K|P buh seng zawh a ni

Dated Tlangsam, the 20th November, 2011

Nimin Inrinni khan K|P phai neih hlawh chu Pathian zarah tluang taka seng zawh a ni ta a. Buh \in 175 vel thar a ni a, a neitu ten \in 70 changin \in 105 vel kan chang thei a ni.

Kumin kan lo neih hi a neitu ten buhchi an lo dah sa tawh a, buhchi bialah hian June 6, Thawh\anni khan Branch OB ten leichi thehin bul an \an a. June 17, Zirtawpni zingkarah OB ten khawl chhawrna tur bial sir chekin an hnatlang a, chhunah khawl chhawr zui a ni a, hemi ni hian kan Leader chu nilengin a hnatlang nghal a ni. A tuk Inrinni zingah buhchi pawtin mi 5 an hnatlanga, chhunah phun chhunzawm nghal niin mi 22 kan hnatlang a, kan phun zo nghal. Hemi ni hian Luka group a\angin mi 6 hnatlangin an ti\ha ber a, Matthaia leh Marka group a\angin mi 4 ve ve hnatlangin an dawttu a, Johana group a\angin mi 2 an hnatlang bawk a ni.

August 27, Inrinni khan hlo thlawh a ni a, hetah hian member 11 thawk chhuak thei in a chanve vel thlawh a ni a, Matthaia Group member 3 hnatlangin Gold an la a, Marka leh Luka Group member 2 ve ve hnatlangin Silver an la a, Johana Group Member 1 hnatlangin Bronze an la a. Branch OB 3 an hnatlang thei bawk a ni. A karleh September 1, Ningani khan thlawh chhunzawm a ni a, hetah hian member 17 thawk chhuak thei in thlawh zawh a ni. Hnatlan dan hetiang hi a ni, Matthaia, Marka leh Luka Group a\angtein mi 4 \heuh hnatlangin gold an la a, Johana Group Member 1 hnatlangin Bronze an la a. Branch OB 4 an hnatlang thei bawk a ni.

November 12, Inrinni khan buh zai a ni a. Matthaia group 2, Marka group 4, Luka group 2, Johana 3 leh OB 4, a pumpuiin mi 15 kan hnatlang thei a, chawhnu lamah 2 an rawn kal belh bawk a. Hemi ni hian bial 11 zai zawh niin bial 4 zai tur a la awm a. Thawh\anni zingkarah khan zai chhunzawm leh a ni a, mi 21 thawk chhuakin kan zo nghal a ni.

Ti chuan nimin Inrinni khan buh vuak a ni a, mi 43 hnatlangin chawhmaah zawh nghal vek a ni a. Sound box-te kengin hun hlimawm taka hman a ni.

Tunkar chhoah khua a duai avangin hlauthawng takin kan thlir a, a \il duh lo ang tih kan hlau. Kan mangang a, kan \awng\ai. Mahse kan Ephatha lam khawchin thlirtu ten khua a \hat an beisei avangin kan ngaih kan ti\ha lui a. Buh vuak ni hma thleng chuan khua a \ha lo va. Kan vuak niah erawh chuan khua a \ha ta a, Pathian hnenah lawmthu i sawi mawlh mawlh ang u.