Presbytery Inkhawmpui hmang mek; Nakumah Ngur Kohhranah

 

Champhai North Presbytery Inkhawmpui chu Nilai zan a\ang khan hman \an a ni ta a, zaninah hian a \iak ang.

Champhai North Presbytery hi tunhmaa Khawchhak Presbytery ni \hin a\anga lo piang a ni a. Khawchhak Presbytery kha a lo len deuh tawh avangin kum 2005 khan Pastor Bial 5 ve ve-a in\henin Champhai North Presbytery leh Champhai South Presbytery a lo piang ta a ni.

Champhai North Presbytery-ah hian Bial 5- Vengthlang, Kahrawt, Hnahlan, Bethel leh Zote te an awm a. Vengthlang Bialah hian Kohhran 4 - Vengthlang, Venglai, Electric leh Vengthlang North te an awm a. Kahrawt Bialah hian Kohhran 5 - Hmunhmel\ha, North Khawbung, Kahrawt, Hunthar leh Keifangtlang te an awm a. Hnahlan Bialah hian Kohhran 7 - Hnahlan, Tualcheng, Khuangphah, Lungphunlian, Vaikhawtlang, N. Diltlang, Hnahlan Vengthlang, te an awm a. Bethel Bialah hian Kohhran 5 - Tlangsam, Bethlel, Vengthar, New Champhai leh Zion Veng te an awm a. Zote Bialah hian Kohhran 4 - Zote, Ngur, Vapar leh Ngur Vengsang an bawk a ni.

Inkhawmpui hi October 9, Nilai zan khan \an a ni a, \an zan hian Upa C. Lalduha, Ngur-in thu a sawi a. Inkhawmpui palai 40 vel an inkhawm thei a, kan Kohhran Zaipawl te an zai.

Ningani khan Committee hrang hrang an \hu a, zanah khan Palai lawmna leh Pastor Bial Report Inkhawm neih a ni a, hetah hian Pastor Bial hrang hrang report ngaihthlak a ni a, Bethel Kohhran zaipawl te an zai bawk.

Zirtawpni khan Palai Rorel neih a ni a, Palai 267 an kal thei a, inchhiarna nang lo tlem an awm bawk. Heng zingah hian ATC a\angin 3, MTC a\angin 4, Tidim Synod a\angin chhimtu 1 leh thu ngaithla mi 4 an tel bawk. Rorel hi Inrinni chawhma lam khan zawh a ni.

Nizan khan Rev. H. Vanlalhriata Hnahlan Bial hnen a\angin Thlarau lam thupui "Pathian thu nung thil ti thei" tih ngaihthlak a ni. Kahrawt Kohhran leh Vengthlang Kohhran Zaipawl te an zai bawk.

Inkhawmpui hi vawiinah hian chhunzawm leh tur a ni a, vawiin chawhmaah hian Upa nemngheh inkhawm neih a ni ang a, chawhnuah Lalpa Zanriah Sakrament Rev. Lalramdinthara Colney, Vengthlang Bial-in a \heh ang.

Zanah hian Moderator Veledictory Sermon ngaihthlak a ni ang a, zaipawl- Vengthlang North Kohhran, Zote Bial, Kahrawt Bial leh kan Kohhran Zaipawlpui te ngaihtlak a ni ang. Inkhawm banah K|P Fellowship neih a ni ang a, lenkhawm a awm bawk ang.