Diamond Jubilee inbuatsaihna hmasa atan

Nimin Inrinni khan a vawikhatna atan K|P member te chuan Champhai Civil Hospital-a dah tur thisen pek a ni a. Kum 2013-a Diamond Jubilee (Kum 60) kan hman tura inbuatsaihna hmasa a ni. Thisen hi unit 62 kan pe thei a ni.

Thisen petute hi mipa 46 leh hmeichhia 16 kan vaiin mi 62 kan ni a. Kan branch-ah hian member 218 kan awm a, za zela chhutin 28.44-in pe thei ang kan ni a, a lawmawm hle a ni.

Thisen petute hi K|P member-te mai bakah Pu Lalrinsanga Sailo, Pi Lalrinmawii, Nl Hranghmingliani, Tv JH Lalhmingmawia, Nl Rebecca Lalnunmawii leh Tv Zorammawia ten an rawn pe ve a, an chungah kan lawm hle a ni.

Hun rei tak a\anga kan lo thlir, kan nghahhleh si, kan \hahnem lovang tih kan hlauh avanga kan huphurh ruk deuh bawk si chu Pathian zarah tluang takin kan thleng ta a. Dar 10-ah kan \an a, a tirah chuan mi 30 vel kan kal thei a, 40 pawh kan tling lo mai ang tih kan hlau. Mahse Pathian zarah tluang takin kan pe zo thei a. Kum 60 tlin nan kum hnih kan la nei a, unit 60 unit 2-in kan pe chuang thung a, kan lawm tak zet a ni.

Mi dangte nunna chhan nana thisen petu zawng zawngte chungah lawmthu kan sawi a. Kan ei tur arsa sawhchiar tui taka min siamsaktute Pu H. Laldinliana chungah kan lawm a, thisen pekna hmuna hman tur cushion min hawhtirtute chungah lawmthu kan sawi bawk a ni.

Thisen pe thei tur kan OB ten an zawn khan 60 velin hming kan ziak a; ‘A saseh a lo thlen chuan 40 vel chu kan tling mai ang a,’ tiin kan hruaitute chuan an ngaihtuah a. Mahse a hun a lo thleng a, kan beisei ngam loh 60 chuang lai maiin kan pe thei. Pathian hnenah lawmthu i sawi mawlh mawlh ang u.