Kohhran leh Kristian chhungkua

    Hun rei tawh tak a\angin Kohhran hmeichhia ten kristian chhungkua an lo buaipui tawh a. A pawimawhna leh kristian chhungkua din a \ulzia hria in hmun dangah pawh zir chianna an nei hial a. Chutiang a pawimawh leh \ul tih hria te chuan anmahni mai a kristian chhungkaw chungchang a hmalak chu duh tawk lovin, Kohhran pum huapin kriatian chhungkua kan buaipui ta mup mup mai.
    Chuti tak a pawimawh leh \ul tak kristian chhungkua chu engtik hun a din chi nge ni ta ang le? Nula leh tlangval ni laia din chi nge, nupui pasal neih zet a fanau neih hun a din chi. Nge, kan fa te puitlin hun a din chi ni ta ang le?
    Rawngbawltu \angkai tak ni reng chunga fanau enkawlna kawnga fail let der mai hi awm theih ni ngei in a lang. Tui tak leh nuam ti tak a rawngbawlhna kan thawh lai hian kan fa te, kristian chhungkaw dinpui tur te hi engtin nge an khawsak \hin a, engtin nge hun an hman kan hriatpui em le? Kristian chhungkaw din tur hian eng ber nge ngaih pawimawh tur ni  a, \ul hmasa ni ta ang le?
    Kristian chhungkaw din tur a \an kan lak viau lai hian kan tum hi kan fail hlauh ang tih a hlauhawm hle a. Kristian chhungkaw dik tak din tur hian Pathian hnen a hun dik tak zawt a, chu kan dil chu ngaihven reng chungin \an i la thar ang u.

Kohhran leh Kristian chhungkua

    Hun rei tawh tak a\angin Kohhran hmeichhia ten kristian chhungkua an lo buaipui tawh a. A pawimawhna leh kristian chhungkua din a \ulzia hria in hmun dangah pawh zir chianna an nei hial a. Chutiang a pawimawh leh \ul tih hria te chuan anmahni mai a kristian chhungkaw chungchang a hmalak chu duh tawk lovin, Kohhran pum huapin kriatian chhungkua kan buaipui ta mup mup mai.
    Chuti tak a pawimawh leh \ul tak kristian chhungkua chu engtik hun a din chi nge ni ta ang le? Nula leh tlangval ni laia din chi nge, nupui pasal neih zet a fanau neih hun a din chi. Nge, kan fa te puitlin hun a din chi ni ta ang le?
    Rawngbawltu \angkai tak ni reng chunga fanau enkawlna kawnga fail let der mai hi awm theih ni ngei in a lang. Tui tak leh nuam ti tak a rawngbawlhna kan thawh lai hian kan fa te, kristian chhungkaw dinpui tur te hi engtin nge an khawsak \hin a, engtin nge hun an hman kan hriatpui em le? Kristian chhungkaw din tur hian eng ber nge ngaih pawimawh tur ni  a, \ul hmasa ni ta ang le?
    Kristian chhungkaw din tur a \an kan lak viau lai hian kan tum hi kan fail hlauh ang tih a hlauhawm hle a. Kristian chhungkaw dik tak din tur hian Pathian hnen a hun dik tak zawt a, chu kan dil chu ngaihven reng chungin \an i la thar ang u.

Krista rawngbawltute hi

    Tunlai khawvel changkang tak leh hmasawn dan thlir hian Krista rawngbawltute nun dan leh chet dan hi i han thlir teh ang. Krista rawngbawltute hian rawngbawltu nundan turin kan nung reng em?
    Rawngbawltu chu a piang thar tur a ni a, Pathian \ih na leh zahna nen rawngbawl hna a thawk tur a ni a. Hetiang hian rawngbawltute hian kan nitin nun kan hmang reng em? Pathian Biak In ah chauh Pathian thu kan awih in Pathian hi kan zah ta em ni? Kan hma hun kal hret ah kha chuan rawngbawltute hian an nun an ulukin theih tawpin Pathian tan an in serh a. Rawngbawl hna thawk mek te hian Pathian tan kan in serh ve em? Pathian tana inserh thianghlim thei leh piangthar dik tak nih a  pawimawh a ni.
    Krista rawngbawltu chuan inkhawm leh kohhran hnathawh a ngaipawimawh tur a ni a. Pulpit tlang leh Biak In chhunga huk dum dum ringawt lovin, engtik lai pawh a kohhran hnathawh ngaihpawimawh leh kohhran a chauh lai ber pawh a kohhran tinungtu ni tur a inkhawm ngaipawimawh mi a ni tur a ni.
    Kan eizawnna ah leh hmun danga hun kan hmanna ah te hian Krista rawngbawltu ni awm rengin hun kan hmang em? Pathian thu hi Biak In leh a velah chauh ni lovin, khawi hmunah pawh Pathian thu a nih angin kan nunpui tur a ni. Mahni \ha inti mai lovin, midang ngaihah pawh \ha a in lantir a, in pho lan ngam hi a hun ta tak zet a ni.

