Samthang Branch ten rawn tlawh

 

 

 

 

 

 

Samthang Branch K|P-te chuan kan Branch min rawn tlawh a, Zirtawp zan a\ang khan hun hmang \anin zanin thleng hian rawngbawlhona kan nei ang.

 

 

Hun rei tak a\anga nghakhlel taka kan lo thlir lawk tawh Samthang Branch-te nena rawngbawlhona chu Pathian hruainain tluang takin kan thleng ta a, a lawmawm hle.

Samthang Branch-te hian May 10-12 khan min rawn tlawh an tum tawh a; amaherawhchu an khawtlang lamah harsatna an tawh avangin an rawn kal thei lo va. Hun rawn ruahman \ha lehin tluang takin an rawn thleng thei a, a lawmawm hle.

Zirtawpni dar 5 velah khan Tlangsam tluang takin an rawn thleng a, zanah khan Inlawmna neih a ni a, Secretary report ngaihthlak a ni bawk.

Report a\anga a lan danin Samthang Branch-ah hian member 187 an awm a, kan Branch aiin 44-in an tlem zawk a ni. K|P Inkhawmah member za zelah 24.25 an inkhawm thei a, kan Branch hi za zelah 23.65 kan inkhawm thei thung. Missionary 4 an chawm thei a, kan Branch-in 2 kan chawm mek bawk. Branch pahnihte hian an pualin Pathianni tin chanchinbu an tichhuak thei a, Central K|P a\anga tih tur lo kal ang ang chu an ti thei vek bawk a ni.

Nimin Inrinni zing khan Branch pahnihte inhmelhriattawnna a \hat zawk nan Biak In huan sama hnatlang neih a ni a, Samthang Branch a\angin 12, kan Branch a\angin 26 kan hnatlang thei a, kan sam zo vek a ni. Hnatlanga thawkchhuakte hming hi chhinchhiah vek a ni a, K|P Record bu-ah a chuang reng tawh dawn a ni.

Nimin chhun khan Primary School I-ah Sport neih a ni a, Branch pahnihte hi group 3-ah inthenin intihsiakna chi hrang hrangah inel a ni a, zanin hian Bible quiz-ah an inel leh dawn a ni. Tin, Branch OB ten Volleyball hmuhnawm tak an khel bawk. Kan intihsiakna \henkhat Ostrich touch, ball 2 hmanga inkhelh leh in & out te hi kan la tihngai loh a ni a, kan hlimpuiin zawngchhangtlak kan ti hle.

Nizan Inkhawmah khan T/Upa Saptawna’n thu a sawi a, inkhawm banah hian fellowship hlimawm tak neih niin mi 96 kan kal thei. Intlawh programme hi vawiin chawhnu hian chhunzawm leh tur a ni a, chawhnu inkhawm banah hian fellowship neih tur a ni. Tin, zanin inkhawmah kan branch kan zai ang. Zan inkhawm banah hian kan hun tawp fellowship neih tum a ni bawk.

Kan hun hmante hlimawm kan tiin nuam kan ti tlang hle a, la kal ve lote pawh vawiin a\ang chuan kal vek tawh turin kan inngen a ni.