Mi 12 lo lut

 Dated Tlangsam 30th Oct. 2011

Nimin khan kan Kohhranah chhungkaw 2 a\angin mi 12 an rawn lut a, Kohhranhote chuan thinlung takin kan lo lawm a, Lalpa tana \hahnemngai taka rawngbawl turin duhsakna kan hlan a ni. Vawiinah hian lawmluhna hun hman a ni ang. Kohhrana rawn lut tharte chu:

1. Pu F. Roliana

2. Pi F. Laldailovi

3. Pi Zothansangi

4. Tv Zohmingthanga

5. Pi Bethlehemmawii

6. Nl Zoramchhari

7. Zohmunmawia

8. Zonunmawii

9. Lalduhawmi

10. Pu B. Zohmingliana

11. Pi Lalrawnkimi

12. Lalniengmalsawmdawngkimi

Boral

 Dated Tlangsam 30th Oct. 2011

October 23, Nilaini khan Pi Darbuki, Pu C. Hmingthansanga nu chu a boral a, tlaivarpui a nih hnuin a tuk Ningani khan vuiliam a ni. Khawhar chhung ten Pathian awmpuina an dawn theih nan i \awng\aipui ang u.

Matthaia Group Nite cum Silent Nite hmang

 Dated Tlangsam 30th Oct. 2011

Thawh\an zan khan kumin chhunga group nite hnuhnung ber Matthaia group nite chu hman a ni a. Sawi lawk angin Matthaia group-te hian min barakhaih chiang hle mai a. Stage pawh an chei uluk a, member ten nuam kan ti hle. Kan Branch-a kan la hman ngai loh angin Silent Programme hman a ni a, hun neitu turte hi puan lawkna awm lovin an mahni hunah sawmtu pawh awm chuang lovin an hun an rawn hmang tawp a. A tawp thlengin group nite hmangtu ten eng nge a dawtah lo lang leh dawn tih ngaichangin min siam a, a hlimawm kan ti hle.

Lawmthu sawi

 Dated Tlangsam 30th Oct. 2011

Pathianni hmasaa Ni 28-a lawmthu sawi tur kan tih kha kan kohhran chhungkuaa chhiat tawk an awm avangin a tuk ni 29, Inrinni khan hman a ni a. Lengkhawm boruak a nuam a, Kohhran mipui ten nuam kan tiin a hlawk thlak kan ti hle.

Thlakhata ni khat tha

 Dated Tlangsam 30th Oct. 2011

Thawhlehni khan Kohhran Hmeichhiate chuan thlakhata ni khat tha Lalpa tan an pek \hin chu thingphurin an hmang a, tlaiah chawhlui an kilho nghal ang.

Bial hruaitu ten bial fang dawn

 Dated Tlangsam 30th Oct. 2011

Naktuk zan hian Bial hruaitute leh Bial zaipawlte chuan Zion Veng Branch an tlawh dawn. Naktuk zan hi Bial an fan tawpna a ni tawh dawn a. Tluang taka an kal theih nan i \awng\aipui ang u.

Masihi Sangati Convention

 Dated Tlangsam 30th Oct. 2011

October 28 a\ang khan Masihi Sangati Convention, vawi 27-na chu Chanmari Pastor Bialin Chanmari West Presbyterian Kohhran Biak Inah an thleng a. Kan kohhran a\angin Bial Zaipawl member-te pawh an zu kal a, Convention hi zanin hian a \iak ang.

Leikapui siam

Nilaini khan Kohhran Committee-te leh Pavalai Pawlte chuan Choka varandah (Leikapui) siamin an hnatlang a, sa chana chet vel pawh a nuam tawh hle. A chak tur thing thawhtute chungah Kohhran chuan lawmthu a sawi a ni.

Pu Zadawla \anpui

 Dated Tlangsam 30th Oct. 2011

Kan Kohhrana rawngbawl tur kan rawih Pu Zadawla \anpui nan `. 3,000/- pek a ni.

Biak In hawnga innei thilpek chungchang

 Dated Tlangsam 30th Oct. 2011

Kan kohhran member biak in hawnga innei te kan biak ina an innei a nih chuan biak inah lawmpuina thilpek pek \hin a ni ang a, Khual khuaa an innei a nih chuan a thlahnaah thilpek hi hlan \hin tur a ni ang.

Innei

 Dated Tlangsam 30th Oct. 2011

KC Vanlalhriattira S/o Pu KC Lalchhawntluanga leh Malsawmtluangi D/o Lalngaihsaki te chu Thawh\anni khan Senior Hall-ah an innei.

Lawmthu sawi dawn

October 23, 2011

Tunkar ni 28 Zirtawpni hian Tual Upa H. Hmangaiha te chhungkua chuan Pathian hnenah lawmthu an sawi dawn a, an lawmthu sawina tur atan hian kohhran kaltlangin Pathian hnenah bawng leh vawk an pe, hemi ni hian Biak inah kohhran mipui ten lawmthusawi inkhawm hun hman tur a ni a, tlaiah kohhran mipui ten chawhlui kilho tur a ni. Kohhran mipui ten i ngai pawimawh ang u.

