PIALRAL

 
  Pi Lalramnghaki hi pu Challiansela (L) leh Pi Pakzingi te fa niin December 19, 1970 khan Ruantlang khuaah a lo piang a. An unau hi pariat (8) niin, an unau zinga a pangana a ni a. May 21, 1989 ah VMS Dawngzela nen  Biakin hawngin Pastor Sikulfala’n Tlangsam Kohhran Biakinah a inneih tir a.
     Amah hi mihlim, Thlarau mi, lam ngaina tak a ni a. A tul changin amaha Pathian hnathawh zahpui hauh lovin khawlaiah te pawh Thlarau Thianghlim hnathawh ang zelin a au mai thin. |awng\ai ngaina mi tak a ni bawk a. Biakinah pawh ngaihnawmtaka \awng\airual khartu a ni fo \hin a, Thlarau hnathawh avangin miinah \awng\aite semin a kal kual \hin bawk.
    Inkhawm taima leh ngai pawimawh mi a ni a. Kohhranah pawh theih tawp chhuaha inhmang mi a ni. Kum 2002-2005 chhung khan Inrinni zan leh Nilai zan \antu rawngbawl hna a thawk a. Kum 2006-2007 chhungin Nilai zan thupui hawngtu a ni a. Kum 2008-2010 chhung khan Inrinni zan thuhriltu te pawh a ni a. Kum 2010 khan an fa naupang ber Lalpeksangi a pai tlaikhawhnu leh avangin Kohhrana a rawngbawlna pawh a chelh chhunzawm thei ta lova. Tichuan, inchhung khurah chhungkaw tana theihtawp chhuahin hun a hmang a. Nikum 2015 a\ang khan kohhrana rawngbawlna lam chhunzawm veleh \anin Ramthar committee niin, collector ah te a \ang  leh  bawk a ni.
      Amah hi pumpui Ulcer nei sa a ni a. Amaherawhchu pumna avanga na lutuk leh buaipui ngai leh inchhung hna leh chhungkaw enkawl ti\huanawp khawpin a na ngai lova. Ni 14.10.2016 (Zirtawp zan) dar 11 vel a\angin a pum hi ana \ana. A tuk Inrinniah Champhai District Hospital OPD ah an inentira. Hemi ni hian mahni inlama inenkawl tura haw lehin atuk (Nimin) Pathianni zing dar 8:30 vel khan a nat zual leh deuh avangin Champhai District Hospital pan pui a ni a. X-ray a nih hnuah pumpui pawp a ni tih hriat a ni a.  Aizawlah refer niin Pathianni chawhnu dar 2:10 khan Champhai District Hospital a\angin Aizawl panpui a ni a. Aizawl Civil Hospital ah dar 12:40 a.m  bawr velah an thlenga. Oxygen pek nghal niin rang takin a tul ang ang doctor ten an lo buaipui nghal a. A BP a lo hniam avangin zai mai theih a ni lova. A BP tihsan tuma theih tawp an chhuah laiin min peih loh san ta a ni.

