Crusade hmang mêk

October 23, 2011

Tunlai hian kan kohhran chuan Pu Zadawla ruaiin crusade neih mek a ni a. Crusade hi kar hmasa Thawh\an zan a\ang khan neih \an a ni a, zanin Pathianni zan thleng hi crusade hian a awh dawn a ni.

Kohhran mipuite crusade

 chhungin inkhawm kan \ha thei hle a, vawiin chawhma leh chawhnu leh zan hun chauh a nih tawh dawn avangin kohhran mipui ten \hahnem i ngai leh zual ang u. Ruahman lawk dan chuan kan kohhran a hun a hman zawhah Ngur kohhranah hun a hmang leh dawn a ni.

Pu Zadawla hi kum 1935 August thla khan Farkawnah a lo piang a, unau 9 zinga a 4-na a ni. Amah hi piantirh a\anga mitdel a ni. School hi pawl 6 thleng a kal vel a, thil hi a hre thei em em mai a, zirtirtu ten vawikhat an sawi hi a lo chhinchhiah thei zel a; mahse ziak thei lo nafam chu a exam ve thei \hin lo va. A duh duh hunah pawl sawn vein pawl 6 thleng chu a kal ve a ni. Bible te hi a hre em em a, miin vawikhat an chhiarsak hi a theihnghilh tawh mang lo a. Solfa pawh a thiam hle a ni.

Kum 1954-ah khan harhna a chang a, a kumleh 1955, February 5 a\angin rawngbawlin a chhuak \an a ni. Kum 1979-ah khan Aizawlah a pem a, Armed Veng South-ah a awm phawt a, chutah Saron Vengah a inbeng bel ta a ni.

Mi ten \anpuina an pek hmangin in a sa a, Saron Veng Kohhran ten a in hnuai luah theih turin an saksak a. Mahnia eizawng thei a nih loh avangin a in luah man leh mi ten \anpuina an pek a\angin a intung nung thei a ni. Pathian rawngbawl hi a hna ber a ni mai a, rawngbawl hian a chhuak deuh reng a. August 31, Ramthar Ni a\ang khan awl miah lovin rawng a la bawl char char a, a taksa te pawh a chauh theih avangin kohhran mipui ten i \awng\aipui ang u.

Amaha a kal theih loh avangin Pathianin hruaitu tur ‘tiang’ a pe \hin a. Kum 4 vel an hruai tlangpui \hin a. Tuna hruaitu Nl Zaithangpuii erawh hi chuan kum 1992 a\ang khan la hruai ngar ngarin kumin hi kum 20-na a ni. An khua Khawlailunga rawngbawlna a neih \uma inhria an ni.