Diamond Jubilee tluang taka hman zawh a ni

Dated Tlangsam, the 17th March, 2013
    Kan Branch kum 60 tlin lawmna (Diamond Jubilee) chu March 1, Zirtawpni aṭanga hman niin March 4, Thawhtan zanah kharna hun ropui taka hman a ni.
    Zirtawpni dar 10:00 am-ah lungphun hawnna neih a ni a, lungphun hi Rev C Lalremruata’n  hawnna hun a hmang a, hemi zawhah hian KṬP hruaitu lo ni tawhte chawimawina pek a ni.
    Chawimawina hlan zawhah hian Souvenir tlang zarh niin Upa Lalrikhuma represent in a tlang zarh a. Diamond Jubillee fuihna thuchah Rev C Lalremruata hnen atangin ngaihthlak a ni bawk. Champhai Civil Hospital Blood Bank-a thisen pek tura ruahman chu a remchan loh avangin chawhnu lamah hian bethel a hun hman a ni. Zirtawp zan hian Variety a hun hman a ni a. Item hrang hrang a inelna neih a ni bawk a, hemi zan hian Group hruaitu worship dance a inelna neih a ni a, a hmuhnawmin kan hlimpui hle. 
    Inrinniah hian Mazuia Home, TNT tlawh a ni a, hetah hian mahni remchan ang ang - buhfai, thuamhnaw leh pawisa  ₹ 2150/- pek a ni a. Tin, Diamond Jubillee hriatrengna atan Dekchi 1 pek a ni.
     Zanah Winery tlangah Jubilee meidet  a ni a, biak in aṭanga Winery tlang thleng meichher kenga inzui thlak a ni a. Winery tlangah  meichher  tihlum vekin  Leader-in meichher a dep kai a, hruaitu hlui te meichher deh kaisak lehin a rualin mei detna hun hman a ni. Meidet zawh hian programme chhunzawm nghal a ni a, mahse khawtlangah chhiat tawk an awm avangin programme hi hmang tluan lovin dar 10 velah tih tawp a ni.
    Thawhtan chhun ah sport item hrang hrang a inel in hun hman a ni a. Dar 11:00 am ah programe ṭanin kum danga kan tih ngailoh Marathon race a bul ṭanna neih a ni a. Marathon race ah hian group member zawng zawngte tlan niin Luka group te thlengkim hmasa berin an ni group hi 1 na an ni. Tin, kum dang KṬP sport a kan tih ngailoh Sairawkherh in perh siak te, Mixed Relay Race a intihsiakna hun hman a ni a. Heng item te hi kan hlim pui hle a. Chhun chawlh kan neih dawn hian kum danga kan tih ngailoh ang takin tawngtai ruala hun hman a ni.
    Thawhṭan tlai ah Diamond Jubilee ruai \heh a ni a. Hemi zan hian Jubilee kharna hun hman a ni a.
    Min ti hlimtute : Group OB worship dance, Group Leader sermon, Skit, Recitation (men).

LAWMTHU SAWINA

Dated Tlangsam, the 17th March, 2013
    Diamond Jubilee kan hman theih nan a ṭul leh pawimawh min hawhtu:
     YMA Hall, Winery tlang, Primary school-I
    Wire- Upa K Lalzika, Pu T Lalbuatsaiha, Pu K Lalhmangaihzuala, Pu Jh Lalhmachhuana.
    Red Carpet, Samiana, Generator, Kohhran ` 5,000, Kohhran hmeichhia, Pavalai, hruaitu hlui, members budget petu, Thilpêk leh ran pe tu, Endiktute.
    Motor thawhtu- Pu Khuang-ringvunga, Upa Vanthanga, Pu K Zoliankunga, Pu H Ramhluna, Upa F Lalsangliana. Jubilee Cake min phurh saktu Pu T Lalhmingliana.
    Damlo buaipuina  motor thawhtu Pi Lalkhawchhani, Pu Khuangringvunga, Pi Siamkungi Scooty, Pu Zohmingliana Bike.
    Meidetna tyre min petu Tv H. Lalhmangaihzauva ( Lalmama ). Tui min petu PHE Dept. leh pangpar min phurh saktu Tlangsam Bus leh lawmthu kan sawi hmaih zawng zawngte chungah pawh lawmthu kan sawi mawlh mawlh a ni e. 
   

