Dated Tlangsam, the 7th April, 2013
Itanagar (Nl H. Malsawmkimi): Home visit-in hun kan hmang a, tin, Malaysia aṭangin mikhual kan nei a, heng mite nen hian a huhovin Bible Study te neiin hun hlimawm tak kan hmang a, kan hlawkpui hle.
Lopchu (Nl Lalengzauvi Colney): Inbiakpawhna lam a chian loh avangin report kan dawng lo.
Bungtlang’S’ (Pu F. Chalthan-mawia): School luh ṭan niah school kan lut thei a. Class 9 hawn belhin naupang 400 chuang kan nei. Kan chenna tur quarters kan indaih loh avangin quarters sak belh a ni a, nimin Inrinni khan quarters tharah hian kan insawn lut. Kumin chhung hian KṬP-in thingtlang lo kan nei a, Zirtawpni khan thlai chi thlakin hnatlang kan nei. Karleh hian Chhimtuipui Presbytery huam chhunga kohhran hruaitute retreat neih tur a ni.
No comments:
Post a Comment