RÂL HMATÂWNG

Itanagar (Nl Malsawmkimi): Kar hmasa ni 4-6 khan Pastor Bial Kohhran Hmeichhe Inkhawmpui chu tluang takin kan nei zo. Ni 2 khan Itanagar a\angin Daporijo kan pan a, ni 3-ah Siyum kan pan leh a, ni 4 khan kan inkhawmpuina tur Bogia panin ke-in kan kal. Keimah bikah chuan taksa chak lohna avangin an rualin Boggia ka kal ve thei ta lo va, Inrinniah Boggia hi ka thleng ve chauh. Inkhawmpuiah hian Bible chang sawi te, zaipawl te, lam te, Bible quiz te-in kan intihsiak. Kan beisei phak bakin an inpuahchah \ha a, an thiam hlawm a, kan lawm hle. Mi 6-in Baptisma an chang bawk. Kan speaker Lalsangpuii hnen a\angin Pathian thuchah ropui tak tak kan ngaithla bawk a. Nu ho an fa nausen te te pua-in ruahsur hnuaiah ramhnuai kawng zawhin inkhawmpui tura an lo kal te, nau paw chunga Pathian faka an lam dawrh dawrh te hmuh chuan rilru a khawih khawp mai. A tawp zanah phei chuan kan tlaivar hial a, taksa chaklohnain min tlakbuak mah se a tawp thlengin hun hlimawm tak ka hmang thei a, ka lawm em em a ni. Ni 8 zan dar 7 vel khan tluang takin Itanagar kan thleng

Ni 10 a\ang khan YWAM thawktute nen Vivekvihar Fellowship huam chhungah home crusade neiin hun kan hmang mek. A hlawhtlin theih nan min lo \awng\aipui turin kan ngen nghal a che u.

Lopchu (Nl Lalengzauvi Colney): Tunkar chu JPM hmang turin kan inbuatsaih a, Inrinni a\anga Pathianni zan thleng a awh ang. Palai hi mi 100 vel kal thei tura beisei an ni.

Bungtlang ‘S’ (Pu F. Chalthan-mawia): Kan Kohhranin Champhai North Prsbytery Inkhawmpui te kan han thleng thei ta hi a ropui ka ti tak zetin Pathianin Kohhran hote min hruaina avang a ni tih ka hriatin Lalpa chu fakin awm rawh se. Keini lam pawh Inkhawmpui rorelte tluang takin kan zo thei e. Kohhran ho ten min \awng\aipui zel ula. Kohhran inepna nasa tak karah kan awm si a.

School lam pawh building tharte rawng kan hnawih a. Theih tawp chhuahin kan \ang ve zel e. Kan kohhran boruak pawh a nuam ve zel e.