Diamond Jubilee hmang mek

Dated Tlangsam, the 3rd March, 2013
Naktukah KṬP member zawng zawng ten ruai ṭheh tur
    Kan Branch kum 60 tlin lawmna (Diamond Jubilee) hman mek a ni a, naktuk zanah a ṭiak ang.
Inbuatsaihna
    April 15, 2010-a KṬP Official Committee chuan Diamond Jubilee hi lawm ngei nise a ti a. Ti chuan kum 2011 aṭang khan thla tin KṬP Inkhawm vawi khatna leh vawi thumna thilpek chu Diamond Jubilee puala dah ṭan a ni a. Kum 2012 chhung khan thla tin KṬP Inkhawm vawi thum dah leh a ni bawk. Diamond Jubilee inbuatsaihna hmasa atan kum 2011 October 8 khan Champhai District Hospital-a dah tur thisen unit 62 pek a ni a, hetih lai hian kan branch-ah hian member 218 kan awm a, za zela chhutin 28.44-in kan pe thei a, a lawmawm hle a ni.
    Kum 2012 group ṭhen Abednego-a group te chuan Diamond Jubilee Calendar an siam a, kum 2013 group ṭhen Johana group te chuan Diamond Jubilee T-Shirt an siam bawk a, group hrang hrang ten colour neiin heng an colour-te hi Branch Sport-ah pawh an colour tur a ni nghal ang. Hetiang hian group hrang hrangte colour tur pawh thlan a ni.
Matthai group    -    Blue
Marka group    -    White
Luka group    -    Dark green
Johana    -    Black
Branch OB    -    Red
    Diamond Jubilee inbuatsaih nan hian Blanket sute in kan inhlawh a, members’ budget te siam a ni a. Tin, vawk `. 3000/- ar `. 200-a thawh theih turin ruahmanna siam a ni a. Mi ṭhahnemngaite aṭangin vawk 6 leh ar ṭhahnem tak kan dawng a, kan lawm hle.
    KṬP Diamond Jubilee chu March 1, 2013 Zirtawpni aṭang khan hman ṭan a ni ta a. A ṭan ni hian Bialtu pastor Rev C. Lalremruata chuan lungphun a hawng a, Kohhran aiawh Upa Lalrikhuma’n Souvenir a tlangzarh a, programme ruahman sa, Champhai District Hospital-a dah tur thisen pek tih chu Hospital-a thawktute lam an remchan loh avanga \hulh rih a ni, a aiah Bethel-a hun hman a ni. Diamond Jubilee puala thisen pek hi la ngaihtuah leh tur a dah a ni.
    Zirtawp zan khan Community Hall-ah Variety Programme hlimawm tak hman a ni a, member ten kan hlutin nuam kan ti hle. Mi 113 lai kan kal thei a ni. Hemi zana hian group OB worship dance chuan hlut a hlawh zual hle a, piantirh ata hetiang lama la lam ngai reng reng lo ten ti tura tih anga an rawn tihlawhtling chuan member te mit a ti tlai hle.

