Political Party-te leh MPF Thawhhona Thuthlung

Mizoram chhûnga inthlanna hrang hrang hêng - Mizoram Legislative Assembly General Election 2008, MP Election 2009, Village Council Election 2009 & 2012, Aizawl Local Council Election 2012, Aizawl Municipal Council Election 2010 leh Autonomous District Council Elections-ah te hlawhtling takin ‘Thawhhona Thuthlung’ siam a, Mizoram chhûnga Political Party hrang hrang leh Mizoram People Forum te hmalâkna chuan rah \ha a chhuah zêl a. Kan inthlanna pawh a \ha thawkhatin, ram chhûng leh ram pâwn lam thlengin mite hriat leh ngaihven a hlawh ta hle a. Hei hi kan zavaia \an tlanna leh thawhhona rah a ni.

Kum 2013-a Mizoram Legislative Assembly General Election loawm turah pawh hian inthlanna thianghlim, dik leh felfaitak a awm ngei theihna tur leh sorkar \ha, thlei bîk nei lo, mipui huapzo din a nih theihna turin Mizoram People Forum General Headquarters hruaitute leh Political Party hruaitu hrang hrang hotute chuan \anlâk ho dan tur kan ngaihtuah a. A hnuaia inkaihhruaina thlangpui tarlante hi zawm \heuh \ha kan ti. Hei hian MLA General Election 2013 inthlan hun puan a\anga inthlan zawh fel thleng a huam ang.

1. Inthlan chungchâng

1) Inthlan thianghlim, dikleh felfai tak a awm ngei theihna turin mi tinin theihtawp chhuah \heuh ni se.

2) Inthlanah hian khua leh tui dik tak, vote nei te chuan vote thlak \heuh ni se.

3) Vote thlak tur khawpui a\anga an mahni khaw lama an hawna tur ngaihtuahsak emaw, hmun dang a\anga an mahni vote awmna lama an kalna tur ngaihtuah a, insengso a buaipui emaw hi tumahin tih loh ni se.

2. Inthlan senso chungchâng

1) Inthlan hautak lutuk leh sênso sang lutuk ti tlem turin theihtawp chhuah \heuh ni se. MPF-te’n candidate-te leh Party-te hnenah pawisa dil emaw, dawn emaw khap tlat a ni.

2) House to house campaign hi thil dik lo tamtak inphumrûk theihna leh senso ti tamtu a nih theih avangin tih loh hi a \ha ber a, amaherawh chu, mipui te’n candidate-te an hmuh duh \hin avang leh candidate-te pawhin an bial mipuite an tlawh duh \hin avangin inthlan hma ni 10 thleng chuan house to house campaign programme siam theih a ni ang a, chumi hnu lamah erawh chuan tumahin tih loh ni se.

3) Sum leh therhlo dang hmanga vote lei leh hralh hi tih loh ni se. Mipui, pawl hrang hrang leh Kohhrante pawhin Party leh candidate-te hnenah thil phut neih tur a ni lo. Chutih rualin thil chi hrang hrang sem(entirnan-Silpouline, Jersey, Football, Mobile handset, Sorkar development kal lai leh thil dangte) hi tih loh ni bawk se.

 

 

 

4) Kawng zawh hi inthlan hma ni 10 hnu lamah chuan tih loh ni se, ruai \heh leh picnic hi tih loh ni bawk se. Ruai \heh tih hian mikhual chaw eipui te, block leh unit hruaituten \ûl bîk thila chaw an ei khâwm \hin angte hi a huam lo vang. Candidate-te rulh tûra an mahni hriat lohva dâwr leh hmun dang a\anga thil lo lâk leh pêkte hi tih loh tûr a ni.

5) Candidate-te tana inthlan tihautaktu, hêng- banner, flag leh poster-te hi vêng tina târ zât tûr hetiang hian bithliah a ni-

* VC / LC member pasarih nei chinah

Banner - 3, Flag - 30 leh Poster - 20 thleng.

