Zion veng Branch tlawh
October 21, 2013 kar hmasa Thawh\an zan khan Bial K|P conference-in a lo rel tawh tih hlawhtlinna atan leh in tihchak tawnna atan Zion veng Branch tlawh a ni a, K|P member mi 50 vel kal theiin zaipawl neih a ni. Inkhawmah hian Branch pahnih a\angin report ngaihthlak niin Tv. F. Lalhmingsanga Fin. Secretary hnen a\angin Pathian thu ngaihthlak a ni.
Counselling Training neih a ni
Central K.|.P in ram chhung hmun sawm (10) ah October 24-25, 2013 Ninga zan leh Zirtawpnî a a rûala counselling training buatsaih tura a lo rel tawh angin, kar hmasa Ninga zan a\ang khan Champhai Vengthlang Kohhranah Pastor Bial 15 in training hi neih a ni. Ninga zan hian Pathian biak inkhawm neih a ni a, special item solo leh group zai ngaihthlâin Tual Upa Dr. Lalthanzara CK|P committee member hnen a\angin Pahtian thu ngaihthlâk a ni.
He mi zan hian kan thusawitu in YRC chungchâng report tlem a pê nghal a, YRC sak tumna hmasa |huampui a mi chu tui lâkna te leh inkalpawhna kawngpui lamah harsatna a awm dawn avangin tuna Synod in ram a lei Bawngkawnah YRC hi sak tum leh zawk a ni.YRC ah hian a awm te tana intihharhna leh infiamna tur Basketball court leh Volleyball court te siam tum a ni a, tin, Aizawl khawpâwn K|P member ten Aizawla recording an tih pawh a inkulhna tur leh riah na tur te,work camp nei a kal Aizawl paltlang ten chawlh nan leh riahna atan an hman theih tur in lian tâwk sak a ni tur thu te, chumi atan kum tina member pakhata `. 5/- kan khawn \hin pawh cheng nuaih sawmhnih a tlin tawh thu te, chumi atana nuaih sawmhnih a la tlem thu leh pawsa hlutna a tlâkhniam ve zel avangin nakum a\ang chuan member pakhatah `.10/- a khawn a nih mai theih thu te a sawi bawk. Zirtawpnî ah nileng a training neih a ni a, Bial tin a\anga member kal inchhiarna neih niin kan Bial a\angin member kal \ha berin mi 18 kan kal thei a ni. Kan Branch a\anga kal tura ruatte chu kan kal thei veka a lawmawm hle. Training naa kal hi kan \hahnem lo hle a, kal tura beisei hi member 300 tling lo hret kan nih laiin member 180 vel kan kal thei a ni.
Zing dar 9:30 a\angin registration tih a ni a, dar 10:00 ah \an a ni.
Chawhma lamah resource person T. Upa Dr. Lalthanzara Nursery Veng hnen a\ang Councellor pawimawhna te, councellor \ha nih theih dan leh awmdan te leh councellee-te an pawimawh dan te ngaihthlak a ni a, sawihona leh neih a ni bawk.
Dar 12:00 ah chhun chawlh hmangin dar 1:00 ah \an leh a ni a. Chawhnu lamah T. Upa Lalremsiama Bethlehem Vengthlang hnen a\ang ngawlveite chungchâng bîk ngaihthlak a ni a, zawhna, sawihona leh mahni vei zawng sawina hun te neih a ni a, tlai dar 3:00 ah training hi zawh a ni a hlawkthlak kan ti hle.
Pu Samuel Laldingliana rokhawlhna avangin a lo kal thei lova a aiah T. Upa Lalremsiama Bethlehem Vengthlang a lokal.
Hnatlang neih a ni
October 22, 2013 Thawhlehnî khan |iauah balu laa hnatlang neih a ni a, balu hi tractor trip thum vel lâk a ni. Hnatlangah hian K.|.P member 26 kan thawkchhuak thei a, Pu F. Vanlalrova hnatlang hian a rawn thawkchhuak bawka a chungah kan lawm hle. Group hnatlan dan: Matthaia-5. Marka-10. Luka-4. Johana-4. OB-3.
Tleirawl hun hman pui dawn
Nov. 2, Inrinnî hian K.|.P Evangelical Cell te’n Inter - Senior dept te hun hman pui an tum. Chawhma hruaitu Tv K. Zothansanga. Thusawitu Nl K. Lalhmingsangi. Question air neih a ni ang. Chawhnu hruaitu Tv Jerry Lalrinchhana. Thusawitu Tv Isaac Zairemtluanga. Praise and Worship neih tur a ni bawk ang.
No comments:
Post a Comment