    Nimin khan Mazuia Home TNT tlawh a ni a, zanah winery tlangah meidet a ni bawk.
    Kum 60 tlin lawmna hi naktuk hian chhunzawm leh tum a ni a, chhun lamah Primary School I-ah intihhlimna neih tum a ni a, tlaiah ruaiṭheh tum a ni. KṬP member zawng zawng te bakah Kohhran Committee te, Pavalai hruaitu te, Kohhran Hmeichhe hruaitu te leh KṬP hruaitu lo ni tawh zawng zawngte ruai hi ṭheh vek turin kan inngen tak meuh meuh a ni.
    Naktuk zanah hian a kharna Community Hall-ah neih tum a ni a, solo, group zai leh worship dance bakah kan nghahhleh skit leh leader sermon intihsiakte neih tum a ni. KṬP hian Jubilee kan lawm leh theih hmasak ber chu kum 15 hnuah chauh a nih tawh dawn avangin tun ṭum jubilee-a la tel ve lote pawh rawn tel vek tawh turin kan insawm a ni.
KṬP chanchin tlangpuite
    Tlangsam Branch Kistian Ṭhalai Pawl hi a din ṭan hma kum 1952 November thla tawp lam aṭangin sawihawtna a lo awm ṭan a, a hming atan pawh Young Christian Association nise te an lo ti a. Amaherawhchu, din felna tak awm lovin March 1, 1953 Pathiani tlaiah Primary School-ah din ṭan a ni ta chauh a, chuta hruaitu thlan te chu:
Leader    : Pu Selchhunga
Asst. Leader    : Pu Kapsavunga
Secretary    : Tv Sawiluaia/Tv Chuhluaia
Asst. Secretary    : Tv Lalruma
Treasurer    : Pu Laihuliana
Fin. Secretary    : Tv Makthanga
    Committee member-te:
1)    Pu Lalenga    2)    Tv Sapliana
3)    Tv Vanmawia    4)    Tv Sangluaia
5)    Nl Chawngthangi    6)    Nl Vanlalawii
7)    Nl Nîkhûmi    8)    Nl Lalbiaki
    Pawl tharlam tak leh Kohhran mipui ten an la ngaihsan lutuk loh avangte pawh a ni ang, hruaitu \henkhatte hmun hran hranah an lo pem chhuak bawk nen, hun eng emaw chen chu chak lo takin a kal chho ve zel a, Mizoram buai khan Mizo mipuite min tihbuai tak avangte leh khawkhawmte a lo nih takah khan kan hruaitute leh kohhranhote chu a ṭhen Burma-ah te, a ṭhen Zote-ah te, a ṭhen Ruantlangah te leh Champhaiah te an lo awm darh ta a ni.
    Khawkhawm avanga hmun hran hrana awmte mahni khuaa kir leh theih a nih hnu khan Tlangsam khua pawh kir leh a ni a, Kristian Ṭhalai Pawl hi Pathian kaihhruainain vawiin ni thleng hian harsatna lian tham tawk lovin a la kal chho ta zel a ni.
Kum pawimawh zualte
June 26, 1976: Fellowship neih hmasak ber.
Aug 31, 1976: Hollow Guitar neih hmasak ber. He guitar hi YMA hawh phal a ni a; mahse hla lenglawng leh love song sak nan hman phal a ni lo.
1977: Member-te group-a ṭhen kum. Krismas Carol Service nei \an kum. Central K|P zawm kum.
Jan 20, 1979: Electric guitar lei kum. He an electric guitar hi a lawmna programme ropui tak an siam a. An zai tuiin an hlim hle a ni.
1985: Bial chanchinbu “Ṭhailai Kantu” lak ṭan kum.
Sept 21, 1988: Sound system lei a ni a. He an sound system lei hi an electric guitar nen an lawm tlaivar ṭhak a ni awm e!
Feb 28-March 2, 2003: Golden Jubilee ropui taka lawm a ni.