* VC / LC member panga nei chinah

Banner - 3, Flag - 20 leh Poster - 15 thleng.

* VC / LC member pathum nei chinah

Banner - 3, Flag - 10 leh Poster - 10 thleng.

* Banner hi ft. 18x4 aia lian lo ni se.

Poster hi ft. 4x3 aia lian lo ni se.

* Party symbol chûang lukhum, badge leh sticker-te hi campaign na hmanruaah hman loh ni se.

* Flag, banner leh poster bituk aia tam tar an awm chuan MPF in la thla turin hrilh se.

3. Zalên taka inthlan leh vênhimna chungchâng

1) Invau leh inrîkrâp awm lo turin theihtâwp chhuah \heuh ni se.

2) Helte hmanruaa hman leh râlthuam chelekna awm thei te huai taka dodal \heuh ni se.

3) Border leh sensitive area-ah te a \ul leh mamawh anga vênhimna a awm theih nan hmalâk ni se.

4. Policy implementation

1) A tak ram thleng thei tur leh tihhlawhtlin theih tur chauh manisfesto, policy leh programme duan ni se.

2) Mimal chungchâng leh tual chhûng thil chauh ni lovin, Party policy leh programme hi campaign-na leh inzawrhna atan hman ni se. Dâwt leh thu belhchian dawl lo leh finfiah nghal mai theih loh hmanga inbeih hi tuman tih loh ni se.

5. Candidate chungchâng

Political Party tinin candidate an siam laiin hetiang mi hi candidate tur atan ruat tura beisei an ni.

1) Mi hming\ha, mize nghet leh rilru puitling.

2) Mi taima leh rinawm.

3) Dik lo leh kut tling lova sum leh thil dang hmuh tum lo mi.

4) Zû leh ruihtheih thil dang laka fihlim.

5) Mipat hmeichhiatna kawnga sawisêl kai lo.

6) Ram leh hnam Dân pawisa mi leh dikna ngaisang mi.

7) Khawtlang leh mahni mihring puite \hatna tur duha, chumi atana inhmang peih mi.

8) Mahni sakhua, kohhran leh pawla mi hming\ha leh rinawm.

6. Thawhhona chungchang

 

1) Constituency huam chhung khaw lian deuh deuhvah MPF leh candidate-te remruatna angin, MPF Constituency Forum kaihhruaina hnuaiah Joint Platform buatsaih theih a ni ang a, chhung tinten candidate an lo hmelhriat theih nan leh an thu leh hla an lo dawnsawn \heuh theih nan, a theih leh remchan dan angin, he programme hi Local TV leh Media-ah te pek chhuah ni se. Joint Platform hi pawl dang leh mi dangin buatsaih loh ni se.

2) Party malin a hranpaa public meeting neih an duh a nih pawhin MPF kaihhruaina hnuaiah ni thei se. MPF awm lohnaah chuan Party malin a remchan dan anga kalpui mai ni se.

3) Vantlang tana thingpui lum loh ni se; polling booth area bul hnaia electoral roll en leh number pek chhuah hi Political Party-ten a mala buaipui lovin, MPF kaihhruainain, fimkhur taka buaipui ni se.

7. Tlangkawmna

 

1) A chunga ‘Thawhhona Thuthlung’ tar lan piah lamah hian MPF District Forum, Constituency Forum leh Local Forum ten ruahmanna hran siam loh ni se.

2) Heng ‘Thawhhonna Thuthlung’ hi bawhchhia an lo awma, finfiah ngei a nih chuan, MPF-in a theih leh remchan dan angin an bawhchhiatna constituency huam chhungah a puangzar ang.

3) He ‘Thawhhona Thuthlung’ hi MPF leh Political Party tinin a zau thei ang berin theh darh se.