PIALRAL

LAICHHINGI

    Pi Laichhingi hi kum 1922 ah Pu Thangkhuma leh Pi Khuangi fate zinga pathumna niin Tlangsam khuaah a lo piang a.
    A pasal Pu Khuangringvunga nen hian kum 1941 June 4 ah Biak In hawngin  Pastor Pasena'n an a inneih tir a, Kumin hi an inneih kum 75 champha chiah a ni. Fa pahnih neiin a upa zawk Lalrinthangi hian kum 1950 khan thla 3 mi vel niin a boralsan a. A pasal Pu Khuangringvunga hi Thlarau mi tak niin thlarau lam tulna avangin in inlamah haw theilo in rawngbawlin a thang ta char char a.
    Hetia rawngbawla a pasal a chhuah tak avang hian a chhungte pawh hian an inlama hruai haw pawh an tum a, mahse, a pasal rawngbawlna hi a tuipui in a thlawp em em a, a pasal hi in lam ah pawh awm hman meuh lo in Pathian rawngbawlin a chhuak reng \hin a. Kum 1948 a\anga kum 1995 (kum 47) teh meuh rawngbawlin a chhuak a, hetia a pasal rawngbawla a chhuah chang leh a chhuah hlan pawh hian u ber nih chanchangin an chhungkua leh a tu leh fate a uap khawm tlat thin.
    Amah hi zai ngaina leh \awng\ai taima tak niin zana a mu a \hanharhah pawhin \awng\ai leh Pathian hla sain a zai \hin a. He tia taksa chak lova khuma a mut hnu a\ang phei hi chuan \awng\ai leh Pathian hla sak hi a nuna bet tlat ang mai a ni. Tin, tu leh fate ngai em em mi niin a tu te hmun danga an zin changte hian a ngaihtuah em em \hin a, bang lovin a \awng\ai sak zan tin \hin a ni. Kohhran mi leh Thlarau mite thlahlelin a ngai thei em em a, lengah te sawmin \awng\aiho te a rawt \hin a.
    A Nat dan : Amah hi Siatica nei \hin a ni a, a taksa te lo chaklo in zual lam alo pan ve hret hret a, January 10,2013 atang khan a natna hi lo zualin khum a\ang hian a tho thei ta lova, khumah hian a chhung ten eitur leh chaw an pe ta a ni. Amah in zunram pawh a inthiar thei tawh lo a, a chhung ten enkawlin a mah pawh hi a in thlahrung ve thin hle  a. Ni 4 tlai a\ang khan amah hi a nun a hniam deuh a. Chaw a ei peih meuh lo va, a boral hma zan Ocober ni 5 zan khan a a chau zual deuh a. Hemi zan hian an mu meuh lova. Ni 6 zing dar 5:00 vel khan a tai a nat thu sawiin, damdawi pek tum pawh a lem thei lova. Bawihsawm ngai leh buaipui ngai  lovin dar 5:45 vel khan chatuanram a lo pan ta a ni.

PIALRAL

LALBIAKFELA K-7 & LALNGAIHKIMA K-5
    Lalbiakfela hi kum 2009 November ni 25 khan Pu VL Ruatkima Fanai leh Pi Lallawmawmi te fa pathum zinga a upa ber niin a lo piang a. Lalngaihkima Fanai hi kum 2011September ni 15 khan a lo piang a.
    Lalbiakfela hi naupang fel leh naute ngaihtuah em em a ni a. A ei ai pawh kian zel leh naute hau ngai lo a ni a, a naute lakah pawh hian \awngkam vin a hmang ngai lo. Nu leh pa bakah chhungte thuawih thei tak a ni a. Sunday School-ah pawh zirlai ngaithla uluk thei tak  niin zirtirtute hauh ngaiin a awm ngai lova. Primary Department zirlai niin nikuma Beginner inkhawmpui Tlangsam Kohhran Biak Ina neihah Thu inchhang zawt tu ah te a lo \ang tawh a ni. Nikum khan Beginner Dept a\angin Primary Dept ah insawn tawh tur a ni a, a nau Lalngaihkima a tel lova a inkhawm duh loh avangin Beginner-ah hian kum khat a awm leh phah hial a ni. Kumina Primary Dept-a a awm tirh pawh hian Beginner Dept-ah hian a nau ala \hutpui \hin a. Inkhawm \an hunah Primary Dept room-ah a phei leh \hin a, chutiang khawpa naute ngaihsak mi chu a ni. Primary Dept-ah pawh hian naupang thuawih ber pawl niin zirlai te hi a hre thei ber pawl a ni.
    Tunah hian Tlangsam Presbyterian English School-ah Class -I a zir mek a, zirlai zingah pawh zirtirtute thil zawt peih leh zawhna chhang hmasa ber pawl ani ziah \hin.
    Lalngaihkima hi naupang danglam tak niin naupang zaidam, naute duat thiam tak  leh Naute hau ngai lo ani a. Naupang taima tak, tirh hnial ngai lo leh mahni tihawm tawk hre em em a ni. Sunday School-ah Beginner Deparment-ah awmin kum tan tir lamah a u tel loin inkhawm ngam lo mahse, kum lai hawlah chuan zirlai leh zirtirtute zawhna hre thei ber pawl a ni \hin a. Zirtirtute hauh ngai leh thiante ti buai zawngin a awm ngai lo va. Inkhawmpui tur inbuatsaihna an neih lai pawhin naupang tih nuam leh thuawih ber pawl niin an zirtirtute chuan an sawi bawk.
    Tunah hian Presbyterian English School-ah Nursery a zir mek a. Class test  leh examah pawh a ti \ha pawl a ni thin a. Ist term exam ah pawh 4-na a ni nghe nghe.
    An unau hian Chhung inkhawm ngai pawimawh em em an ni a. Zirtawp zan pawh khan an unau thum, an naupang ber Rohmingmawia nen chhung inkhawmah hian hun an hmang a ni.
    Naupang Sunday School Kum chanve Pathian thu exam inbuatsaihna an neih mek lai niin in lamah nasa takin an inbuatsaih dun ve ve a. An boral ni September 24 pawh khan nilenga zir tum an ni a. Zirtawp zan khan Lalngaihkima hian Apa Pu VL Ruatkima leh  A pi Pi K Lalengzami hnenah hian tuichen a dil a. Apa hnenah phei chuan, “ Naktukah tui kan chen zawhah Exam inbuatsaihna kan zir dawn nia” a ti a. Pathian thu exam pawh hma chhawn hman loin vanduaina hi an tawk ta a ni. A tuk September 25 Pathianni khan vuiliam an ni ta a ni.

