K|P Gen. Conference hman zawh a ni; 2016 - Champhai; 2018 - West Phaileng

 

 

 

 

K|P General Conference vawi 55-na leh kum 60 tlinna Diamond Jubilee lawmna chu tluang taka neih zawh a ni ta a. Kum 2016-ah hian Champhaiah neih tur niin 2018-ah hian West Phailengin an thleng thung ang.

K|P General Conference vawi 55-na Pathian hruainain tluang taka hman zawh a ni ta a. Kan Branch a\anga kalte chu Ningani dar 10-ah khan Bus-in mi 29 kan chhuak a, Bial zaipawl mi 8-te a hnuah an rawn kal bawk a. Zirtawpniah mi 4 an rawn kal belh leh a, Inrinni leh Pathianniah mi 15 vel an rawn kal bawk a. Ti chuan Conference-a kal zawng zawng chu mi 55 vel kan ni ta a ni.

Ningani zanah hian Report Inkhawm neih a ni a, report a\anga a lan danin nikum chung khan Bial 177 a awm a, kuminah hian Bial hnih pian belhin Bial 179 a awm dawn a ni. Branch hi 808 a awm bawk a ni. Nikum chhung khan K|P member 448 thi an awm a, member thi awm lohna Bial 36 a awm a ni. Kristian \halai hi member 3.74-in copy khat inchhiar \awm ang kan ni a, nikumah khan kan Branch-ah chuan member 4.62-in copy khat inchhiar \awm ang kan ni a, kuminah phei chuan mi 5.16-in inchhiar \awm ang kan ni a, average chunglamah kan awm avangin report tichhetute zingah kan tel a, \anlak kan ngai hle a ni. He tih lai hian Zion Veng Branch chuan za-ah za lain Kristian |halai la tam Branch-ah pathumna an hauh thung.

Nikuma innei zawng zawng zinga 42.77% chu Biak In hawnga an inneih laiin kan Branch-ah thung chuan 9.09% chauh Biak In hawng kan nei a, kan record a \ha lo tak zet a ni.

Nikum chhunga Branch zawng zawng sum hmuh belhkhawm chu `. 15,72,62,931.45 a ni a. Member pakhatin `. 1150.67 zel thawk chhuak ang kan ni a. Dawrpui Vengthar Bialah chuan K|P member 1-in `. 2323.74 thawk chhuak ang niin, member 1-ina sum an thawh chhuah tamna ber Bial an ni a. Tlangnuam `. 2208.50, Dawrpui `. 2192.74, Electric Veng `. 2101.76, Saiha `. 1838.56 te a ni a. Kan Branch-ah hian nikum chhung khan member 1-in `. 1906.69 thawk chhuak ang kan ni a. Chumi awmzia chu kan Biala Branch dangte hian kan thawh chhuah ang hian thawk chhuak ve ta \heuh se chu kan Bial chu 5-naah kan awm thei dawn a, Aizawl khawpuia Bial 30 vel awm zinga Bial 26-te chu kan hnuaiah an awm thei dawn tihna a ni.

Thawh\an zan inkhawm hi member za zelah 23.40 a ni a, kan Branch kha 23.61% kan ni a, a vangtlang chunglamah kan awm pha \awk a, tan kan lak a ngai hle.

Kumpuan bawhzui nana thingphun chhinchhiah zat chu 2765 a ni a, heng zinga 250 hi kan Branch phun a ni a, za zelah 9.04 hi kan Branch-ina kan phun a ni.

K|P Gen. Conference hi kum khat danah neih \hin niin Conference neih loh kumah hian Rorel Inkhawm neih \hin a ni a. Nakumah hian Rorel Inkhawm chu Mission Vengah neih tur a ni a, 2016 Gen. Conference chu Champhaiin kan thleng ang a, 2016 chu West Phailengin an thleng dawn a ni.