Dated Tlangsam, the 7th Oct, 2012
Mizoram Synod, Family guidance & Councelling Centre-in September 5 a\anga Kohhran Upa te puala Kohhran Upa te puala Pastoral Care & Councelling Training vawi 17-na, Synod Multipurpose Training Centre (SMTC)-a a buatsaih chu September 18 ( Thawhlehni) zan khan Final Evaluation & Graduation Service neiin khar a ni.
He Training-ah hian Aizawl khawpui bial paruk(6) a\angin Kohhran Upa sawmhnih(20) an tel a, Synod Moderator Rev. Thangzauva’n training kharna hun hi a hmanpui a ni.
Training kharna inkhawm hi FG&CC Director, Rev. Thangzauva’n Training chhuakte hnenah Certificate hlanna hun hmangin thuchah a sawi bawk.
Training chhuakte hian training an hlawkpui dan a lema an ziak chu hrilhfiahin hun an hmang a, Upa Dr. Pc. Biaksiama’n trainee-te aiawha thu sawiin, Rev. Lalrinnunga, Programme Director, SMTC-an \awng\aisakna hun a hmang a, SMTC Hosteller Zaipawl te an zai bawk.
Thuchah sawitu Mizoram Synod Moderator chuan training chhuakte fuihna thu sawiin, Upa chu Pathian rawngbawltu, A Kohhran hote enkawltu a nih avangin Kohhran mite hmangaih tak leh duhsak takin a enkawl tur ani a, Kohhrana harsatna tawk leh mi hnuaihnung zawkte ban phaka awm tur an ni, a ti a. Kohhran vei tlat tur te, midangte tana thawhpui nuam ni tur leh mi dangte \anpui thei tura mahni intat hriam reng turin a fuih bawk.
FG&CC hian kum 1991 a\ang khan Pastor-te pualin Pastoral Care & Councelling Training hi a buatsaih \hin a, kum 2002 a\ang khan Lay Leader-te pualin a buatsaih \hin bawk.
Tun a mi nen hian Pastor 359 leh Lay Leader 315 hnenah Training pêk a ni tawh a ni.
No comments:
Post a Comment