hoten Thupui inang ngaihthlak a ni ang a, naupang lam erawh chu Sunday School-ah inkhawm tur a ni ang.

Inkhawm hun sawn

Dated Tlangsam, the 27th May, 2012

Nî te a lo rei leh deuh tâk avangin kohhran inkhawm hun, dar 7:00-a \an \hin chu kâr hmasa Inrinnî zan a\ang khan dar vuak hun hi sawn a ni a, dar hmasa dar 6:45-ah ri in dar 7:15 ah inkhawm hi \an a ni.

Leadership training hmang mêk

Dated Tlangsam, the 20th May, 2012

Champhai Bethel Pastor Bial K|P te chuan Bial Conference in a lo rel tawh angin, nimin Inrinnî khan Bethel Kohhranah Bial huap Leadership training neih a ni. Programme hi zanin thleng hman tur a ni ang.

Leadership training hmang tur hian Central K|P a\ang resource person mi pahnih Central K|P hruaitu Pu Saizamliana Sailo leh T. Upa Lalremsiama Committee member-te an rawn kal a. Leadership training hi session hniha \hen a ni a, chawhma hun hi T. Upa K Lalthlamuana Bial K|P leader-in kaihruaiin dar 10:00 ah \an a ni a, Pu Saizamliana Sailo hnen a\angin thupui \henkhatna zir ho a ni. Thupui hi ‘Hruaitu nihna leh mawhphurhna’ tih a ni a.

Resource person in thuhmahruai sawiin Pathianin khawngaih rawngbawl hna kan thawh min phalsak vanga lokal khawm kan ni a. Chu hna htawk tur chuan inp>kna leh thawhrimna, inngaihtlawmna puan sin a, ropuina leh chawimawina beisei lova tlansan tur leh kalsan tur tam tak a awm thu te, khawvel thil nen a ham kawp leh chawhchawrawi chi a ni lo a, hna thianghlim, zahawm tak, a nih avanga fimkhur a ngaih thu a sawi a. chumi hnuah hruaitu nihna leh pawimawhna tlangpuite a sawi bawk a, a sawi zawh hian groupah in\henin sawiho tur te sawiho niin, group tinte sawihona hi ngaihthlak leh a ni.

Chhun dar 12:30 a\angin chhun chawlh hman a ni a, session hnihna hi chawhnu dar 1:20 ah \an leh in Bial Asst Leader Pu Zohmingthanga’n kaihruaiin, thupui \hen hnihna ‘Pawl inrelbawl dan leh committee kalhmang’ tih chu T. Upa Lalremsiama hnen a\angin ngaihthlak a ni.

Resource person T. Upa Lllremsiama chuan OB te leh Committee member te chu pawl rorel khawl an nih avangin pawl chhiat leh \hat thuah, a chak leh chak lohah mawh an phur thui hle a. K|P rawngbawlnaa kan theihnghilh hauh loh tur-hla taka awmte tihhnaih a, hnai zawka awmte tinghet chung a mi nghette chu chhawr \angkai dan thiam deuh deuh te. Hla tak a awmte tihhnaih leh tingheh hmaa chhawr nghal tum mai te, mi nghet tawk lote chanvo p>k lama hmanhmawh viaute hi pawl tan a him tawk loh avang leh hmingchhiatna thlen theitu a nih avanga a kal dan indawt kan hriat a \ul thu te a sawi a.

Chu mi hnuah pawl member pumpui inkungkaih dan te, mawhphurhna te, pawimawhna te leh inkhaidiat dan tlangpui zir ho a ni a, sawi belh ngaite sawibelh nghal zelin Committee mawngpawp pawizia te, Committee lai a inbiak sur sur leh cell phone hman leh message thawn te, nula te pawh \hu ngawi reng lo a sawi ve tur a nih thu te sawiin, chawhma lam ang bawkin sawihona hi neih leh a ni a. Group te sawihona hi ngaihthlak leh a ni a, tlai dar 4:00 ah trainning hi zo in member te’n hlawkthlak an ti hle a ni.

Kan Branch a\ang pawhin mi 27 kan kal thei a, training hi vawiinah chhunzawm leh tur a ni a, hmunkhatah kalkhawm tawh lovin branch hrang hrangte an Kohhranah resource preson te’n an tlawh kual dawn a ni. kan Kohhranah vawiin chawhnu hian Pu Saizamliana Sailo in thu a sawi ang a, hetah hian Kohhran zaipawl te’n hla an rem ang. Kohhran tinah zaipawl nei tur a beisei kan ni.