Kohhran leh Thiamna

    Kohhran hnathawh tipuitling tur leh kohhran thang duang tak ni tur hian Pathian Thlarau Thianghlim hruai a awm hi thil tul leh pawimawh tak a ni a. Chumi rual chuan kohhran ho ten kan hmaih theih miah loh chu thiamna leh finna neih hi a ni.
    Chu thiamna leh finna chu khawi atangin nge kan neih theih ang kan tih chuan chhungkua leh kohhran ah tiin a sawi theih ang. Amaherawh chu hetah hian thiamna leh finna a famkim theih loh avangin nitin zirna sikul a pawimawh ta a. Chu zirna sikul ah chuan thiamna leh finna la turin kan kohhran pawhin tan a la thar zel a. Presbyterian English School  hial a lo din dawn ta.
    Zirna tha kan it a, kan fate sikul tha ah kai se, english thiam se kan duh a. Hei hi khawvel changkang zelah thil tul tak a ni. Chu thil tha chu hria in kohhran chuan Presbyterian English School a din ta ngei a. Kohhran chuan a tihtur hlenin sikul a din ta a. Thiamna tak tak nei turin chhungkua in mawhphurna kan nei ve, kohhran hmalakna ah hian eng nge kan mawhphurhna ni ta le? Kohhran leh thiamna hi a kal kawp a, kan hman thiam chuan kohhranin kan la tangkai puiin kan la chhawr ngei ang.

Editorial...

    Kohhran leh Thianghlimna
    Kohhran leh thianghlimna hi thil kal kawp tlat, lak hran theih loh ang hial a inkawp nghet a ni a. Bible leh kohhran hmasa te chanchin ah pawh thil inzawm tlat a ni tih kan hmu a ni.
    Zoram chhunga chengte hi ringtu kristian kan nih hma chuan hnam bal leh tawp tak mai kan ni a. Amaherawh chu Lal Isua ringtu kristian kan nih chinah chuan faina leh thianhlimna kawngah pawh nasa takin hma kan sawn a, a lang lamah pawh hmuh theih khawp hial in hma kan sawn a ni.
    Kan chenna in leh a vel tih fai leh enkawl thianghlim hi Krista rawngbawltu ten kan tih tur leh kan mawhphurhna a ni. Krista rawngbawltu tha tak leh chenna in  fel fai lo, hnawk nuaih hi thil inhmeh a ni ngai lo va, a ni ngailo kumkhua bawk ang.
    Kan kristianna leh Pathian kan biakna hmun te hi eng angin nge kan enkawl ang a, kan Pathian biak in hi eng anga thianghlim in nge awm se kan duh? Tunge enkawl fai in ti thianghlim ang? Kohhran mipui te hian a enkawl fai leh tih thianghlimna kawngah hian nasa tak in mawh kan phur a. Pathian biakna hmun tibawlhhlawhtu ni lovin a enkawl leh vawng fai a, ti thianghlimtu ni turin mawh kan phur theuh a ni.

Editorial...

