Bial Inkhâwmpui hmang mêk; Nakumah Vengthar Kohhranah

Dated Tlangsam, the 28th April, 2013

April 26 Zirtawpni a\ang khan Champhai Bethel Pastor Bial Inkhawmpui chu \an a ni a, chhunah Standing Committee leh Nomination Committee neih a ni a, zanah kohhran hrang hrang report leh Bial report ngaihthlak a ni bawk

Nimin Inrinni khan Palai ten ro an rel a, thurel tlangpuite:

1. Synod-in Bial thar a hawn dawnin a bial tur Kohhrante kawm hmasa \hin rawh se tih chu Presbytery Inkhawmpuiah kal zel se tih a ni.

2. Bial huapin Political Education zirhona neih ni se, Synod Social Front sawm ni rawh se tih chu pawm a ni a, Bial Standing Committee-in a \ul angin lo bawh zui se tih a ni.

3. Bial huapin Kohhran Committee nupuite pualin Seminar neih ni rawh se. Speaker atan Rev. C. Lianhmingthanga rawih ni rawh se tih chu pawm a ni a. Standing Committee-in lo buaipui se tih a ni.

4. Kumin chhungin Bial huap Sunday School Training neih ni se tih chu a lo luh ang hian pawm a ni.

5. Bial inkhawmpui thlengtu \anpuina Bialin kan pek \hin hi 2014 a\angin `. 5,000/- ni tawh rawh se tih chu pawm a ni.

6. Bial chhung Kohhran inkhawm hun in ang tlanga kan hman \hin hi Kohhran mal zalennaa dah ni tawh rawh se tih chu a lo luh ang hian pawm a ni a, Bial chhung Kohhran hrang hrang ten inkhawm \an hun hi anmahniin an ruat tawh dawn a ni.

7. Bethel Kohhranin Upa 4 thlan an dil leh Vengthar Kohhranin Upa 5 thlan an dil chu Presbytery-ah dilpui ni se tih a ni.

8. Bethel Kohhranin Tual Upa 5 thlan an dil leh Tlangsam Kohhranin Tual Upa 3 thlan an dil chu pawm a ni a, inthlanpui turin Bialtu Pastor Rev. C. Lalremruata leh Upa B. Biakvela Secretary Senior te ruat an ni.

9. Kum 2013-14 chhunga Bial Zaipawl member tur pharh chu pawm a ni a, zanin hian puan chhuah a ni ang.

10. Nakum Bial Inkhawmpui chu April 25-27, 2014-ah neih a ni ang a, Vengthar Kohhranin an thleng ang.

Bial Inkhawmpui hi vawiin hian chhunzawm leh tur a ni a, chawhmaah hian Thlarau lam thupui ‘I din thar leh ang u’ tih Upa Hleikapa’n a sawi ang. Chawhnuah hian Lalpa Zanriah Sacrament Bialtu Pastor-in a \heh ang a, kan kohhran zaipawlte an zai bawk ang.

Zanah Bial Chairman kal chhuak Upa HT Vanlalsawma hnen a\angin valedictory sermon ngaihthlak a ni ang a, inkhawmpui hi a \iak ang.