Nimin khan Zohmun bial leh Champhai Vengsang Pastor bial K|P te pawhin bial huap Leadership Training hi an nei ve bawk a ni.

Sadraka Group Nite Programme

Dated Tlangsam, the 20th May, 2012

Hruaitu : Tv jerry Lalrinchhana
|antu : Nl Jh Lalchhanhimi
|anna hla : Conference hlabu No. 1
Thilpêk lakhawmtu te:
Nl Saihmingthangi
Nl Joicy Lalzamliani
Nl April Lalhmachhuani
Thilpêk hlantu : Pu Zosangliana
Host : Nl K. Lalhmingsangi & Tv Isaac Zairemtluanga
Group Report : Pu Robert MS Tluanga
Surprise Singer :
Solo : Pu Vanlalhluna Sailo
Thusawi : Pu HL. Malsawma
Thupui : Biak In leh a vel vawn dan.
Extempore : Pu VL Ruatkima Fânai
Recitation : Nl Malsawmkimi
Solo Nl K. Lalbiaknemi
REFRESHMENT
Solo : Tv Hmingthantluanga
Sadraka chanchin chhiarchhuah : Pu VL Siama Fânai
Massage in type siak :
Group zai :
Vote of thanks : Host-te hnen a\angin.

RÂL HMATÂWNG

Dated Tlangsam, the 20th May, 2012

Lopchu lamah chuan tunkar chhung khan Lopchu bial thawktute chuan Harsing-ah Gospel Campaign an nei a, Pathian hnathawh a lan chhunzawm zel an beisei. He hmun hi Station thar a ni a, chhungkaw pathum chauh Kristian an la awm a, Lalpa ram a zauh zel theih nan Kohhran ho ten i \awng\aipui ang u.

Saibawh lam a thawk hi an nupa in karhmasa ni 10 (Ninganî) khan a thawhna lam pan in an haw phei a, kawng lakah zan khat riakin, ni 12 (Inrinnî) khan dam takin an thleng.

Itanagar lam a thawktu hian \halai mi 16 vel hruaiin Mizoram kohhrante zir chiang turin a rawn hruai a, kar 3 vel an cham dawn a, tunah hian Aizawl-ah an awm mêk a ni.

Group News

Dated Tlangsam, the 20th May, 2012

Abednego Group-te chu Karhmasa Thawh\annî, Nilainî leh Zirtawpnî zingkar khan boulder chhu leh phahin Polytechnic-ah an hnatlang a, hnatlang zawng zawng belhkhawm hi member 32 an ni. Thawhlehnî zingkarah hian thawh chhunzawm leh tur a ni ang.

Tunkar Inrinnî hian Blanket su a hnatlang hi neih leh tum a ni. Group member ni kherlo te pawh hnatlang tur hian min sawm a, Kohhran chhungkaw tinte Blanket losuk tir turin min ngen bawk a ni.

Sadraka Group-te Nilainî khan leivung paihin Polytechnic-ah an hnatlang bawk a, member 6 an thawkchhuak thei a ni.

Mesaka Group-te Nimin Inrinnî khan T. Upa H. Hmangaiha te tui kawng haiin an hnatlang a, hnatlang hian group member 7 an thawkchhuak thei a ni.

Tunkar Inrinî hian thawh chhunzawm leh tur a ni a, member te hnatlang tura lo inrin lawk tur a ni ang.

Hla rem tur

Dated Tlangsam, the 20th May, 2012

Vawiin chawhnu inkhawmah hian K|P member-te hla rem tur a ni a, inkhawm banah hian ‘Kantu’ a mi tur thlâ lak nghal tur a ni a, member zawng zawngte thlalakna a tel vek tur a ni.

Biak In huan sam

Dated Tlangsam, the 20th May, 2012

Ni 11, Zirtawpnî khan Biak In huan sam fai a hnatlang neih a ni a, member 16 thawkchhuakin huan hi sam zawh a ni a. Medal lak dan heti ang hi a ni. Sadraka- Gold, Daniala-Silver, Mesaka & Abednego-Bronze.