DIAMOND JUBILEE CHIBAI BUKNA

Dated Tlangsam, the 3rd March, 2013
Nl R. Lalhmangaihzuali, Biate: Jubilee sawmna kha ka lo hmu e, ka lawm hle mai. In rawngbawlna Lalpa'n malsawm che u rawh se..
Tv K. Lalrinsanga, Shillong:     Pathian kaihhruainain Tlangsam Branch KṬP te chuan kum 60 hmel kan lo hmu leh dawn ta reng mai avan ropui em, min hruaitu Pathian hnenah lawmthu i sawi mawlh mawlh ang u. Chutih rualin a lawmna hun hmang turin kan hma lawkah kan inbuatsaih a, programme te han thlir chuan in zingah tel ve a chak awm khawp mai.
    He hun hlimawm tak hi thlarau leh taksa lamah hlawkna tam tak in dawn ngei theih nan ka ṭhalaipui te duhsakna ka hlan a che u. In rawngbawlna Lalpan malsawm che u rawh se. Tlangsam Branch KṬP dam reng rawh se.
Nl Lalengzauvi Colney, Lopchu: Pathian hruainain kan Branch Golden Jubilee chu kan lo thleng leh ta reng mai. Kan hmaa mi huai kal hmasa tun din hmuna kan din theih nana sul lo su tute an ropuiin fak an phu hle mai. Mi tam tak an hmel hmu thei twh lo mah ila, thinlungah he ni a lo thlen hian an van thar em!
    He hun ropui leh hlu tak hi in zing ah tel theih a chak awm hle mai; mahse Pathian ram ṭulna avangin he ni hi a hmunah rawn hmang ve thei lo mah ila, thinlungin a hre reng a, Pathian zarah tluang taka hmanga Thlarau malsawmna thar dawng turin duhsakna ka hlan a che u. Hei hi ka ṭawngṭaina a ni. In rawngbawlna Lalpan Malsawm zel rawh se.
Nl Elizabeth Lalhlimzuali, Singapore: Ka ṭhalaipui zawng zawngte Diamond Jubilee chibai ka buk a che u, he hun hmangtu zawg zawng ten thlarau lam malswmna nena in hman ṭheuh theih nan Lalpan malsawm che u rawh se.
Tv Vanlalnghaka, Goa: Tlangsam Branch Kristian Ṭhalai Pawl, Kohhran leh |halaite Lalpa'n malsawmin veng zel che u rawh se. He hun lawmawm hmangtu zawng zawngte Diamond Jubilee chibai ka buk a che u. Jubilee lawmna tura sawmna kha nimin (Feb 18) khan ka lo hmu e. In kianga thlarau lam ruai leh chaw kuang han nawr a chakawm hle mai. Pathianin malsawm che u rawh se.
Tv KC Lalrosanga, Aizawl: Pathian malsawmna zarah kum 60 a lo tling ta der mai. Hlim taka hmang ṭheuh turin duhsakna sang ber ka hlan a che u.
Nl C. Zonunsangi, Aizawl: Pathian kaihruainain kum 60 lo thleg der mai le. Ka ṭhalaipui zawng zawngte Diamond Jubilee chibai ka buk mawlh mawlh a che u, tisa leh thlarau lama hlawkna pakhat tal in neih \heuh theih nan duhsakna zawng zawng ka hlan a che u.
Nl C. Ramngaihawmi, Goa: Happy Diamond Jubilee to Tlangsam Branch Kristian Ṭhailai Pawl. A lawmnaah leh inbuatsaihna hrang hrangah tha leh zung ka thawh ve theih lohnaah member-pui te leh kan hruaitute hnenah thupha ka chawi takzet a, in mi hriat thiamna ka ngen e. Jubilee lawmin hlim leh lawm taka awm a, Thlarau hmun khata inpawl za turin ka duhsakna sang ber ka hlan a che u. Ka tih theih tawk ka ṭawngṭaina in tan ka hlan e. LALPAN awmpui che u in malsawm che u rawh se..
Nl H. Malsawmkimi, Itanagar: Tlangsam Branch Kristian |halai Pawl, Diamond Jubilee hmangtu zawng zawngte leh members hmun dang a awm, a hmuna tel ve thei lo zawng zawng te pawh, Golden jubilee Chibai ka buk che u a. In programme te tluang tak leh hlim taka hmang turin ka duhsakna ka hlan che u.
A hmunah awm vein, in zingah tel ve thei lo mah ila Tlangsamah ngaihtuahna a cheng a, lung a lengin Lalpa rawngbawl tur a ka inpek atanga vawin ni thleng a Tlangsam Branch KTP ten min ṭawngṭaipuina leh min ṭanpuina zozai te kha ka theihnghilh thei lo a. In mi duhsakna te avangin Pathian hnenah lawmthu ka sawi ṭhin.
    He hun hi hlimtakin in zavaiin hmang ula. Kan Pa Pathian malsawmna dawng zelin, Tlarau Thianghlim awmpuina nen hmang turin duhsakna ka hlan tak meuh che u a ni.
Pu F. Chalthanmawia te chhungkua, Bungtlang south: Tlangsam branch ktp pawh in tluang takin ro khawlhna lutuk twk loin branch diamond jubili kan hmang thei a ni th ka hria a lawm awm ka ti khawp mai. Chibai bukna pawh special issue a rawn tar hman turin ka rawn thwn a, kan branch secy hnen atag kan hmuh loh thu ka lo hria a apawi ka ti tak xet2 a ni. Comunicatiön te a chhiat avaga kan branch in chibai bukna ka hnen atanga kan dawnglo mai tur ka ngai ngamlova, facebook kal tlangin jubili hmangtu xong2 te atharin chibai ka han buk a che u. He ka chibai bukna che u hi a dan tur le kal hmanglo min th sak mai lova thnlung taka minlo dawnsawn sak tur che u in ka ngen bawk a che u. Kan rawngbawlna pawh in mi tawngtai puina a xarah tluang takin a kal xel e. Lalpan in rawngbawlna malsawm che u rawh se.

