Krismas vawi 100-na hman zawh a ni ta

Kan kohhranin Krismas kan hman vawi 100-na chu tluang takin kan lo hmang zo thei ta a. Kohhranho ten Pathian hruaina kan chan avangin a lawmawm hle a ni.

Krismas Programme hi Pathianni hmasa Chawhnu Inkhawm a\angin kan hmang \an a. Krismas Ni hi Synod lamin Pathianni anga hman nise a tih avangin sa ruai nena hmang lovin chang ruai nen kan hmang a, Senior Dept ten chhang tuihnai takin min kan sak a, kum danga chang ei peih lo va haw ta mai kan tam \hin ang lo takin kan ei deuh vek a. Tui kan ti tlang hle.

Krismas tuk Dec 26 leh a tukleh Dec 27 hi sa ruai nen kan hmang a, ruai\heh zawng zawng hi mi 500 vel kan ni a, damlo sa laksak an awm nual bawk. Kum dang ang lovin kan fatu ten sa hi an kang a, tin, sa ei thei lote pawh chawhmeh tuihnai zawk chhawpsak an ni bawk. Kan fatute puitu Senior Dept. ten an hna an tlin \ha a, hna a samkhai hle. Tin kuminah hian counter 4-ah chaw dawhna siam a ni a, counter duty tur hian nuvalai rualte ruat an ni a, anni pawh hian an hna an tlinin ruai\heh pawh darkar 1 chhungin kan zo thei \hin a ni.

Biak In lama inkhawm kan \hahnem vak lo \hin a. Kohhran mipui ten \an kan lak leh zual a \ul hle. Lenkhawmna lamah erawh Krismas in khat kan awm thei deuh reng a, zai a tuiin lengkhawm ten nuam kan titlang thei hle a. Chutih rualin Krismas in la thleng lo kan la awm nual a, la lengkhawm ve lote pawh lengkhawm ngei i la, a nuam leh zual ngei ang. Lenkhawmnaah hian Sacrament Dept. ten thingpui tui takin an lum \hin a ni.

Kumin Krismas hi kan Kohhranin Krismas vawi za kan hmanna tih kan Upa ten an sawi tirh khan Kohhran Centenary Souvenir lamah Krismas kan hman kum kha Kohhran din tirh 1910-ah hmang nghal anga a inziah avangin kumin hi vawi 104-na a ni thei ang em? tih ngaihdan a lo piang a. Amaherawh chu Biak In tuala lungphunah hian Krismas kan hman 1913 tih chiang takin a lo inziak a. Chuvang chuan inthlahrung lo takin a vawi 100-na tiin kan hmang ta a ni.

Mahse hetah pawh hian thil chiang lo a la awm thei ta fo niin a lang. Kum 1913-ah Krismas hmasa ber (a vawi khatna) kan hman \an chuan a vawi hnihna chu 1914-ah a lo ni ang a. Vawi sawm kan hmanna chu 1922-ah kan hmang chiah a. Chutia han chhut chhoh zel chuan nikum 2012 kha vawi 100 kan hmanna chiah a lo ni ta zawk a ni! Kumin hi Krismas kan hman champhaphak vawi 100-na a ni ta zawk tihna a nih chu! Engpawh nise nikum lamah kan hriatchhuah loh avangin Krismas vawi 100-na hi kan hmang lo va. Krismas vawi 100 kan hmang tling thei kohhran kan ni hrim hrim hi a hlu a, vawi 101 hmang tling thei kan ni leh ngat phei hi chu a hlu leh zual a ni. Chuvangin a vawi 101-na pawh lo ni se, a lawmawm hlei hleiah ngai ila. A vawi 100-na kan lo theihnghilh palh avangin nikum lamah kan lo hmang uar lo va. Kuminah kan lo hmang uar pawh hi kum 100 hmang thei kan nih avanga a lawmawm emna khan hman uar a phu a, kan uar tlai deuh ni maiah a ngaih theih. Indemna tur a awm hran lo a ni.