RÂL HMATÂWNG

Itanagar (Nl H. Malsawmkimi): Field retreat chu tluang takin kan nei zo. Nirjuli-ah outreach programme hmagin ni hnih chhung hun kan hmang. Bible track te kan sem bawk. Tunkarah kan biak chhungah chhiat tawk kan awm nual a. Kan field secretary Rev Lallianmawia chu a nauin a boralsan a, Naharlagun Fellowship enkawltu Pu Vanlalchuana chu a nu-in a boralsan bawk. Khawhar chhungte tan \awng\aipuina kan ngen bawk e.
Damparengpui (Nl Lalengzauvi Colney): Tunkar chhungi tluang takin school kan kal thei a. Ramhlun Vengthlang Kohhran Pavalai Pawl ten quarters sain an rawn work camp a, work camp hnathawhpui a ngaih avangin home visit kan nei thei lo. Work camp ho hian type 3 quarters an sa a, a in an sa pum a, nimin zing chaw ei kham khan min hawsan a, tluang takin anmahni in an thleng niin kan hria a, kan lawm hle.
    Zirtawp zan leh Inrinni nileng khan Bial Zaipawl ten Salem Boarding-ah hla kan zir a, zaithiam han sawi tur kan awm loh avangin hla zir a hautak hle mai. In mi \awng\aipuina kan ngen mawlh mawlh e.
    Vawiin Pathianni hian Pastor-in Teirei Forest Kohhran-ah bial fan programme a hmang dawn a. Pathianni zan thusawina hun min pe a, tluang taka biak fan programme hman a nih theih nan leh kan thusawite kohhranho tana malsawmna a nih ngei theih nan min lo \awng\aipui dawn nia.