    Kan member hmun danga awm zawng zawngte he ni ropui a lo thlen hian kan rawn hre reng che u a. In mi duhsakna thu lawmawm tak tak kan dawn avangin kan lawm e. Inṭawngṭainaah te min rawn hre ṭhin a, kan lawm tak zet. Keini pawhin kan ṭawngṭainaah te kan rawn hre reng ṭhin che u a ni. Diamond Jubilee hi member kima lawm kan chak khawp mai a. Nimahsela Pathian ram ṭulna avang te, eizawnna avang te, zirna avang te leh ṭul dang avang tein kan hmangho thei lo va. Pawi kan ti takzet a ni.
    Mahni awmna ṭheuhah rinawm takin awm ila, Kristian |halaite kan ni tih inhriain kan awm dan leh Krista Chanchin Ṭha chu inmawi se la. Kan in\awng\aipui tawn zel dawn nia. Pathianin min veng sela, dam taka kan inhmuhkhawm leh kan beisei.
    Lalpan awmpui che u in, in rawngbawlnate malsawm zel che u rawh se. Amen

DIAMOND JUBILEE THILPEK KAN DAWNTE

 Dated Tlangsam, the 3rd March, 2013
1. Upa K. Lalzika te chhung    Pulpit Bible
2.    Tv K. Lalhmangaihzuala    Bass guitar    1
3.    Nl Elizabeth Lalhlimzuali    Vawk    1
4.    Pu F. Malsawmtluanga    Vawk    1
5.    Tv C. Hmingthantluanga &
    Nl C. Ramngaihawmi        Vawk    1
6.    Pu R. Lalrinawma &
    Pu DS Khuma Khalthang    Vawk    1
7.    Pu Chuhluaia &
    Pu T. Lalhmingliana        Vawk    1
8.    Pu K. Lalbiak Zauva &
    Tv Rothangpuia        Vawk    1
9.    Pu H. Vanlalhruaia        Ar    3
10.    Pu H. Lalchhuanawma    Ar    3
11.    Pu Joseph Lallawmthanga &
    Pi Lalrammawii, Khawbung   Ar3
12.    Tv Jacob Lalzarmawia    Ar    2
13.    Pu K. Lalrinmawia &
    Pi Zoramthari        Ar  2½
14.    Tv KT Lalhriatzuala        Ar    1
15.    Tv K. Lalrinsanga        Ar    1
16.    Nl Jh Lalchhanhimi        Ar    1
17.    Tv F. Lalchhuangzuala    Ar    1
18.    Nl C. Lalmuanawmi        Ar    1
19.    Nl K. Lalbiaknêmi        Ar    1
20.    Nl Cecilia Lalngaihzuali     Ar    1
21.    Nl C. Zonunsangi        Ar    1
22.    Tv Vanlalnghaka        Ar    1
23.    Tv KC Lalrosanga        Ar    1
24.    Nl KC Lalmalsawmi        Ar    1
25.    Tv Zaithantluanga        Ar    1
26.    Tv Isaac Lalduhawma         Ar    1
27.    Pu F. Rochamliana        Ar    1
28.    Tv F. Lalhmingsanga        Ar    1
29.    Pu PC Lalbiakzuala        Ar    1
