Hun rei tak a\anga kan lo thlir tawh Kelkang Kohhran kan tlawh hun chu tluang takin kan thleng a, a hun kan ruahmanah tak hun kan hmang thei a, a lawmawm hle.
Inrinni dar 1 velah khua a\angin kan chhuak a, Bus-ah mi 45 chuangin, Sound phur tripper-ah mi 4 an chuang bawk a, kan vaiin 49 kan ni. Tlai lamah member 2 an rawn thlen belh leh a. Ti chuan Inrinnia member thleng zawng zawng chu 51 kan ni.
Dar 2 pelhah Kelkang kan thleng a, Biak In tualah min lo hmuak a, thlen in min siamsakah min thlah diat diat hlawm bawk. OB ten programme siam rem ngaite an siam rem a, Pathianni tlaia fellowship nei tura ruahmanna siam tawh chu sawnin Inrinni zan inkhawm bana neih tura dah a ni a, Pathianni tlaiah Bethel ni se tih a ni.
Inrinni zanah dar rik hmain Biak In kan thleng hlawm a. Dar rik hun hi 6:45 a ni a, 6:30 a nih chuan khuang a ri der tawh. Kelkang Kohhran hi nikum June thla a\ang khan zan tin an la inkhawm a, he Thlarau par tlan tur hian Mizoram hmun hrang hrang a\angin mi an kal khawm \hin a, tun \um kan tlawh lai hian khaw hrang hrang 12 a\angin mi kan fuankhawm a ni. Zanah Biak Ina riak an awm reng bawk. Dar rik chuan Biak In kan khat titih deuh der tawh a, lamtual pawh kan Biak In lamtual tiat vel a ni a, kan lam khat deuh der tawh. Tv Lalthlengliana Fanai, Asst. Secretary-in thu a sawi a, zaipawl kan nei a, Kelkang lam pawhin zaipawl an nei bawk.
Inkhawm banah fellowship neih a ni a, report ngaihthlak a ni bawk. Kelkang lam a\angin solo pahnih ngaihthlak a ni a, an Fin. Secretary hnen a\angin thusawi tawi ngaihthlak a ni bawk.
Pathianniah member 5 an rawn thlen belh leh a, kan vaiin 56 kan ni ta. Chawhma chu mahni department \heuhah kan kal hlawm a, Chawhnuah Upa F. Lalsangliana, Kohhran Committee aiawhin thu a sawi a, zaipawl kan nei bawk. Inkhawm banah an khaw chung Bethel hmunah kan bethel a, an bethel hmun a nuamin a hmun fai danah tlawhtu an tam thei tih a hriat hle.
Zan inkhawmah Tv F. Lalhmingsanga, Leader-in thu a sawi a, zaipawl kan nei a, Kelkang pawhin an nei bawk. Inkhawm banah Fellowship neih leh a ni a, Tv Jessy Ramthianghlima a solo a, SolaKristo Beat group ngaihthlak a ni bawk. Tv C. Hmingthantluanga hnen a\angin games hlimawm tak kan thlir a, skit minute 25 awh kan entir bawk. Tv Jacob Lalnunhlima'n extempore speech a buatsaih a, Tv F. Vanlalpeka'n 'Thi ta thut ila" tih a sawi chuan lawm a hlawh hle. Kelkang a\angin solo pakhat ngaihthlak a ni bawk a, dar 11 pelhah kan bang.
Thawh\anni chaw ei khama chhuah tum kan ni a, kan member \henkhat zing chaw ngheia \awng\aite Bethel a\angin an rawn haw thei lo va, member \henkhat kan kal belh bawk a. Tichuan mi 11 te chu chamin mi 45 te chu dar 2 velah kan rawn chhuak a, tluang takin dar 3 velah khua kan thleng.
Thawhlehni khan member 2 an rawn haw leh a, Nilainiah 1, Ninganiah 2 an rawn haw leh bawk. Nimin Inrinni khan mi 4 an kal belh leh a, Thawh\annia kal tum pawh an la awm. Tin, vawiin pawh hian kal tum an awm nual niin thu kan dawng. Kan kohhran mi Kelkanga cham mek ten Pathian Thlarau pawlna an chan nan leh helama awmte tan pawh malsawmna an nih ngei theih nan i \awng\aipui ang u.
Kelkang tlawh hi kumin February thla Official Committee-ah rel a ni a, he thu rel lai hian Kelkang Kohhran hi hetiang hian an hlim tih kan hre lo va; hetianga kohhran hlim kan va tlawh fuh hi Pathian remruat a tih loh theih loh a ni. Pathian hnenah lawmthu i sawi ang u.
