Matthaia group OB ten an group champion-pui zo lo; Member power Marka an champion ta!

K|P Sport vawi khatna, 2013 chu tluang taka zawh a ni ta a, Marka group-te chu point 211 hmuin an champion ta. Matthaia group-te point 207 hmuin pahnihna an ni a, Luka group-te point 192 hmuin an pathumna a, Johana group-te point 184 hmuin palina an ni.

Sport-ah hian intihsiakna chi 20-a inel a ni a, heng bakah hian sport laia member kal \ha, Hla Kûtpui inelna, group member inkhawm leh hla zir, group OB inkhawm leh hla zir, group thilpekah te inel a ni a. Tin, hnatlangah hian member pakhat hnatlang zelah point 1 pek a ni a, sport lai attendance-ah group member 2 zelah point 1 pek a ni bawk.

Result a\anga a lan danin Johana group-te hian sport ngau ngauah chuan ti \ha mah se, group OB inkhawm-ah 3-na, group OB hla zir-ah 3-na, member inkhawmah 3-na, member hla zir-ah 4-na an ni a, tin, hnatlangah point 46 chauh an hmuh avang leh sport lai attendance-ah point 18 chauh an hmuh avangin point an hmu hniam deuh a. Hengah hian ti\ha deuh se chu a \ha ber an nih theih a rinawm.

Luka group-te pawh hi goup OB inkhawm-ah leh OB hla zirah 4-na ve ve an ni a, hnatlangah point 62 lai hmu mah se intihsiaknaah an tih\hat vak loh avangin an champion zo ta lo a ni.

Matthaia group-te hi sport-ah an ti\ha hle a, an OB te inkhawm leh hla zirah pakhatna ve ve niin an thawhhlawk hle a, mahse group member lam inkhawmah 4-na an ni thung a, hla zirah 3-na an ni bawk a. Tin, hnatlangah point 42 chauh an hmu a, hei hian a pawt fual deuh niin a lang.

Marka group-te hian group member \anrualna an chhawr hle a. An group OB-te inkhawmah leh hla zirah 2-na ve ve an ni a, member inkhawm leh hla zirah 1-na ve ve an ni bawk a, tin hnatlang-ah point 62 lai an hmuh bawk a, hei bakah hian sport-ah hian an kal \hahnem thei hle a, hei hi an chhawr ta a ni. Anni hi sport-ah chuan a tichhe ber mah nise group member ten a tir a\anga inkhawm leh hla zir leh hnatlang an ngaipawimawh hi an champion chhan a tih loh theih loh a ni.

Matthaia group OB-ten thawhhlawk viau mah se, group member \angrual \ha Marka group-te an ngam ta lo a ni.

Group-te an intluktlang hlawm khawp mai a, group-te hi an \anrual phawt chuan champion thei lo an awm lo tih a hriat a, kum tawpa champion tur pawh rin thiam a har hle a ni.