Thawhhona Thuthlung siam hian Party hruaitute leh MPF hotuten vawi thum meeting an nei a. Thuthlung siam fel ni August 22, 2012-ah hian MPCC a\angin GS, |halai GS leh Legal Dept a\angin 1; MNF a\angin Treasurer leh GS 2; ZNP a\angin GS, Adviser to President leh Secretary; MPC a\angin V/President, |halai President leh Consultant; BJP a\angin V/President leh SEC te an kal a ni.

Thawhhona Thuthlungah hian Party tin President \heuh te leh MPF President leh General Secretary ten hming an ziak bawk a ni.

 

 

Missionary la dawn

MISSIONARY LA DAWN

Synod Mission Board chuan kum 2014 chhung Contract basis-a thawk turin Missionary, category hrang hrang (Evangelist, Evangelist Teacher, Staff Nurse, Health Worker, puan\hui zirtirtu) a la leh dawn a, dil duh chuan a hnuaia tarlante hi hriat tur a ni :

1. Synod Mission Board office atangin dilna form siam sa (standard application form) lak tur a ni a, hriat tur tulte chu dilna form-ah tarlan a ni.

2. Dilna chu October 18, 2013 (Zirtawpni) tlai dar 4:00 thlengin Synod Mission Board Office-ah thehluh tur a ni a; hun tiam hnu lama dilna thehluh chu pawm a ni lo ang.

3. Mathematics leh Science thiamte chu mamawh bikna avangin Evangelist Teacher atan duhsak theih an ni ang.

4. Diltu chu kum 18 - 35 inkar a ni tur a ni.

5. October 26, 2013 (Inrinni) dar 10:00 am-ah Synod Office-ah personal interview neih tur a ni.

6. Hlawh chu Synod hnuaia Contract rawihna rate angin pek a ni ang.

7. Hrechiang duh chuan phone no. 0389-2325899-ah Office hun chhungin zawhfiah theih a ni.

Sd/- Executive Secretary i/c Mission

Synod News

Lei min tuar tanpui

Mizoram Synod chuan tun hnaia Ramhlun Sports Complex-a leimin tuarte hnenah Synod Relief Fund a\angin chhawmdawlna a pe a, leimin avanga in chhia chhungkaw 15 hnenah `. 5,000/- theuh leh mi in luaha khawsa chhungkaw 23 hnenah `. 2,000/- theuh, a vaiin `. 1,21,000/- a sem ral a ni.

Hlamzuih chungchanga inrawnkhawmna

August 20 (Thawhlehni) chawhma dar 11:00 a\angin Synod Conference Centre-ah Hlamzuih chungchanga inrawnkhawmna neih a ni dawn a, Rev. Lalramliana Pachuau, Synod Moderator-in a kaihruai ang a, Rev. H. Lalrinmawia, Synod Secretary-in thu pawimawh a puang ang a, Rev. Vanlalzuata, Senior Executive Secretary-in Keynote Address a pe ang. Sawihona hun hman zawhah Rev. Lalzuithanga, Executive Secretary-in lawmthu sawina hun a hmang ang.

He inrawnkhawmnaah hian Kohhran hrang hrang, Tlawmngai Pawl leh mi sawm bikte tel tura sawm an ni.

Mipat Hmeichhiatna Chungchanga Mizoram Presbyterian Kohhran Pawm Dan Puanchhuahna

