Branch Thuthar

K|P Official Committee

Aug 8, 2013 (Ningani zan) khan K|P Official Committee neih a ni a, thurel tlangpui te:

1. Samthang Branch ten min rawn tlawh thlirletna kan nei a, hlawkthlak kan tiin hlimawm kan ti hle.

2. CK|P kumpuan bawhzuina chungchang ngaihtuah a ni a:

a) Vantlang zun in/ek in leh tuihawk luankawrte tifaia hnatlang neih ni se tih a ni a, a hun tur chu OB ten lo ngaihtuah se tih a ni.

b) Hmun remchangah vantlang zun in/ek in siam ni se tih a ni bawk.

3. Central a\anga thu lo kalte ngaihtuah a ni a:

a) Youth Recreation Centre tana sum thawh chungchang ngaih tuah a ni a. Central a\anga an rawn tuk angin member tinah `. 5 zela khawn ni se, Branch OB- ten lo khawn se tih a ni.

b) Oct 24, 25-a Counseling Training Champhai Vengthlang Biak ina neih turah kan Branch a\angin Tv Lalthlengliana Fanai, Nl K. Lallianpuii, Tv F. Lalhmingsanga leh Tv Isaac Zairemtluanga te kal tura ruat an ni.

4. K|P ten Phai Veng penga kan sign board siam chu a chhiat deuh tawh avangin remchangah siam \hat ni se tih a ni.

5. Building Committee ten Biak in rawng hnawih K|P-te kutah an dah chu remchang hmasaah hnawih ni se tih a ni.

Samthang Branch ten tlawh

 

Karhmasa August 2-4 khan Samthang Branch-te chuan min rawn tlawh a, mi 32 an rawn kal. Tluang taka kan programme duan sa te kan hman zawh hnuah Thawh\anni khan an haw. Thlahna hunserh Biak ina neih zawh hnuin dar 11:30 velah an chhuak a, dar 6:45 vek khan tluang takin Samthang an thleng.

Presbytery K|P Meet-ah zai dawn

Champhai Nort Presbytery K|P Meet neih mekah vawiin chawhma inkhawmah hian kan Kohhran Zaipawlte kan zai dawn a, dar 9-ah hian Biak in tualah leh Vengthlang kawnah innghahkhawm tur a ni ang.