Dated Tlangsam, the 2nd Dec, 2012
Lopchu lamah chuan Home visit leh Bible track-te sem a ni a. Nilaini khan United Christian Siliguri bul tumin Football Friendly match khelh a ni a. Chamṭhatea estate nen an inkhela 3-0 in an chak lo. Ningani khan Workers meeting neih a ni bawk.
Krismas leh Kumthar hmang turin an inbuatsaih mek a, in tinin ₹. 200 an intuk a ni. An chhehvela ringlo te tan Chanchin Ṭha hrilhna a nih theihna turin Kohhranhote ṭawngṭaipuina an ngen.
Itanagar lama chuan Ni hnih chhung Home visit-in hun an hmanga Kohhran Committee-te’n Krismas Programme-te an siam fel ve ta a. December ni 15 aṭanga 23 thleng hian Carol-in hun hman tum a ni. Tin , keimahni Vivekvihar fellowshipte chuan December ni 8 hian kan in a kan inkhawmnaah advance Krismas hman kan tum a, kan inkhawmnaa lo kal ṭhin te leh kan ṭhian ringlo mite tana kan tih a ni. A hlawhtlin theihnan Kohhhran hote ṭawngṭaipuina an ngen.
Saibawh lam Kan missionary chu Bungtlang South lamah sawn a nih tur thu kan dawng. A post hi Kum 2013 January thla tirah a zawm ṭan ang.
No comments:
Post a Comment