RÂL HMATÂWNG

tanagar (Nl H. Malsawmkimi): Tunkar chhung nihnih Home visit in hun kan hmang a, kan ringthar Teli Ango te nupa an inkarah harsatna an tawk mek a, rinna ah naupangte an la ni si a, tawngtai pui an ngai hle.Field Working committee pawh tluang taka hman zawh a ni. Vawiin khan Itanagar Pastor bial standing committee kan thu bawk. Kan hmabak a tihtur awm zawng zawngte tluang taka hlen chhuah a nih theih nan Kohhranhoten min lo tawngtai pui zel turin ka sawm tak meuh meuh a che u.

Damparengpui (Nl Lalengzauvi Colney): School tluang takin kan kal thei a. Bru Gospel Team ten rawngbawlna an rawn nei a, home crusade a hun hmangin
vawiin thleng an cham ang. Bru convention November thla ah Damparengpui a nei turin kan inbuatsaih mek a, vawiin khan sub - committee hrang hrangte committee in hmalak zel dan tur kan rel.

Bungtlang S’ ( Pu F. Chalthanmawia) :Bungtlang S’ lam boruak lum lutuk pawh a dai nuam tan e. Kohhran lam pawhin Hall kan sa mek a. Tin, sikul lam pawhin Quarter tur hmun kan lai zawl a. Nimin khan Kaki a kan thawhpui  chu Malaria natna avangin a boral a, vawiin hian vui liam a ni ang. Hriselna tha tak nena rawngbawlhna kan thawh theihnan min lo tawngtai pui zel turin ka ngen che u a. Sikul pawh ni 1 atanga ni 8 chhungin exam neih a ni ang.