PIAL RAL

    Pi Lalawithangi hi kum 1950 December ni 18 khan Pu Tetawia (L) leh Pi Thangtuahi (L) fate zinga pathumna niin Tlangsam ah a lo piang a, an unau hi panga an ni.
    Pi Lalawithangi hian theih tawp chhuah in kohhran hmeichhe rawngbawlna ah hun a hmang a, kum 2003 a\angin Tlangsam Presbyterian Kohhran hmeichhia ah Committee member a ni \an a, Group \henah leader te niin, Buhfai\ham ziaktu a ni bawk a. Kum 2013 khan Bethel Pastor Bial kohhran hmeichhe committee member a ni a. Kum 2013-2014 ah kohhran hmeichhe OB ah thlan niin Treasurer nihna a chel a. Kum 2015-2016 chhungin committee member niin inkhawm kaihhruaina leh thu hril rawngbawl hna a thawk a, a boral thlengin he rawngbawlna hi a chelh a ni.
     A nat dan : Pi Lalawithangi hian Lung lam \hat lohna a nei reng \hin a, Aizawl leh hmun hrang hrang ah entir niin, a hun tam zawk hi natna nen a hmang a. Kum 2015 August thla  khan Champhai District Hospital-ah dah luh niin zia awm lam a pan hret hret a. In lama enkawl chhunzawm zel  a ni a.  Kumim January thla a\ang khan a natna hi lo chhuak leh in na lutuk tia sawi tur nisi lovin ding chungin a na a, in lamah enkawl a ni a. May 22, Pathianni chawhma kha Biak In a inkhawm hnuhnung ber niin May thla chawhnu lam a\ang khan a natna a zual deuh a, may 30,(Thawhlehni) khan inentirin in lamah enkawl chhunzawm leh a ni a, ziaawm lam a pan theih tak loh avangin June 1 khan Dr. Dawnga hnenah entir a  ni a, Dr. Dawnga in ah riah pui nghal a ni a. Theih tawp chhuah a enkawl a nih laiin Lalpa kohna chhangin, June 3 (Zirtawpni) tlai 1:05pm khan a natna tuar lovin Lalpa hnenah chawl hlen turin a chhungkua leh \henrual \hate a kalsan ta. 

Kum 2015 chhunga kan \hen takte

    January 1, 2015 a\anga vawiin thleng hian kan kohhran chhungkua a\angin mi pahnih sun tur kan nei a, Kumhlui thlah zanah hian sunna neih tur a ni a, kan sun turte chu:
SAIHNUNI, KUM 77
    Ni 13.9.2015 zanriah  eikham ah a hnungzang ah hnawhtu awmin an zut sak a. A hnungzang na chu a lo zia deuh avangin a fate nupa chuan an inkhawm san a. Amaherawhchu, a thaw a danglam tih hria in a tunu chuan a han en a, a mit meng te  a lo danglam a. A theih tawp chhuahin a bawih sawm a. Theihtawp chhuah mahse ni 13.9.2015 zan 7:30 a lo nih meuh chuan in chhan zo lo in, khawvel a lo chhuahsan ta a ni.
ZOTHANSANGA, KUM 39
    Hun rei tak a damloh hnuin May 11, 2015 zing dar 4:30 khan chatuan ram min lo pansan ta a ni.