Dated Tlangsam, the 3rd Feb, 2013
    Mizoramah mipat hmeichhiatna hman khawlohna a lo hluar zel avanga HIV/AIDS darh zau zel tur ven nana Condom hman inzirtir hi Kohhran kalphung a nih loh avang te, neih inang inkawp an lo tam tak avang leh inneih hial duhnate a lo awm tak avangin Synod Social Front Committee chuan kan Kohhranin mipat hmeichhiatna chungchang a pawm dan ziaka puanchhuahna (policy statement) neih rawtna Synod Executive Committee (SEC)-ah a thlen a, SEC chuan rawtna chu ṭha a tiin Synod-ah ruahmanna nen a thlen a, Kum 2011 Synod Inkhawmpui chuan mipat hmeichhiatna chungchanga Kohhran pawm dan (policy statement) neih chu ṭha a tiin, SEC-in hman nghal turin lo en\ha rawh se tiin a dah ta a ni.
    SEC 238:22 chuan zûtmamtu tur a ruat a, a mi ruatte chuan an zûtmam hnuah SEC-ah an rawn thlen leh ta a ni.
    Mipat hmeichhiatna chungchang hi Pathian thu (Bible)-a kan hmuh angin hetiang hian kan pawm :
    Pathianin leilung piantirh a\angin mihring hi mipaah leh hmeichhiaah a siam a. Mipa amah chauhva awm chu tha a ti lova, amah tanpuitu tur a kawppui âwm mi, hmeichhia a siamsak a. Mipa leh hmeichhia chauh hi nupaa insiam (innei) tur an ni (Gen. 1:28; 2:18)
    Mipat hmeichhiatna hi mipa leh hmeichhe inkara inneihna huangchhungah chauh hman tur a ni (I Korinth 7:2; Heb. 13:4)
    Mahni anpuite (neih inangte) lakah leh inneihna huang pawna mipat hmeichhiatna hman hi Pathianin mihring nihphung tura a siam dan bawhchhiatna a ni (Rom 1:26–27).

Synod Inkhawmpui Vawi 89-na hmang mek

Dated Tlangsam, the 9th Dec, 2012
Hlamzuih tihtawp a ni dawn; March ni 15-ah Chanchin |ha thlen Ni hmang tawh dawn.

    Synod Inkhawmpui vawi 89-na chu Dec 4, Thawhleh atang khan Chanmari Kohhran Biak Inah neih tan a ni ta a, hemi hma hian Committee hrang hrang an lo \hukhawm tawh bawk.
    Synod Inkhawmpui hi kum 2010 a\ang khan Bial-in an thleng \an a, kum 2010 - ah Dawrpui Pastor Bialin Zarkawt Kohhranah thlengin nikum (2011) khan Khatla Bialin Khatla Kohhranah an thleng a, kumin (2012) hian Chanmari Bialin Chanmari Kohhranah an thleng a ni. Nakum 2013 hian Ramhlun North Bialin Ramhlun North Kohhranah an tleng ang. Kum 2014-ah Mission Vengthlang Bialin Mission Vengthlang Kohhranah an thleng ang a, kum 2015-ah Tuikual Bialin Tuikual Kohhranah, kum 2016-ah Durtlang Bialin Durtlang Kohhranah an thleng ang.
    Dec 5 a\ang khan Rorel \an a ni a, kum 2012 chhunga Synod Puipa turte hetiang hian ruat an ni :
Moderator : Rev. Lalramliana Pachuau
Secretaries : Rev. H. Lalrinmawia (Sr.)
      Upa H. Zoliana, Durtlang North (Jr.)
Finance Officers : Rev. Lalzuithanga
      Rev. Dr. R. Lalbiakmawia
Statistician :Rev. K. Lalthangmawia
Secretaries :Rev. Vanlalzuata
      Rev. P.C. Pachhunga
Moderator Elect :Rev. K. Lalhmuchhuaka
    MLA inthlan lo awm tur puala rampum huapa \awng\airual neih chu \ha tih a ni a,  'Lairam Isua Krista Baptist Kohhran (LIKBK) te nena kan inpalai tawnna tihtawp ni rawh se,' tih chu sawiho a ni a, LIKBK nena kan thawhhona thuthlung (Partnership Agreement) hi ennawn a hun mek a, SEC-in a ennawn dawn lai mek a nih avangin  sawihona hi a tawk rih e tih a ni.
     Chanchin |ha thlen Ni atan January 11 kan lo hman \hin chu Rev William Williams-an Chanchin |ha a rawn hril \an ni March 15, 1891 kha dik zawka ngaiin March ni 15-ah hman \hin tawh tur a ni ang. Hlamzuih titawp rawtna pawh pawm a ni a, hlamzuih a awm tawh dawn lo a ni.
    Kumin hian agenda 90 an nei a, 75 an zo tawh a. Ruahman lawk dan chuan rorel hi nimin Inrinnia zo tur a tih a ni a. Amaherawh chu an zawh hman tak loh avangin naktukah hian an chhunzawm leh ang. Kan kohhran a\angin T/Upa H. Hmangaiha leh Upa Lalbiaksiama te an kal.