30.    Tv Zodingliana Colney    Ar    1
31.    Pu K. Laltlanzova        Ar    1
32.    Tv K. Lalthlamuana        Ar    1
33.    Tv K. Lalmawizuala        Ar    1
34.    Nl K. MS Dawngliani        Ar    1
35.    Nl Lalramhluni        Ar    1
36.    Tv Lalbeiseia        Ar    1
37. Nl Saihmingthangi        Ar    1
38.    Tv K. Zothansanga        Ar    1
39.    Nl Malsawmdawngliani,
    Nl Lalhmangaihsangi Sailo &
    Tv Lalṭanpuia Sailo        Ar    1
40.    Tv K. Lalmuanpuia        Ar    1
41.    Pu C. Lalthanzuala        Ar    1
42.    Pu F. Rokunga        Ar    1
43.    K. Lalchhandamzuala        Ar    1
44.    Nl Vanlalchhuangi        Ar    1
45.    Tv Zosangzuala        Ar    1
46.    Nl MS Dawngkimi        Ar    1
47.    Nl Lalhunkimi        Ar    1
48.    Nl Lalṭhazuali Hnamte    Ar    1
49.    Nl MS Dawngthangi        Ar    1
50.    Tv Rosangliana        Ar    1
51.    Pu Vanlalhluna        Ar    1
52.    Pu T. Lalbuatsaiha        Ar    1
53.    Pu Lalrindika        Ar    1
54.    Tv H. Malsawmtluanga    Ar    1
55.    Pu K. Lalremsiama        Ar    1
56.    Pu K. Sawmliana        Ar    1
57.    Nl K. Lalhmingsangi        Ar    1
58.    Tv F. Vanlalpeka        Ar    1
59.    Nl Laldingliani        Ar    1
60.    Pu B. Lalmawizuala        Ar    1
61.    Tv Lalthlengliana Fanai    Ar    1
62.    Pu K. Lalramhluna        Ar    1
63.    Pu F. Chalthanmawia        Ar    1
64.    Pu Robert MS Tluanga    Ar    1
65.    Pu PC Lalparmawia        Ar    1
66.    Nl Lalenkawli        Ar    1
67.    Tv Jacob Lalnunhlima        Ar    1
78.    Pi Lalmawizuali, Aizawl    Ar    2
    Vawk pakhatah hian ₹. 3,000/- zel a ni a, ar pakhatah ₹. 200/- zel a ni. Jubilee thilpek petu zawng zawngte chungah lawmthu kan sawi a ni.

KṬP hla rem tam record siam beisei

Dated Tlangsam, the 3rd March, 2013
    Zanin hian Diamond Jubilee Sport-a kan intihsiakna hla “Nangma thil ropuite an sawi” KHB 363 chu rem tur a ni a. Intihsiaknaa tel zawng zawngte zai vek turin kan inngen a ni. Tarlan tawh angin Bial KṬP Conference-a Pathianni zana kan zai khan mi 78 kan zai thei a, kha kha KṬP anga kan chetnaah chuan zai kan ṭhathnem ber ṭum a la ni a. Zaninah hian Diamond Jubilee hriatreng nan record thar siam beisei a ni.

