Champhai ‘N’ Presbytery Vawi 7- na hman zawh a ni, Nakum Tlangsamah

 Dated Tlangsam, the 20th Oct, 2012
Champhai North Presbytery inkhawmpui chu Ni 10-14 October 2012 chhung khan Hnahlan kohhranah tluang taka hman zawh a ni. Zirtawp leh Inrinni chhun ah Palai rorela hun hman a ni a.
Rorel tlangpuite :

1. Keifangtlang Branch Church hi Kohhran puitliangah hlan kai ni rawh se tih Kahrawt Pastor Bial aṭanga lo lut chu an thu thehluh ang hian pawm a ni.

2. Tlangsam Kohhran leh Kahrawt Bial aṭanga Kohhran Upa thlan an dilna chu pawm a ni a. Kahrawt Bial hian Keifangtlang kohhran tan Upa 3 an dil a, Tlangsam Kohhran hian Upa 2 thlan an dil bawk.

3. Champhai ah rescue home, Synod-in buatsaih rawh se tih thu Vengthlang Pastor Bial aṭanga lo lut chu Synod-ah kal zel tura tih a ni.

4. Mashihi Sangati Pastor pahnih Synod-in rawih belh rawh se tih chu Synod Pastoral committee-ah ngaihtuah tura kal tir ni se tih a ni.

5. Venglai Kohhran leh Zion Veng Kohhrante’n Biak In sakṭhat an dil chu phal sak a ni.

6. Pastor-te tha sen report hi Presbytery sub-Pastoral committe chauhin thlir ṭhin rawh se tih chu pawm a ni.

7. Pastor Posting leh transfer-hi Synod Pastoral committee-in a rel fel tawh hnuah chuan tih confidential ni tawh rawh se tih chu Synod ah ngaihtuah tura kal tir ni se tih a ni.

Nakum Presbytery chu Tlangsam Kohhranin a thleng dawna Bial puipa turte chu:
Moderator : Upa F Lalsangliana
Secretaries : Upa P Lalhmingliana (Sr)
Upa K Lalnunzira (Jr)
Finance Officer: Upa J Vanlalngheta
Statistician : Upa C Sangmanthanga