Kum tawp Sport hman zawh a ni ta; Active member tlemna Johana Group Champion

K|P Kum tawp Sport chu tluang taka hman zawh a ni ta a. Intihsiakna chi hrang hrang 37-ah intihsiakin a tawpah active member tlemna ber Johana group-te chu

point 509.3 hmuin an champion ta a ni.

Thawh\anniah khan chawhma lamah outdoor item-a intihsiakin chawhnu lamah zan lama kan hun hmanna turte siam fel hnatlang neih chhunzawm a ni bawk.

A tawp zan hi Winery tlangah meipui chhepin hun hlimawm tak hman a ni a. Kan sawmnate ngaipawimawhin K|P member ni lo mi 20 vel an rawn kal a, kan lawm hle. Anni hi Branch Committee member-te chuan thilpek an pe \heuh a ni.

Hemi zan hian zaithiam zai leh fiamthu thiam ten hun an hmang a, Ephatha Award sem a ni bawk. Kal zawng zawng hi naupang te nen mi 150 vel kan ni. Current a mumal loh avangin dar 11 vela bang hman tura ruahman chu dar 1 velah kan zo thei chauh a ni.

Result a\anga a lan danin Johana Group-te hian kumin chhungin sum an thawhchhuah hnem ber bakah sport-ah hian an ti \ha a, an member tam tak hmun dangah awm mah se an champion thei a ni. Budget-ah `. 22200 theh lutin budget hi `. 15200 in an khum a, za zelah 217.15-in an khum a. Nikuma Abednego group ten za zela 246-a an khum kha an pha lo deuh a ni.

Pahnihna Matthaia group-te hian point 475.2 an hmu a, anni hi group OB te inkhawmah pakhatna ni mah se; OB hla zir leh member inkhawm leh hla zirah an \hat vak loh avangin an champion zo ta lo a ni. Anni hian budget-ah `. 19015 thehlutin za zelah 171.64-in an khum a ni.

Pathumna Marka group te hian point 471.4 an hmu a, hnatlang, member inkhawm leh hla zir leh OB hla zirah te pakhatna ni mah se, mi dangin sum an thawhchhuah hnem em avangin an champion zo ta lo a ni. Anni hian budget-ah `. 15025 an thehlut a, za zelah 114.79-in an khum a ni.

Palina Luka group te hian point 342.4 an hmu a. Anni hi Sport-a an tih \hat vak loh bakah an member te hla zirah \ha viau mah se; OB inkhawm leh Hla zir-ah te an \ha lo va, an chhiat phah niin a lang. Budget-ah `. 10070 an thehlut a, za zelah 45.29-in an khum a ni.

Kumin hian group hrang hrangte hian budget an thehlut hnem hle a. Group a\ang hian `. 28000 hmuh beisei a nih laiin `. 66420 hmuh a ni a, `. 38420-in kan khum a, za zelah 137.21-in kan khum a ni. Sum thawhchhuah nana tha leh ngaihtuahna sengtu zawng zawngte chungah lawmthu kan sawi a ni.