Inkhawmna hun rawn hmang

Dated Tlangsam, the 20th May, 2012

Nizan Inrinnî zan khan Pu Zaichhawnsanga leh a rawngbawlpui mi pahnih te leh an campers mi 15 vel te chuan kan Kohhranah inkhawmna hun an rawng hmang a, inkhawm ban khan an haw leh nghal a ni.

Secretary ruat thar

Dated Tlangsam, the 20th May, 2012

Naupang Sunday School-a secretary chu a chawlh tak avangin a aiawh tur hian Nl K. Lalhmingsangi Junior Department a mi chu Secretary atan ruat thar a ni a, Junior Department zirtirtu te an indaihloh deuh avangin Beginner Depertment zirtirtu Nl Vanlalchhuangi chu Junior Deperment-ah sawn chhoh a ni bawk a ni.

Kohhran Pawisa bo

Dated Tlangsam, the 20th May, 2012

Kohhran pawisa Vestry-a steel almirah chhunga dah `.2500 chu a bo tih hriat a ni a, hun kal tawh ah pawh calculator te pawh a lo bo tawh bawk a, heti ang a kohhran thil lola \hin te hian an thil tih hi an sim a, Pathian ah piantharna an chan theih nan kohhran mipui te’n i \awng\ai pui ang u.

Synod Social Front Commitee thu

Dated Tlangsam, the 13th May, 2012

1. Tunlaia kan rama thil duhawm lo zahhlak leh mualpho thlak tak lo thleng, Kristian-te tih a mawi lo tak Presbyterian, Roman Catholic leh UPC Biak In te rawk a ni ta mai leh Setana chhinchhiahna ni a ngaih theih tur thil hnutchhiaha Bible thianghlim meuh pawh zah lova Biak In chhunga hal a ni ta hi Synod Social Front chuan pawi a tiin a ngai pawimawh tak zet a. Heti ang thil \ha lo leh mualpho thlak tak hi a thlen leh tawh loh na tur leh a titu te pawh an inhmuhchhuaha, sual kawng ban sana an lo kir leh theihna tur a kohhranho te’n \awng\ai saka Pathian hnena tih tak zeta thlen \ha in a hria a, Sorkar pawhin heti ang thil \ha lo leh duhwm lo titu te hi man chhuak ngei se tih hi Synod Social Front Committe duh dan leh beisei dan a ni.

2. Zu zuar leh rui te laka kohhran dan anga hmalak dan :
Mizoram Synod Social Front chuan May ni 2 khan Synod conference center ah ruihhlo dona kawnga chak zawka hmalak dan tur inrawnkhawmna a buatsaiha Aizawl khawpuia Presbyterian kohhran Social Front committee-a Chairman leh Secretary \heuh te bakah Central YMA leh Excise & Narcotics Department-te an tel. Meeting-ah hian Social Front buatsaih ruihhlo chungchang zir chianna thuziak (concept paper) zir ho a nih hnu ah swi ho a ni a. Concept paper-ah chuan, ruihhlo dona kawnga Presbyterian kohhranin hma alo lak tawhna te leh, kohhran chu dan lektu a nih loh avangin, a tih theihna lam demand tih tawp tuma tha a thawh reng thu te tarlan a ni. Inrawnkhawmna ah hian rawtna chi hrang hrang an siama Kohhran tihtur lamah chuan Presbyterian kohhran member zu zuar tih hriat chian leh an rui lai ngei hmuh te chu PCI dan bung 3:1 angin hmalak ni se tih te, Pulpit-a sermon-ah zu leh ruihlo do chungchang lam sawi tam te a tel.

An rawtna ah chuan zu in pawi zia inzirtirna lehkhabu, comics/Animation leh Drama buatsaih nise tih te, zu zuartu te’n eizawnna kawng dang an zawh theih nan hmalak ni se tih te, MLTP Act hmanga zu man reng reng khawiah mah chhuak leh tawh lo se tih te, zu a harsatna nei te councelling lama \an lak te an rawt bawk.

