RÂL HMATÂWNG

Itanagar (Nl Malsawmkimi): Home Visit-in hun kan hmang. Ka \henawma ringlo mi Yama Gapak te chhungkua chu an fapa mi sualin an that a. A thattute hi tun thlengin man an la ni lo va, an chhungkua hi \awng\aipui an ngai hle. He an vanduaina tawh hmang hian Pathian tak an lo hmuh ve theih nan Kohhranho ten i \awng\aipui ang u.

Lopchu (Nl Lalengzauvi Colney): Tunkar chu home visit-in khaw \henawmah kan vak chhuak a, Bible tract te kan sem. Kumin chhung hian kohhranin ringthar 20 tal neih kan tum a; mahse kan thu lo hle, nitin Pathian thu hrila kan vak chhuak chung paw’n a reh vung vung rih mai si a. Engkimtithei Pathian hnenah nasa leh zuala min lo dilpui turin kan sawm a che u.

Bungtlang South (Pu F. Chalthanmawia): School lam pawh 2nd Unit Test kan hmang \an dawn a, karleh hian \an a ni ang. High School Building sakna tur nuai 5 kan dawng a, hma kan la \an mek e. Tin, Kohhran lam pawhin Sunday School Hall kan sa dawn a, kan inbuatsaih chho mek a, balu, rod leh Cement vel pawh Zirtawp zan khan kan phur thleng. Tin, kan Silver Jubilee lawmna tur lam pawh kan hawi \an tawh e. Kohhran pawh kal dan pangngaiin a kal ve \awk \awk zel a, min lo \awng\aipui turin kan ngen a che u.