PIALRAL

 

 SAIHNUNI KUM 77
    Pi Saihnuni (L) hi Pu Denghleiha (L) leh Pi Mang\iali (L) te fa 6 zingah a upa ber dawttu a ni a. Kum 1939 khan Keisen khuaah a lo piang a. A nu leh a pa te hian Kum 1940 ah Tlangsamah an rawn pempui a. Kum 1961 ah Chalrang khua ah pasal a nei a, fa 3- Sangthankima, Lallawmliani (L) leh Zoramchhana (L) te an neih hnu in kum 1966 ah in\hen in a lo kir leh a. A fa te hi rinawm tak in a \ul pui ta a ni.
    A fate  enkawl hian a thawkrim em em a. Thawkrim taka fate enkawl chung hian nu hlim thei tak leh a bula awm nuam, hmangaihna ngah leh zaidam tak a ni a. Pathian zarah natna khirhkhan dang nei lo in, hrisel tak in hun a hmang chho a ni.
    Amah hi thlarau mi tak a ni a, thlarau thunun na avangin  khawdang ah pawh rei tak tak haw thei lo va a awm chang a awm \hin a ni. Khawchhak lam ah leh hmun hrang hrang ah rawngbawlin a kal fo \hin a ni.
    A fapa Pu Sangthankima eizawnna avangin kumin January thla a\ang khan Champhai venglai ah an awm a. Ni 13.9.2015 zanriah  eikham ah a hnungzang ah hnawhtu awmin an zut sak a. A hnungzang na chu a lo zia deuh avangin a fate nupa chuan an inkhawm san a. Amaherawhchu, a thaw a danglam tih hria in a tunu chuan a han en a, a mit meng te  a lo danglam a. A theih tawp chhuahin a bawih sawm a. Theihtawp chhuah mahse ni 13.9.2015 zan 7:30 a lo nih meuh chuan in chhan zo lo in, khawvel a lo chhuahsan ta a ni.
    Pi Saihnuni hian a damlaia a duhthusam  ang ngei in Tlangsamah a ruang lak niin, tlaivar pui a ni a. Ni 14.9.2015 khan Tlangsam thlanmual ah a lei taksa chu zalh a lo ni ta a ni.
    He leiah \ap in in\hen rih mah ila, lawmin nakin ah kan la in tawk leh ang.

PIALRÂL

F. ROLIANA KUM 77
    Pu F. Roliana hi Pu Rotlaia leh Pi Zaneihkimi te fa 5 zinga 4-na niin 1937 khan Champhai Zotlangah a lo piang a. An unau hi mipa hlir an ni.
    Kum 1956 velah khan sipai-ah a \ang \an a, kum 1975-ah pension-in a chhuak a. Ti chuan a pension kum 1975 December thla khan Pi F. Dailovi nen an innei a, Pi F. Dailovi nen hian fa 6, mipa 3 leh hmeichhia 3 an nei a ni.
    Kum 1985-ah khan sakhuana avangin Zotlang a\angin Tlangsamah an rawn pem a, Pathian Kohhranah hun rei tak an awm hnuin kum 2011 kum tawp lamah khan kan Kohhranah an rawn lut ta a ni.
    Pu F. Roliana hi pa fiamthu duh tak mai a ni a, a bula awm ten an hlimpui ber a ni \hin a. Kum 2014 MP thlan lai vel a\ang khan a damlo \an a, August thla khan zual lam panin September thla khan a bet \an a. Tichuan October thla vel khan damdawiinah luhpui a ni a, damdawi in a\anga rawn chhuahpui lehin an chenna inah enkawl zui a ni ta a ni.
    Dec 29-a khua rawn duai deuh khan a tichau zual a, ti chuan Dec 30 zan khan a chhungten tlaivarpuiin a dam theih nan theih tawp chhuah mah se Dec 31, 2014 zing lam dar 7:10 khan a lo boral ta a ni. Hemi ni vek hian Bialtu Pastor Rev H. Za\huama chuan a vuiliam ta a ni.

