Pialral Upa F Piangliana

   Dated Tlangsam, the 4th March
Kan Kohhran nemngheh upa, Upa F Piangliana chuan March 2, 2012 zing dar 4;20 khan a rawngbawlsak a lalpa hnena  chawl turin chatuan ram min pansan a, Biakin a\angin zaipawl te neia a ruang hi thlah liam a ni.
PIAN LEH MURNA : Upa F Piangliana hi Sibuta  leh  Vanhnuaithangi te fa 6 zinga 5 na    niin, 1925 ah Zawlsei khuaah a lo pianga. Anau pan laiin Pastor Bankuaia hnenah Baptisma a changa.   Kum 1950 ah a nupui Pi Rualchhingi nen in neiin,  fapa 6 leh fanu 3 an neiin tu 48 a nei a ni.
    UPA  A THLAN LEH NEMNGHEH : Kum  1959   leh 1962  thleng  Zawlsei  Kohhranah Tual Upa in a awm a, kum 1963  khan Tuichang ral Prebytery   chuan  Bungzung   Kohhran  Biak  Inah Zawlsei  Kohhran  Upa  atan  a  nem  ngheta. Kum 1966 Zoram buai khan Khawbung ah sawi khawm in  an  pheia, 1972  ah  Champhai  ah  pemin 1975 khan  Tlangsam  khuaah  an  pem  a ni. Kum 1976 atangin  Tual  Upa  ah  thlan  a  nia, chawlh lailawk awm  lovin 1986  ah Tlangsam  Kohhran Upa atan thlannawn leh a ni.
    A RAWNGBAWLNA : Kum 1988 a\anga 2002 ( Kum 15 chhung) Synod sum vawngtu a ni a, Buhfai\ham sum vawngtu pawh lo ni \hin in, Sunday School-ah hian Suparintendent-te secretary-te alo ni tawh \hin a, Sunday School zirtirtu kum 25 \ang tawh te chawimawina Diploma Award pawh a lo dawng tawh a ni. Kum 1991-1993 chhung khan tualchhungah inneihna kawl tu niin, nupa tuak 13 lai a inneih tir a ni. Tualchhungah Treasurer hna te pawh  a lo thawk tawh bawk a ni
    Bible society-ah hian Life member niin tuna a boral thleng hian Kristian Tlangau Agent a la ni.
    A nat dan tlangpui : Kum 2002 a\ang hian taksa chak lohna nei chho \an in Kohhran centenary-a \anna hun a hman kha Kohhrana a hun hman hnuhnung ber a ni a. Chumi   bak chu amah chak lohna in a tlakbuak a vangin Kohhran inkhawmna ah pawh a tel tam thei tawh lo a ni. Dt 24 Feb 2012 chho vel a\ang khan hritlang khawsik in a tlakbuak chho a. Tha chho leh mai tura ngaih anih laiin, natna dang Asthma natna in rawn belhchhah leh in Ni 2 March 2012 zinglam dar 4:20 khan a rawng a bawl sak \hin Lalpa hnenah a chawl ta. A vuina hun hi Champhai North Presbyterian Moderator Rev. Lalremruata’n a hmang a, Biak in ah a ruang hi lakluh niin Upa te thlahna hun hman thin ang in Zaipawl te nen ropui tak a thlah liam a ni.