Editorial.....

Dated Tlangsam, the 8th January 2012

Kohhran Committee ngaih pawimawh

      Kohhran Commitee hi  tualchhung kohhran inrelbawlna ah chuan committee pawimawh ber leh sangber ani a. Kohhran kaldan tur leh nihphung tur atan thil pawimawh zawng zawng ngaihtuahtu te an nih avangin anmahni ah hian kohhran ropuina,  kalphung leh Thlarau nun thlengin kawng tam tak hi pathianin an kut ah a dah a vangin memberte pawhin ngaih pawimawh a, kohhran mipui pawhin zah hi kan tihtur ani.

      Kan kohhran hian Biak in kan sa a, reilo te hnu ah  kan siam tha leh  fo mai \hin hi engvang nge ni ang?Building Committee te fel tawk loh nge ni ang a, rorel tur a kan ruatte kan ring tawk leh si lo? An kuta kan dahtawh chuan an tih ang rin ngam mai hi kohhran Comittee zahawmna leh kohhran ho thawhho na atan thil\ha zawk a ni a ngem?

                Kan hunpui hlu tak Krismas kan hmang liam a, ngaihtuh let tur tam tak leh insiam\hatna tur pawh kan nei niin alang. Krismas leh Ruai Committee leh kohhran comittee thu pawh a in hmu tawk lo niin alang.  Ruai\heh lai mek a mi \hahnemngai an awm chuan ruai nawn leh theih tih kan ngaihthlakte kha kohhran programme siam lawk a awm tawh si lova, Engkim kha Ruai committee kut ah kan dah nge ? kohhran committee thu tih an chiang tawk lo ? Kohhran Committee in krismas thlen in a Leikapui siam tur a kohhran a hriattirna an pek mek lai a Biak in lam a thing kan han in keuh tir leh daih         lai te kha mipui tan chuan hriatthiam a har deuh. Tu felloh nge ni ta ang le ? Kohhran committee in a rel tawh anih chuan a hnuaia committee emaw mimal thu in emaw tih danglam a thiang lova, kaltlangpui mai thin hi a tih tur diktak leh zawm mai hi kan chanvo niin alang. Kohhran committee thu hian ngaihpawimawh a hlawh tawk lo anih chuan chuan ngaihtuah chiang deuh chu a ngai a ni.