Souvenir lei theih

Dated Tlangsam, the 3rd March, 2013
    Diamond Jubilee Souvenir chu bu 9 lei tur a la awm a, bu khat hi `. 80 aia tlem lovin Tv Lalthlengliana Fanai hnenah lei theih a ni ang. A lei hmasa sa duhsak an ni ang.

Diamond Jubilee Programme
    Kan Branch kum 60 tlin lawmna (Diamond Jubilee) chu tunkar Zirtawpni aṭang hian thisen pe-in bul kan ṭan dawn ta a, KṬP member mai bakah a duh apiang thisen pe turin kan insawm a ni.
    Zirtawpni dar 10 am-ah lungphun hawnna neih tur a ni a, hemi zawhah hian KṬP hruaitu lo ni tawhte chawimawina pek tur a ni a. Chawimawina dawng tur zawng zawngte kal vek turin kan inngen a ni.
    Chawimawina hlan zawhah hian thisen pek tur a ni a, hetah hian a duh apiang tan thisen pek theih a ni ang. Zanah Variety Programme hman bawk tur a ni.
    Inrinniah hian Mazuia Home, TNT tlawh tur a ni a, hetah hian mahni remchan ang ang - ei tur, thawmhnaw emaw pawisa emaw ken tur a ni ang. Zanah Winery tlangah meidet tur a ni a, ruahman lawk dan chuan biak in a\anga meichher kenga inzui thlak tur a ni. Winery tlangah kan meichher kan tihlum vek ang a, Leader-in a meichher a dep kai ang a, hruaitu hlui te meichher a dep kaisak leh ang a, a rualin mei an det ang.
Diamond Jubilee Programme
    ZIRTAWPNI (March 1)
Lungphun hawn leh thisen pêk
Hruaitu    : T.Upa K. Lalthlamuana, Chairman, Monument Sub-Committee
Lungphun hawn-
Hawngtu    : Rev. C. Lalremruata, Bialtu Pastor
Souvenir report: Souvenir Sub-Committee aṭangin
Souvenir tlangzarh-
Tlangzarhtu    : Upa Lalrikhuma Represent
    Refreshment
Hruaitu hlui chawimawina hlan
    Thisen pek
ZIRTAWP ZAN (March 1)
Variety programme
Ṭan hun    : Dar 6:30 pm
Hruaitu    : Tv F. Lalhmingsanga, Chairman, Refreshment Sub-Committee
Ṭantu    : Nl Lalhriatpuii, Fin. Secretary Fund Rising Sub-Committee
Thusawitawi    : Upa Lalbiaksiama Represent
Items:    1) Group Zaipawl (KHB 363)
    2) Traditional Dress
    3) Pawhfuh Solo
    4) Bible Quiz
(Buatsaihtu: Tv K.Zothansanga)
    5) Recitation (Men)
    6) Group OB worship dance
                       Refreshment
INRINNI CHHUN (March 2)
(Mazuia Memorial Home, TNT tlawh)
Hruaitu    : Tv K. Zothansanga, Chairman, Fund Rising Sub-Committee
Ṭantu    : Nl K. Lalbiaknemi
Thusawitawi: Pu PC Lalparmawia, Vice chairman, Fund Rising Sub- Committee
Solo    : Tv Isaac Lalduhawma
      Nl Vanlalchhuangi
Present hlan-
Hlantu    : Nl K. Lallianpuii, Chairman, Information Sub-Committee
Games    : Tv Isaac Zairemtluanga, Treasurer, Information Sub-Committee
Female Voice    : Branch Committee members.
        INRINni zan
Meidet
A hmun    : Winery Tlang
Ṭan hun    : Inkhawm ban
Hruaitu    : Nl Lalenkawli, Asst. Secretary, Fund Rising Sub-Committee
Meidet    : T.Upa K. Lalthlamuana, Chairman, Monument Sub - Committee
                   Refreshment