Kum 2014 chhunga kan \hen takte

    Kumin chhung hian kan kohhran chhungkua a\angin mi pahnih sun tur kan nei a, Kumhlui thlah zanah hian sunna neih tur a ni a, kan sun turte chu:
LALPARMAWII KUM 39
    Kum 2011 kum tawp lamah khan kawngna a nei \an a, a natna ten zual lam a pan zel a, chhungkhat leh \henrual ten theihtawp chhuaha an enkawl laiin Feb 17, 2014 dar 10 am khan chatuan ram a lo pan ta a ni. Zanah tlaivarpui niin a tuk Feb 18 khan Bialtu Pastor Rev H. Za\huama’n a vui liam ta a ni.
LALFAKAWMA KAR 4
    Lalfakawma hi Pu Zathangvunga leh Pi Zorampeli te fa naupang ber a ni a, September thla khan chatuan ram min lo pansan ta a ni.

PIALRÂL

LALSANGZUALI, KUM 35
    Pi Lalsangzuali hi Pu Pûkhûma leh Pi Ralliani te fa 4 zinga 3-na niin kum 1979 May 10 zing dar 8-ah khan Lungleiah a lo piang a. Lungleiah hian pawl 2 thleng school a kal hnuin kum 1986 khan Tlangsam khuaah an rawn pem a ni.
    Tlangsamah pawl 6 thleng a kal hnuin Lunglei lamah a kal chhunzawm a, Hindi School-ah lut lehin pawl 10 thleng a kal a ni.
    Kum 1999-ah khan Malsawmtluanga nen an innei a. Fa 3 a nei a. A hnathawh avangin Champhai Dinthar te, Electric vengah te a awm kual \hin a. Kumin February thla khan Aizawlah a chhuk thla a. Salem Vengah in luahin a awm a. Amah hi kum 2002 a\anga thisen sang nei \an tawh a ni a. A boral hma zan khan mut dawnah a khua a sik thu leh a awmah a hnawh thu a sawi a; mahse a \hiante chuan ngaih\hat loh nachang pawh an hre hran lo va. Ti chuan khua a lo var chuan an kaitho zo ta lo a ni.
    A ruang hi Aizawl a\anga rawn phurh chhoh niin May 14, Nilaini khan Tlangsam thlanmualah a vui liam ta a ni.

PIALRÂL

LALPARMAWII KUM 39
    Pi Lalparmawii hi Pu Laihnuna leh Pi Thangmawii te fa 9 zinga 5-na niin 1975 January 30 khan Tlangsamah a lo piang a. A hming dik tak hi Vanlal Chung Pathian Lilyparmawii a ni a, a pi, Pi Suakkungi’n thlarau lam a\anga a dawn a ni.
    School hi pawl 6 thleng a kal a, Pathian tan a theihtawpin a inhmang ve \hin mi a ni a. In lamah a che ber a nih avangin a duh ang erawh chuan a inhmang thei lutuk lo va. K|P-ah pawh Group Secretary te lo ni \hin tawhin Sunday School zirtirtu te pawh a lo ni \hin tawh a ni.
    Kum 2011 kum tawp lamah khan kawngna a nei \an a, a kum leh April 4 khan Zokhawtharah an va inentir a, Siatica nia hriat a nih avangin damdawi te an lo chawh a. Ti chuan in lamah inenkawlin ding chungin a tuar a. Mahse a damdawi ei ten awmzia a neih loh avangin \hat lam a pan tak tak thei lo va. Tiang nen a kal thei sawih sawih chauh a. A kum leh Feb 19 2013 khan Aizawl lamah a inentir leh a. Siatica nia hriat a ni avangin Siatica enkawlin an lo enkawl a. |hat lam a pan theih chuan loh avangin hemi kum vek September thla khan Aizawl lam an pan leh a. October 5 khan a chi kawng bul a Cancer a ni tih an hmu chhuak ta a ni.
    Ti chuan in lama inenkawl turin an haw leh a, a cancer hi a lo nasat deuh tawh avangin November thla a\ang khan a bawksawp \an a, pawn pawh chhuak thei lovin a chhungten in lamah an enkawl chho ta a ni.
    Mi tuarchhel tak a nih avangin a na hi a sawi mai mai ngai lo va, chaw ei loh a duh loh avangin tlem tal a ei hram hram \hin. A boral hma Pathianni zan ruah sur leh khawvawt avang khan zing lam dar 3:30 vel khan zual lam a pan deuh a. Ti chuan a chhungkhat leh lenrual ten theihtawp chhuaha an enkawl laiin Feb 17, 2014 dar 10 am khan chatuan ram a lo pan ta a ni. Zanah tlaivarpui niin a tuk Feb 18 khan Bialtu Pastor Rev H. Za\huama’n a vui liam ta a ni.