Synod Finance Committee

Dated Tlangsam, the 25th Nov, 2012
Mizoram Presbyterian Kohhran Synod Finance committee vawi 102-na chu November ni 20 leh 21 khan neih a ni a. Kum 2013-2014 Synod Budget thar atan pastoral-ah ₹. 97,07,71,200 (Nuaih sangkua zasarih pasarih singsarih sakhat leh zahnih) Mission-ah ₹. 49,64,17,500 (Nuaih sangli zakua sawmruk pali singkhat sangsarih leh zanga) avaiin ₹. 1,46,71,88,700 (Nuai singkhat sangli zaruk sawmsarih pakhat singriat sangriat leh za sarih) rawtna siamin Synod Executive committee pawmpui trin a thlen dawn a ni.

Synod Budget pumpui hi kum kal taah khan ₹. 1,25,15,86,000 (Nuai singkhat sanghnih zanga sawmpanga singriat leh sangruk) a ni a, kum 2013-2014 Budget thar hi kum kal ta Budget aiin ₹. 21,56,02,700 in a tam zawk a ni.

SYNOD EXECUTIVE COMMITTEE VAWI 240-NA; Kum 2015 Nilai leh Beihrual thupui atan Kohhran leh ram hmasawnna

SEC vawi 240-na chu Nov 13- 16 khan neih a ni a, thurel tlangpui hriat theih chinte hetiang a ni:-
1. Synod Executive Secretary atan Rev. Vanlalzuata, Rev. Lalzuithanga leh Rev. P.C. Pachhunga te thlan an ni.
2. Synod Mission Board Secretary term chu a zawh tawh avangin term thara Secretary atan tuna ṭang lai Rev. Lalchhuanmawia thlanleh a ni.
3. Kum thum chhung atana Administrative Secretary thar tur hetiang hian thlan an ni- Rev. Lalbiaknia - Manipur Area-ah; Rev. Z.D. Lalhmachhuana -Barak Area-ah; Rev. F. Lalrinnunga -Chhim Bial-ah.
4. Synod Hospital Director thar atan Dr. Vanlalruata thlan a ni a, PresCom General Manager thar atan Upa R. Lalmalsawma thlan a ni a, Synod Higher Seconday SchoolPrincipal atan tuna ṭang lai Pu Rozama Chawngthu thlan nawn leh a ni a, Synod Office Superintendent thar atan Upa F. Lalsangliana thlana ni bawk.
5. Synod Finance Manager contract basis-a rawih lai Upa Lalsawmliana chu December thla hian a term a tawp dawn ta a, January -December, 2013 chhung atan contract basis-a rawih chhunzawm tura pawm a ni.
6. Madras Christian College-in Chaplain atan Mizo Pastor an rawn dilna chu remtih a ni a, Pastoral Committee bawhzui tura dah a ni.
7. Synod Office hnathawh hun chhung (working hours) tihdanglama ni a, kum tluanin zing lama ṭan hun chu dar 9:30 a ni ang. October-March thla chhungin tlai lam ban hun chu dar 4:00 a ni ang a, April-September thla chhungin tlai dar 5:00 a ni ang. Hei hi November 2012 aṭang hian hman ṭan nghal a ni ang.
8. Mizoram Synod hnuaia awm thinManipur Area (Vaiphei Kohhran) chu Synod hranga awm ve tawh turin Manipur Area Committee-in hma chak takin la rawh se tih a ni.
9. AMRI Hospital, Kolkata chu Recognized Hospital atan pawm a ni.
10. Women Centre sakna atan kum 2 0 1 3 - 2 0 1 4 B u d g e t - a h ₹.50,00,000 (Nuai sawmnga) dah remtih a ni.
11. Ram pum huapa Pavalai Meet neih a ṭul chuan Synod Revival Committee-in ṭul a tih chuan a ruahmansak ṭhin ang.
12. Kum 2015 Nilai leh Beihrual thupui atan Kohhran leh ram hmasawnna tih thlan a ni a, ziaktu atan Rev. Dr. C. Lalhlira, A.T.C. ruata ni.
13. Synod Archivist Post hming chuAssistant Coordinator i/c Archive tia thlak a ni.
14. Interserve India-a Synod-in thawktu a tirh lai Rev. David Lalramliana chuan a term a hmang zo va, Interserve India-in an rawn dil angin kum 2013-2015 term thawk zui leh tura remtih a ni.
15. Mizoram Synod-in Partnership a la neihpui ngai loh Vietnam Presbyterian Church nena Partnership neih remtih a ni.