        Pathian malsawmna kohhranhoten kan dawng a, zantin inkhawm hun kan hmang thin a, a lawmawm hle mai. Chutih rual chuan thlarau lam thilpek tharte dawngin thlarau lamah pawh hma kan sawn zel niin a lang a. Pathian malsawmna a thlawna kan dawnte hi kohhran mipuite hian  kan hlut thiam a, fimkhur taka kan kalpui thiam a tul hle a. Inkhawm ah theih tawp chhuah zel a pawimawh hle.
    Harhna kan chante hi kohhran hian kan sawtpui tur angin kan sawtpui em? Sawtpui lo angin kan lang ve fo thin em? Hei hi engvang nge ni ang? Harhna kan chan hian kohhran minti pumkhat tur a ni a. Rawngbawlna kawng hrang hrangah phurna leh tha thona min pein, kohhran rawngbawlna min ngaih pawimawh tir tur a ni a. Pathian ram thilpek ah tan min lak tirin, malsawmna minpetu tan inpek leh in sen let ve duhna thinlung min pe tur a ni a. Kohhran inpawlkhawmna min thlakhleh tirin, Bible chhiar taimakna leh tawngtai ngainatna min neih tir tur a ni a. Pathian hmangaihna tak tak min neih tir bawk tur a ni.
    Harhna changa kohhranhote kan inkhawm mek lai hian kohhran inpumkhatna siamtu nge, inrem lohna siamtu kan nih. Harhna dik changtu chuan inremna leh kohhran leh a neitu Krista hmangaihna a pianpui thin. Mahni ngaih a intifing lo tur a zirtirna dawng kan ni. Kohhran a cheng leh khawsa mek harhna changtute  hian eng nge kan pian chhuahpui le?

Editorial......

    Mi chi hrang hrang hian hmun hrang hrang a\angin tuikhur hmun khat a mi tui an chawi mur mur \hin a. Chutiang a tui an chawi lai chu pafa pakhat hian an lo thlir reng \hin a.
    Tuk khat chu fapa chuan a pa hnenah, “A pa ngati nge mite hian tui hi hmun dangah pawh chawi tur a awm reng si a, tuikhur pakhat a mi hi an chawi kher kher,” a ti a. A pa chuan, “Tui chawi tur hi hmun hrang hrang ah awm a. Tuikhur hrang hrang a mi tui an chawi chuan tui tui leh tui lo a awm \hin a. Chuvang chuan tuikhur hmun khat a mi hi mipuite hian an chawi ta \hin a ni,” atiin a chhang a.
    Pa in a fapa a chhan ang hian kohhran mipuite hi mi chi hrang hrang kan ni a. Tuikhur hmun khat a mi ni lo va, hmun hrang hrang a mi kan chawi chuan tui tui leh tui lo, in duh leh duh loh kan nei \hin a. Chuvang chuan kohhran mipui te hian kan thlarau dam nan tuikhur hmun khat a mi kan chawi a pawimawh ta \hin a ni. Chu tuikhur chu Kohhran hi a ni a. Kan tui in a in an tlan theihnan, tui in ang tlang kan in theihnan kohhran mipuite hian  hmun dang a mi tui chawi kual lovin Kohhran a mi ngei hi i chawi tlang ang u.

Editorial

    Hun eng emaw ti a\ang khan zoram kohhran hrang hrang ah Pathian malsawmna dawngin harhna kan changa, a lawmawmin kohhran a inkhawm pawh a nuam hle.
    Harhna kan chan hian thlarau thilpek chi hrang hrang  kohhran miten kan dawng a, kan chang \hin a. Chu thlarau thilpek kan dawn leh kan chante chu a pe tu aimah zawkin kan hlimpui in, kan buaipui zawk emaw tih mai turin mi tam tak kan nung in kan che chhuak \hin a. Chutah chuan kohhran mite kan fimkhur a \ul hle. Fimkhur takin thlarau thilpek dawngtute hian kan dawn te hi kan chet chhuah pui a pawimawh a ni.
    Thlarau thilpek dawngtute hian minpetu pek bakin kan chet chhuah pui ang tih a hlauhawm a, rau bik leh danglam bik riau  duh avangte hian min petu pek bak in thilpek kan dawn hi kan hman a hlauhawm hle bawk a ni. Chu chuan kohhran mite inkarah inngeih lohna leh khi hial a thlen theiin, kohhrana leng loa inngaihna hial a thlen thei bawk a ni. Chuvangin Lalpa’n tihtur min pek ang chinchiah tih leh thawk a, \awng\aina dik tak nen a \an la a, ngaihven hi kohhran mite tihtur pawimawh tak a ni.
    Kan thu dawn leh hriatte mahni ngaihdan a kalpui/sawi mai ching lovin, Kohhran hruaitute kaltlang a Pathian aw ngaichang thiam a, pawm thiam hi kohhran mite tihtur leh awmdan tur dik tak a ni.

