Sport hmang zawh a ni ta; Best Group - Nl H. Malsawmkimi Group

    December ni 15-21, 2015  khan Kum tawp Sport chun hman zawh a ni ta a. A pumpui-ah point 613 hmuin Nl H. Malsawmkimi Group-te an champion ta a ni.
    Hun rei tak a\anga kan nghah tawh kumtawp Sport chu Pathian hruaina-in tluang takin kan zo ta a. Sport hi Dec 15 Thawhleh zan a\anga \anin Dec 18 Zirtawpni-ah |iau-ah chhunzawm lehin Dec 21 Thawh\an zan khan a hmawr bawk a ni a. Sport hmangtu ten nuam kan tiin kan hlim tlang tak zet a, a lawmawm hle a ni.
    A \an zan hi Gospel Centenary Hall-ah neih a ni a, Duet, Bible Quiz, K|P Idol first round, Puzzle, Group recitation, On the spot role play-ah te intihsiakna neih a ni a, comittee member nakuma K|P min over-san tur PC Lalparmawia hnen a\angin thuchah tawi ngaithlak a ni a, group report ngaihthlak a ni bawk. Mipui hmaa la zai ngai miah lote group tan an rawn zai chuan lawm an hlawh hle. Group recitation ziaktuten an ziak thiam a, a sawituten an sawi thiam bawk a, min tihlim tak zet. On the spot role play-ah hian group hrang hrang ten an chan tur \heuh an pawt a. Minute 3 \heuh inbuatsaihna hun an neih avangin a tihlimawm zual a. Ramhuaiin Isua hnena ramhuai kawchhungah vek luh an han dil tlat mai te, Isuan mipui 5000 a hraia bawmrang 12 an ruh zawh tawh hnua an lo la kham lo vek mai te chuan entute min tihlim hle!
    December 18 a ni a, zing kan tho chu khua a dur deuh khup a, \iauva kal tur kan nih avangin thla a phang. Mahse \iau khan thlen chuan mi 65 lai ruahsur leh khawvawt pawhin a dan zawh loh kan lo la awm a. Volleyball, long jump, high jump, hrui uai, tuia thil inzawn siak, marathon tea intihsiakna nei a ni a. Dar 8 velah kan thleng thla a, chaw kan ei nghal a, chaw ei khamah long jump-a bul \an a ni. Pu Chhandama te, Malsawma zuangte chu hmuhnawm tak a ni. Beach Volleyball-in kan chhunzawm leh nghal a. Mipa 2 leh hmeichhe 2 inpawlh zela luh tur a ni a, point 8, 16 leh 24-ah technical timeout koh zel niin hetah hian a thar hlaka inthlak zel a \ul avangin a tihlimawm hle. Nl Mapuii group ten point 24 an hmuh tawh hnuin an Leader Tlantea te luh a han \ul tlat te, an han chak lohpui dan boruak sanzia chu a hmuna awm lo tana hriatthiam tura han sawifiah chi rual a ni lo. Pui tak a ni ringawt mai.
    Hrui uaiin kan chhunzawm a, Lalhlupuia uai thui theihzia te, Zaia sekzia te, Hmingropuia leh Duata intluk tawk dan te, Chhana tuarchhelzia te chu hmuhnawm tak a ni. Sairawkherh inperhsiak neih  ni a, Rampuii perh thiam dan te, Fakin a kezungpui a perh teuh dante chu sawi vek lo mai ang.
    High jump-ah member zawng zawng kan zuang a, mahni zuan tawk hriate an vannei ta. feet 4 zuan khum inring Jerry-a te aiin Kawppuia feet 2½ zuangin point a score hnem zawk a, Zaia, Lalpuia leh Pu Tlanzova te dive te chu hmuhnawm tak a ni.
