Itanagar (Nl Malsawmkimi): Non Christian tlawhin hun kan hmang a, ni khatah in 5- in 10 vel inkarah \awng\aina hun kan hmang \hin. A tam ber hi Hindu sakhaw bia an ni a. Donipolo ho chuan a tlangpuiin kan \awng\ai pawh an duh lova, min lo hnar na hle \hin a. Pathianin engtikah emaw chuan kawng dik ala kawhhmuh ngei ang tih kan beisei a. A theih chhung chu he programme hi chhunzawm zel tum a ni.
Lopchu (Nl Lalengzauvi Colney): Bial |halai Committee leh Tualchhunga home visit neih leh damlo kana hun hman a ni. Ni 20-23 chhung Bial thawktu ten Gumaunetar-ah gospel campaign neih tur a ni a, Siliguri Mission Field-a gospel team te pawh an rawn tel ve ang. Rawngbawlpuite chhungkuaah natna leh thihnain min tlakbuak neuh neuh a, tluang taka hun kan hman theih nan leh thlaraubo 1 talin nunna an lo neih theih nan min lo \awng\aipui turin kan ngen a che u.
Vawi tam tak min lo \awng\aipui tawh kan pastor Targel Lepcha chu a inzaina tur chu Pathianin in mi \awng\aipui na zarah Synod hotute kaltlangin, Synod Relief fund a\angin tumsak a ni dawnin kan hria a, a bak ei leh in senso chu anmahniin an tum ang. June thla hian Pathianin rem a tih chuan Vellore-ah inzai turin kal an tum a, hlawhtling taka zai anih theih nan leh rawngbawlna a chhunzawm leh thuai theih nan min lo \awng\aipui leh zel turin ka ngen bawk a che u.
No comments:
Post a Comment