|halai Joint Meet

Editorial
    Hun rei tak a\anga kan lo thlir tawh |halai Joint Meet chu Pathian hruainain tluang takin kan zo ta a, a lawmawm hle a ni.
    Kumthar thlirna Committee chuan kumin chhunga |halai Joint Meet neih a rel a, huphurh ang reng chak ang reng siin kan thlir a, Organising Committee-te indinin kohhran hrang hrangah sawmna siam a ni a. Kohhran 5-ten inlungrual takin meet hi kan hmang ta a ni.
    Ruai\heh ngei kan duh a, theih ang tawkin sumtuakna kan zawng a, hun remchang kan hmuh hlei thei lo. Hruaitute lu a hai tak zet. Mahse a hun a lo thleng a, ruai kan \heh thei mai ni lovin `. 6000 lei mai sum hman bang kan han nei te kha Pathian hnathawh a tih loh theih loh a ni. Lawmthu i sawi mawlh mawlh ang u.
    Group hrang hrangte inbuatsaihna a ropui. Presbytery Inkhawmpuia kan zai dawn avangin kan inbuatsaih lawk thei lo va; inkhawmpui a zo va; khawtlangah chhiat tawk awmin mi 3 boral kan han nei zui leh a. Intihsiakna kan ngah ang reng si a, inbuatsaih ngai chi News reading, skit leh zaipawlah te kan hlawhchham mai kan hlau a. Mahse intihsiak hun a lo thleng a. Heng kan hlauhthawnte hi kan meet tihlawhtlingtu leh tihlutu an lo ni leh zel si. A hmuhnawm a, a zirtir a \ha a, thlirtute mit leh beng a titlai takzet a ni.
    K|P member-te pawh kan inpekna a fakawm a. Fa u ber chan kan chang thiam tlang hle-in a hriat a, a lawmawm tak zet a ni. Chutih rualin mihring kan nih miau avangin hmasawnna tur nei lo bik erawh kan ni lo. Member tinten meet kan hman dan thlirlet ila, englai kha nge kan tihfuh tawk loh engah nge hmasawnna tur ka neih tih te thlirletin hmasawn nan hman i tum \heuh ang u.

Editorial

Editorial...

Khuangpu leh hla hriltute hi...

Kan ziah tawh angin Kohhran inkhawmah hian khuangpute hi an pawimawh khawp mai a. Zai tui leh tui lovah an mawhphurhna a sang hle. Inkhawmpuiah phei chuan dar rik hma darkar chanve velah zai hi \an \hin a ni a, darkar 1:15 vel chu an kaihhruaina hnuaiah kan inkhawm dawn tihna a ni. Chuvangin theihtawpin \awng\aina nena an lo inbuatsaih a \ha hle mai. Zai a’n tawpa khuangpu ten hla an lak leh mai loh hian lamtuala lamte an ding lai mai mai \hin a, chuvangin darkar khat chawl miah lova sak tur an lo inbuatsaih a \ul dawn a ni.

Tin, hla hriltute pawh an pawimawh dawn khawp mai. Hlaah hian tlar khat chauh hrila awmze nei miah lo, tlar hniha hril ngai ngei ngeite a awm \hin a, hengte pawh hi hriat a pawimawh. Tin, mipui zawng zawng aiawha hla hril an nih avangin hla thu lamdan pawh uluk deuh a \ha khawp mai. Tin, hla hril nawn chungchangah hla hriltute hi an zai ngai loh avangin hla sak tui leh tui loh hi hriat a har a, chuvangin mahni thua hla hi hril nawna hril nawn lo mai mai lovin khuangpute nen inrawnin hla hi hril nawnin hril nawn mai lo se a \hat a rinawm. Tin, inkhawm \an hma zaiah hian a tirah chuan zai a tui mai lo a. Zai a lo tui thut hian mipui lam châk tam tak, hla dang sak leh huna lam tuma lo inring tam tak an awm \hin a, hetiang hunah hian rei tak hril nawn ai chuan hla dang sak leh vata, lam châk tam takte lamna hun siam a \hat a rinawm.