Diamond Jubilee thilpek

Dated Tlangsam, the 17th Feb, 2013
    Diamond Jubilee kan lawm tura thilpek kan dawn te:
Tv K. Lalhmangaihzuala   Bass guitar
Tv C. Hmingthantluanga & Nl C. Ramngaihawmi - Vawk an inthawhṭawm
Tv Jacob Lalzarmawia    Ar 2
Tv KT Lalhriatzuala    Ar 1
Tv K. Lalrinsanga    Ar 1
Nl Jh Lalchhanhimi    Ar 1
Tv F. Lalchhuangzuala    Ar 1
Nl C. Lalmuanawmi    Ar 1
Pu K. Pazawna    Ar 1
Nl Cecilia Lalngaihzuali    Ar 1
Nl C. Zonunsangi    Ar 1
Tv Vanlalnghaka    Ar 1
Tv KC Lalrosanga    Ar 1
Nl KC Lalmalsawmi    Ar 1
Tv Zaithantluanga    Ar 1
Tv Isaac Lalduhawma    Ar 1
Pu F. Rochamliana        Ar 1
Tv F. Lalhmingsanga        Ar 1
    Thilpek pe duh tan a la pek theih zel a, souvenir-a chhuah tur a nih avangin thawh turte chuan vawiin Pathianni ral hma ngeiin souvenir editorial board te emaw branch Secretary hnenah emaw Ph no. 9615011078-ah emaw inhriattir turin kan inngen a ni. Souvenir hi naktukah hian press-ah luhpui tum a ni.
    Ran bik thawh theih dan kha hetiang hi a ni:
Bawng    ₹. 5,000/-
Vawk   ₹. 3,000/-
Ar    ₹. 200
    Ran hi duh chuan a inthawhṭawm theih bawk.

PYKKA Sport-ah tel

Dated Tlangsam, the 10th Feb, 2013

 
    Thawhlehni khan PYKKA Sport Chhangphut field-ah neih a ni a, hetah hian kan branch chu kan tel a, Zothansangi chuan 100m race-ah bronze a la a, Nl Lalramhluni chuan swimming-ah bronze a la a, Nl Jh Lalrinkimi chuan shot put-ah silver a la bawk. Tin, inbawlvawmah silver kan la a, volleyball-ah bronze kan la bawk.
    Inkhel turte hi Pu K. Zakunga te chhung chuan a thlawnin field thleng min phura kan lawm hle. Ni sensa hnuaia inkhel kan nula zawng zawngte chungah lawmthu kan sawi bawk a ni.

Souvenir thla la dawn

Dated Tlangsam, the 20th Jan, 2013
    Vawiin Sunday School banah hian Diamond Jubilee Souvenir-a mi tur thla lak tur a ni a, KṬP member zawng zawngte leh sub-committee te biak in tualah kal khawm turin kan inngen a ni.

KṬP Special committee thu

Dated Tlangsam, the 18th Nov, 2012
November ni 14, Nilai zan Inkhawm ban khan KTP Special committee Biak In Vestry-ah neih a ni a. Thurel tlangpuite:
1. Diamond jubilee ruahmanna kan nei a, heti ang hian ruahmanna kan siam:
March 1, 2013 (Zirtawp) diamond Jubilee ni ah jubilee pualin Champhai Civil Hospital blood bank-a dah turin thisen pe a hun hman nise kan ti a, Zirtawp zanah variety programme-a hun hmangin, March 2,2013 (Inrinni) chhunah sport-a hun hmangin, March 4 Thawhṭannî ah Home tlawh a, tlaiah jubilee ruai kil ho nise kan ti a, March 4 Thawhṭan zanah variety programme hmanga diamond jubilee hi khar nise kan ti.

Sub-Committee kan siam te’n a ṭul angin an mahni hma zawn ṭheuhah hma lo la se kan ti.