    Dar 12 velah chaw kan ei leh a, chaw ei khamah marathon kan tlan leh a. Group member zawng zawng te tui chhunga an han intlansiak chu hmuhnawm dangdai tak a ni. Tui a vawh avangin kan \e tuarh tuarh a, tuia lo intheh tawk lah bo lo. A va nuam tak em! Swimming free style-in kan intihsiak leh a, Duata te ho an an invai tak tak chuan mit a titlai hle. Tuia thil inzawnsiakin kan chhunzawm leh a, ti chuan kan intihsiakna bik chu kan zo ta a.
    Haw turin kan inbuatsaih a, motor chahbi kan tihbo avangin chahbi spare la turin lam kal kan intir a, mei kan chhem a, a vawi thumna atan chaw kan ei leh ta a. Ti chuan dar 6:30 velah tluang takin in kan thleng ta a ni.
    Dec 21 Thawh\an zan inkhawm banah Sport kharna hi neih a ni a, Gospel Centenary Hall-a hman tura ruahman ni mahse a ralah damlo an awm avangin Hmeichhe zunin lamah zawk hun hman a ni a, Branch-in meihawl a lei a, mahniin sikri kan intum a. Nl K. Lallianpuii Fin. Secretary hnen a\angin thuchah kan ngaithla a, chumi zawhah Idol final neih a ni a, kan Branch-a zaithiam inthup an lo tamzia a hriat hle. 2015 K|P Idol atan Nl Jenny Vanlalrimawii chu thlan a ni. Tleirawl Pawl ten faklam mawi takin min entir a, kan mit leh beng a tlai hle.
    Kan nghahhleh music video kan en ta. Rin loh leh beisei loh deuh deuh lo lang te patling lo lang nawlh nawlh te chuan min barakhaihin min va tihlim tak em! Pensy te; TBC-a te; Mahlimi te; Andrew; TBC-a, Fredy leh Henry te; BOG te, One in Christ te, Bawngkawn K|P Band te, PBK-a te, Dr Lious & Dr Reuben te zai hmuhnawm tak tak en duh chuan local-a an pek hun lo chan mai chi ni. Concert-a chhunzawm nghal a ni a, kan zaithiam chhuanvawr - K|P Idol Janeti te, naupan lai a\anga la zaithiam reng Faktei te, engtiklaia pawha hit ber ni thei reng Gos-a te, aw \ha Zodinga te, zaithiam chhuak thar Chhuantei te zai ngaihnawm tak tak ngaihthlak a ni a. A ngaihnawm hle.
    Hruaitu nakuma min over-san tur mi 3 Pu PC Lalparmawia, T/Upa K. Lalthlamuana leh Pu B. Lalmawizuala te hnenah ngaihhruina thilpek hlan a ni a. K|P member hnatlang tam leh inkhawm tam lawmman sem a ni bawk a, 2015 chhunga K|P Committee member hnatlang tam 3-te chu:
1.    Tv Laltlansanga Jahau (39)
2.    Tv Hnehtu Lalrinchhana (30)
3.     Nl Lalhmangaihzuali Colney (26)
    Member hnatlang tam 3-te chu:
1.    Tv Gospel Lalengzauva (21)
2.    Tv Hmingropuia (16)
3.    Tv Zaithantluanga (16)
    Hnatlang tam lawmman dawng pha pathum bakah hian hnatlang tam zual 10 te chu: Pu Lalchhandama (19), Nl Vanhminglawmi (18), Tv C. Hmingthantluanga (15), Tv Jacob Lalnunhlima (14), Nl Laltlansangi (14), Nl Malsawmdawngliani (14), Nl K. Lalparmawii (14), Tv Misael Lalthianghlima (14), Pu K. Laltlanzova (14), Nl Cecilia Lalngaihzuali (13), Nl PC Lalhlimpuii (13).
    Result puan ni a, Nl Malsawmkimi Group-in 612, Nl Lalengzauvi Colney leh Tv Lalthlengliana Fanai Group ten 462 ve ve, Pu F. Chalthanmawia Group ten 365 an hmu a ni.