Presbytery thleng turin inbuatsaih mek; Water cooler lei a ni.

 

Champhai North Presbytery Inkhawmpui chu tunkar Nilai zan a\ang hian \an a ni dawn a, inbuatsaihna ngawrh taka kalpui zel a ni.

Champhai North Presbytery inkhawmpui October 9-13 thlenga neih tur chu kan kohhranin kan thleng dawn a, inkhawmpui thleng tur hian ngawrh taka inbuatsaihna kalpui mek zel a ni a, karhmasa Nilaini a\anga Inrinni thleng khan K|P te chu biak in rawng hnawihin an hnatlang a, Inkhawmpui hmaa hnawih tur ang angte chu an hnawih zo tawh a ni. Tin, Diamond Jubillee puala kohhrana an pek tur water cooler pawh an lei tawh a, nimin khan an fit nghal a ni.

Refreshment Sub-Committee te paw’n inkhawmpui chhunga palai te leh inkhawmte an ril\am loh nan theihtawp an chhuah a, inkhawmpui chhunga chhung tinte mikhual thlenna tur eirawngbawlna tur an buai loh nan Mizofed-ah gas bur 150 an dil a, tunkar hian an rawn sem hman beisei a ni. Tin, Zirtawpni hian Palaite zanriah eipui an tum bawk.

Reception & Ushering Sub-Committee te chuan inkhawmpui chhung hian Pu B. Biaktluanga in sak mekah office neih an tum a, phal taka an lo hmantir avangin an lawm hle. Anni hian palai thlen in tur an siam fel tawh a, tin palai leh puipate badge pawh peih fel tawh a ni bawk. Nimin khan Usher-te training pek an ni.

Information Sub-Committee te pawhin mi khual thlenin Reception & Ushering Sub-Committee ten an siam chu palaite hnenah leh kohhran chhungkuate hnenah hriattirna an thawn chhuak tawh a, inkhawmpui chhung hian pandal-a \hu ten biak in chhung an hmuh phak dawn loh avangin projector-a kah chhuah an tum. Tin, inkhawmpui chhung hian bulletin tihchhuah an tum bawk.

Pandal Sub-Committee te paw’n inkhawmpui chhunga kan biak ina kan len dawn loh avangin biak in sirah pandal 2 an zar tawh a, pandal hi tlem a la far a, thuam \hat a la ngai dawn a ni.

Light&Sound Sub-Committee te chuan biak in chhung sound \ha lote an siam \ha a, an chah belh bawk. Pandal-ah light an fit fel tawh bawk.

Sanitation Sub-Committee te paw’n khawlaia bawlhhlawh tifaiin Ningani khan an hnatlang a, anni hian kohhran chhungkua te in zawng zawng en dikin fai ber lawmman te pawh an lo siam tawh a ni.

Decoration Sub-Committee te chuan pandal bante lehkhaa tuamin an chei a, tin, lamtuala carpet kha an su fai bawk. Nimin khan Sericulture farm bulah welcome banner an tar bawk. Inkhawmpui chhung hian pangpar vawi hnih khawi an tum.