Doctor thiam lokal dawn

Dated Tlangsam, the 18th Nov, 2012
November 21-24 hian Synod Hospital-ah Urology Camp neih a ni dawn a, Super Specialist Dr. K.P. Mishra, M.S., M.Ch., (Urologist) a lo kal dawn a ni. November 21 leh 22 hi inentir hun a ni ang a, November 23 leh 24 ah zai ngai te a zai ang. Kal (Kidney)a lungte awm, zai hawng lovin chhut keh/key-hole-surgery (PCNL) tih theih a ni bawk ang. Tun dinhmunah Mizoram chhunga thawk Urologist (zun kawng lama mithiam bik) kan neih loh avangin zun kawng lama harsatna nei Mizoram pawn pan harsa tan pan chi tak a ni ang.

MSSU

Date Tlangsam, the 11th Nov, 2012
Kum 2012 chhunga Sunday School kai zat report tlangpui a hnuaiah hian tarlan a ni a, heng bakah hian Bial 3 aṭangin report dawn a ni lo.
2011 aia 2012 punna
1. Sunday School zat: 2011-ah 889. 2012-ah 901. Punna: 12.
2. Hotute: 2011-ah 4,178. 2012-ah 4,212. Punna: 34.
3. Zirtirtu: 2011-ah 39,749. 2012-ah 41,177. Punna: 1,428.
4. Zirtu: 2011-ah 3,46,842. 2012-ah 3,53,359. Punna: 6,517.
5. Hming ziak zat: 2011-ah 3,90,769. 2012-ah 3,98,748. Punna: 7,979.
Kum 2013-a Department hrang hrang zir tur hetiang a ni:

Puitling - Sam Bu II & III (42 - 89). Rev. Dr. R. Lalbiakmawia ziah.
Senior-in Bu hnihna. Rev. Rosiamliana Tochhawng ziah.
Sacrament-in Rev. H. Zalawma & Rev. Vanlalzuata (Revised & enlarged by Upa Ramthanga) ziah.
Intermediat-in Bu hnihna Rev. L.H.Rawsea (Revised & enlarged by Rev. Dr. C. Lalhlira) ziah.
Junior-in Bu hnihna (Revised & enlarged) Upa Dr. R.L.Thanmawia ziah.
Primary-in Bu hnihna (Revised & enlarged) Upa R. Lalmalsawma ziah.
Beginner-in Revd. Chuauṭhuama (Revised & enlarged by Zohmingthangi) ziah
 Masihi Sangati-in Tirhkohte Thiltih Rev. K. Lalhmingliana ziah.
Home Mission-in Kohhran Chanchin Rev. P.C. Pachhunga ziah an zir ang.