Kum 2013 chhunga kan ṭhen takte

 

CHUHLUAIA KUM 80

Nikum (2012) May thla khan lung lam \hat lohna avangin Aizawlah enkawl a ni a. May 5, 2013 Pathianni chawhnu khan a chau zual a, a tu leh fate leh \henrual \ha ten theihtawp chhuahin an enkawl laiin May 6, 2013 tlai lam dar 4:10 khan min lo kalsan ta a. A tuk May 7 khan bialtu Pastor-in a vui liam ta a ni.

H. BULLIANA KUM 76

September ni 4 (Nilai zan) khan a zan zung tur a tho chhuak thei lo va. Aizawl Civil Hospital-ah enkawl niin natzual em em pawh nei lovin Doctor-te’n theihtawp chhuaha an enkawl laiin September ni 21 zing lam dar 7:18 khan a boral ta ni. Tu leh fa 67 a kalsan a ni. A tuk Sept 22 khan Tlangsam thlanmuala Bialtu Pastor Rev. C. Lalremruata’n a vui liam ta a ni.

PIALRÂL

H. BULLIANA, KUM 76

Pu H. Bulliana hi Pu H Kaplian-\huama leh Pi Runkaii te fa paruk zinga pathumna niin kum 1938 khan Tlangsam khuaah a lo piang a. Kum 1962-ah Hrangnghilhlovi nen an innei a. A nupui hian kum 1977 khan a boralsan a. Kum 1979 ah tuna a nupui Pi Rothangpuii nen an innei leh a, fanu 6 leh fapa 4 a nei a ni.

Kum 1964-ah a piangthara, Sunday School zirtirtu te, thuhril rawngbawlna te a lo thawk tawh \hin a. Zoram buai vanga khawkhawm a nih hnuaah Tlangsamah let lehin Kohhran din thar lehtute zingah a tel a. Tuna kan Biak In luah mek sak a nih lai hian Building Committee Chairman niin sulsutu pawimawh berte zinga mi a ni bawk. Kum 1976 khan K|P Asst Leader hna a lo chelh tawh bawk. A theih ang tawka Pathian tana rawngbawl \hin mi a ni a, thlarau mi tak a ni bawk. Mi dang tana hnawksaka nun hi a hlauh ber thil a ni a, mi dang tana malsawmna thlentu nih hi a tum ber a ni.

Amah hi thisen sang leh zunthlum nei sa a ni a. Nat lawk pawh awm lovin, Kum 2013 September ni 4 (Nilai zan) khan a zan zung tur a tho chhuak thei lo va. Doctor entir anih hnuin DM Hospital-ah admit a ni a, a pangkhing veilam a chet theih loh avangin Aizawlah refered a ni a, a tuk September ni 5 ah Aizawl panpui nghal a ni a. Aizawl Civil Hospital-ah enkawl niin natzual em em pawh nei lovin Doctor-te’n theihtawp chhuaha an enkawl laiin September ni 21 zing lam dar 7:18 khan a boral ta ni. Tu leh fa 67 a kalsan a ni.

A boral ni hian a ruang hi Aizawl a\angin rawn phurh haw nghal a ni a, khawtlang lama mi \angkai tak leh mi inpe tak a nih avangin mipui tam takin ropui takin an lo hmuak a, zanah tlaivarpui niin a tuk Sept 22 khan Tlangsam thlanmuala Bialtu Pastor Rev. C. Lalremruata’n a vui liam ta a ni.

Khawhar chhungte Pathianin thlamuanin awmpui rawh se.