3. Sawrkara beisei tur a rawt bawka, chungte chu :- MLTP Act. a hremna awm hi tun aia na zawka siam tih te, zu in phalna pek fimkhur lehzual leh permit lem enfiah tih te leh ram pawn a\anga zu in tur la lut te Vairengte check gate leh Lengpui Airport-a check uluk leh hmelhriat nei \ha te pawh tlang tir loh tih te a ni. Excise & Narcotics record-a a lan danin, kum 1984 ah Mizoramah drugs vanga thi hriat \an a ni a, kum 1984 a\anga November ni 3 2011 thleng khan ruihhlo chi hrang hrang vangin mi 1,194 an thi tawha chhinchhiah a ni. Ruihhlo vanga thi te hi mipa 1,073 leh Hmeichhia 121 an ni.

KTP Official committee thu

Dated Tlangsam, the 13th May, 2012

Karhmasa Ningani zan khan KTP official committee Biak In Vestry-ah neih a ni a. Thurel tlangpuite:

1. Leadership trainning ni 19, Inrinnî a neih tur kal dan tur chhungchang kan ngaihtuah a, kallam hi Branch in tumin haw lam chu mahni a intum nise tih a ni.

2. Dimond Jubilee Sub Committee siam chungchang kan ngaihtuah a, heti ang hian Sub Committee siam a ni.

1) Monument Sub Committee
Chairman : T.Upa K. Lalthlamuana
Vice chairman : Pu Jh Ramengmawia
Secretary :Tv Lalthlengliana Fânai
Treasurer : Nl Vanhminglawmi

2) Refreshment Sub Committee
Chairman : Tv. F. Lalhmingsanga
Vice chairman : Tv. Zosangzuala
Secretary : Tv. K. Zothansanga
Treasurer : Nl Laltlansangi

3) Information Sub Committee
Chairman : Tv T. Lalthlamuana
Vice chairman : Tv Jacob Lalnunhlima
Secretary : Nl K. Lallianpuii
Treasurer : Tv Isaac Zairemtlunga

4) Souvenir Sub Committee
Editor :Tv Lalthlengliana Fânai
Joint editor :Tv Jacob Lalnunhlima
Members :Nl Mary Lalthanpuii
:Nl K. Lalbiakn>mi

5) Fund Rising Sub Committee
Chairman : Pu B. Lalmawizuala
Vice chairman : Pu Pc. Lalparmawia
Secretary : Pu Robert MS Tluanga
Asst Secretary : Nl Lalenkawli
Treasurer : Malsawmdawngliani
Fin. Secretary : Nl Lalhriatpuii

Sub Committee OB te hian a remchan dan angin committee an ruat belh thei ang.
3. Meet inbuatsaihna chungchang kan sawi ho a, fellowship-a special item nei turin heng mite hi kan ruat.
Duet : Tv. Zodingliana leh Nl. Mary Lalthanpuii.
Acapela : Branch Conductor-te.
Heng mi te bakah hian item nei thei tur te’n Branch hruaitute hnenah in report nise tih a ni.

4. Kristian |halai a chhuak \hin ‘Kan tu’ chungchang kan ngaihtuah a, ‘Kan tu’ hi tih ve ngei nise kan secretary te’n lo buaipuiin, hemi atan hian ni 19, Pathiannî chawhnu inkhawm banah memberte’n thlalak nise tih a ni.

RÂL HMATÂWNG

Dated Tlangsam, the 13th May, 2012

Lopchu lamah chuan Thawh\an leh Ninganî khan Bible tract leh counceling class neiin khaw\henawmah an kal chhuak a, Thawhlehnî leh Nilainî ah tualchhungah Home visit neih a ni. Thawhleh zan khan Lopchu kohhran member Pi Ranmaya Bk kum 70 mi vel chu boral a, khawhar chhungte \awng\aipui an ngai hle a, kohhranho ten
i \awng\ai pui zel ang u.

Saibawh lam a thawk hian nupui nei turin chawlh a rawn hmang a, an nupa hian karhmasa Nilaithawh\annî khan a thawhna lam pan in an hawphei.

Itanagar lamah chuan kar hnih chhung Daporijo bial fang a an chhuah hnuin Nilainî khan anmahni kohhranah let leh in, Inrinni zan khan |halai mi 16 vel hruaiin Mizoram kohhrante zir chiang turin a rawn hruai a, kar 3 vel an cham ang. Hemi atan hian zai leh lam an zir ngawrh hle a ni. Kohhranho ten hlawkna an neih theih nan i \awng\aipui ang u.