PIALRÂL

CHUHLUAIA, KUM 80

    Pu Chuhluaia hi Pu Thangsabuta (L) leh Pi Rothangi  (L) te fa 9 zinga 6-na a ni a. Dt. 11. 6. 1933 khan Tlangsam khuaah a lo piang a. A naupan lai a\angin mi bawrhsawm tak a ni a, a nu leh pate kaihhruainain Pathian \ih mi tak niin a lo seilian a, zu reng reng in miah loin a damchhung hun a lo hmang zo ve ta a ni.
    Kum 1956 Dec 28 khan Pi |hathluaii nen Kohhran Dan Thianghlimin, Biak In hawngin an innei a. Hrisel lo tak chungin hun hmang reng mah se Dec 28, 2007 khan Pathian hruainain an inneih Golden Jubilee an hmang thei a. Fapa 3 leh fanu 4 an nei a ni.
    Chak lo chung chungin theihtawp chhuahin Kohhranah a inhmang ve thin a. A tlangval laiin Naupang Sunday School zirtirtu a ni a. Tlangsam Branch K|P dintute zingah telin a din kum hian Office Bearer-ah a tel. Rambuai hma khan Puitling Sunday School ziaktu a ni a; ram buai vanga khaw sawikhawm a nih khan Zote-ah pheiin Senoir Department zirtirtuah a awm leh a, Thuhriltu a ni bawk. Tlangsamah let leh a nih hnuah pawh hian puitling Sunday School zirtirtu niin thuhriltu rawngbawlna a chelh a, Tual Upa (1992-1995) atan thlan a ni bawk. 1992 kum khan a mit khuaiin a zuk avangin a mit dinglam a del a. A hriselna a \hat tawk loh avangin mi zinga khawsak a zuam lo va; \henawm khawveng chhiat/\hat tawhah pawh lang thei lo hial khawpin a tap tawm zui ta a ni.
    Nikum (2012) May thla khan lûng lam \hat lohna avangin Aizawlah enkawl a ni a, September a\ang khan a chak loh a zual ta a. Thaw-hah a nei chhova, hun rei tak chhung an chenna inah enkawl a nih hnuin May 5, 2013 Pathianni chawhnu khan a chau zual a, a tu leh fate leh \henrual \ha ten theihtawp chhuahin enkawl mah se, hniam lam a pan zel a. Tichuan May 6, 2013 tlai lam dar 4:10 khan he khawvel hrehawm hi chhuahsanin rawng a bawlsak \hin a Lalpa hnenah thlamuang taka chawl turin a lei taksa chu a lo thlah ta a ni. A tuk May 7 khan bialtu Pastor-in a vui liam ta a ni.

Sunna hun hmang dawn

Dated Tlangsam, the 30th Dec, 2012
    Naktuk ni 31 Thawhṭan zan Inkhawm hian kan Kohhran mi chatuan ram min pansan tate sunna hun Kohhranin a hmang dawn a, Kohhran zaipawlin ‘Ram engmawi tak chu a awm’ tih hla hmangin an thlah liam ang. Sun turte:
1. Upa F. Piangliana. Mar 2
2. Pi Rualchhingi. March 18
3. Pi Lawmchhungi. Oct.19
4. Pi Thansangi. Nov.22

Pialral

THANSANGI

Kum - 52

Pi Thansangi hi Salṭhuama leh Aizingi te fa pasarihna niin, August ni 12 1960 khan Mualkawi khuaah a lo piang a. An unau hi mipa paruk leh hmeichhia pali an ni a.

Thansangi hi a naupan lai aṭanga naupang duhawm leh ṭhiante ngainat hlawh em em mi niin, mi pawi sawi ngai lo mi a ni a. Mi hlim thei tak niin a puitlin thlengin mi nui duh em em a bula awm nuam tak a ni. A pasal Pu Hrangneka nen an inneih hma hian pasal dang nei tawhin fa mipa pahnih leh hmeichhia pakhat an nei a ni. Kum 1994 may thla khan Pu Hrangneka nen innei leh in, fa pahnih mipa leh hmeichhia pakhat ve ve an nei leh a.

Thansangi hi mi hrisel pangngai tak a ni ṭhin a, mi taima tak niin hna pawh rim taka thawk ṭhin mi a ni. Hun eng emaw aṭang khan hrisel lohna in tlak buakin, A mît a lungte awm in harsatna a siam ve ṭhin a, chu chuan natna dangte pawh rawn siam sak ve ṭhinin August ni 13 2012 khan a mît a lungte awm zai tumin Aizawl-ah an kal a, chutah chuan Chuap Cancer a ni tih hmuhchhuah a ni a, a cancer hi a lo nasat tawh em avangin a natna chuan zual lam a pan zel a, zai pawh a awmzia a awm tawh dawn loh avangin in lama enkawl tura hruai haw a ni a, hun rei tak in lama an inenkawl tawh hnuin November ni 22 2012 zan Dar 9:00 khan a Chatuan ram a pan ta a ni Pi Thansangi hian a hmangaih em em a pasal leh a tu leh fate a kalsan a ni.