Crusade hmang mêk

October 23, 2011

Tunlai hian kan kohhran chuan Pu Zadawla ruaiin crusade neih mek a ni a. Crusade hi kar hmasa Thawh\an zan a\ang khan neih \an a ni a, zanin Pathianni zan thleng hi crusade hian a awh dawn a ni.

Kohhran mipuite crusade

Matthaia Group Nite cum Silent Nite

October 23, 2011

October 24, Thawh\an zan hi Matthaia group nite a ni a, he hunah hian K|P member zawng zawngte inkhawm vek turin kan insawm a ni. An group nite hi danglam deuh hleka hman tum a ni a, programme pawh an la puang lawk duh lo va. Member-te min barakhaih an tum a ni. Group nite hi Senior Hall-ah hman tura ruahman a ni.

Naktuk Thawh\an tlai dar 2 hian Matthaia group member zawng zawng te senior hall-ah kal khawm tur a ni.

Drama-ah tel dawn lo

October 23, 2011

Ningani zan khan K|P Special Committee neih a ni a, Red Ribbon State Level Open Drama Competition-a tel chungchang ngaihtuah a ni a, tel loh mai nise tih a ni.

Hnatlang \hulh

October 23, 2011

Official Committee-in a lo rel tawh, kar hmasa Ningani zan leh Inrinnia kan Project |huthleng siam chhunzawm hnatlang neih tum chu kohhranin Crusade kan neih avangin \hulh a ni.

Tunkar chhoah hian hnatlang hi neih tum a ni a, hnatlang koh a nih veleha thawk thei tura lo inring turin member-te kan inngen a ni.

Synod Revival beihpui

October 23, 2011

Synod Revival Committee chuan Aizawl khawpui boruak thlirin tuallaiah Pathian thu aupui hi \ul hlein a hria a, kumin November 4 (Zirtawpni) zanah hian Aizawl khawpui chhung hmun (area) hrang hrangah ‘Sim rawh u, Vanram chu a hnai tawh e’ (Matt. 3:1) tih thupui hmangin Revival thusawi beihpui thlak a rel a, November 5 (Inrinni) nilengin A.R. Ground-ah Pathian hnena tawngtairual leh thusawina hun hman ani bawk ang.

Revival Beihpui programme atan hian hmun (area) hrang hrang 25-ah hun hman tur a ni.

Ringthar Baptisma chang

October 23, 2011

Tunlai hian Bethel Pastor Bial Mashihi Sangati chuan Polytechnic-ah rawngbawlna an nei mek a. Kar hmasa Thawhleh leh Zirtawp zan khan Nl Hranghmingliani inah inkhawmna neih leh a ni. Ningani zan khan Polytechnic-a hnathawk pakhat chuan kan kohhran biak inah Baptisma a chang. Ringthar hian Pathian awmpuina a chan zel theih nan i \awng\aipui ang u.

Tunkar a\ang chuan rawngbawlna hi chawlh rih a ni ang.

Bial zaipawl member boral

October 23, 2011

Ni 19 Nilai zan dar 8:30 khan Bethel Pastor Bial zaipawl member Tv. C. Malsawmthara, Bethel chu Lung na vangin Aizawl Civil Hospital-ah a boral. A ruang hi an inpui Samthangah phum tura lak a ni a, Bial zaipawl te leh bial O.B ten an khuaah hian zui vein ui leh ngai em em in fak hla hmangin an thlah liam ta a ni.

Carpet phah

October 23, 2011

Kar hmasa Thawh\anni khan woolen carpet hun rei tak phah loh a awm chu kohhhran committee leh K|P O.B ten Upa lam \hutna, lamtual leh a pan naah an phah a, hemi ni vek hian kohhran huan leh Pu Vanlalliana te in inrîna chu hung nghal a ni. Tlaiah Pu Zadawla zanriah an lo kilpui nghal a ni.

Biak in kawngka bulah hian ketahna pahnih dah a ni a, Carpet hi tihfai a harsat avangin inkhawm ten kan pheikhawk fai taka tat \hin turin kan inngen a ni.

Thing keuh tur

October 23, 2011

Lawmthu sawinaah hian ruai\heh tur a nih avangin kohhran chhungkaw tin ten ni 28 hmain thingphur khat \heuh keuh tur a ni.

Fatu tur leh thing leh buhfai khawn tur hi Krismas & Kum thar Committee te ruat tur a ni a, zanin inkhawma puan hman tura beisei a ni.

Lengkhawm hla bu pe

October 23, 2011:

Pu Manvela, Kahrawt chuan kan kohhranin kan hman atan lengkhawm hla bu ‘Mizo rohlu’ Kahrawt Branch YMA-te siam chu min pe a, kan lawm hle.

Presbytery Inkhawmpui \iak ta

Champhai North Presbytery Inkhawmpui vawi 6-na chu Pathian hruainain tluang taka hman zawh a ni ta a. Inkhawmpuiah hian kan Pastor Rev. C. Lalremruata chu Moderator a ni a. Palai 251 an kal thei a. Kan Presbytery-ah hian Upa 165 an awm a, 153 kal theiin 12 erawh chu an kal thei lo a ni. Kuminah hian Upa sûn tur kan nei lo va, a lawmawm hle a ni.

Nau hual ni

Vawiin hi nau hual ni a ni a, kan kohhran chhungkuaa naupiang zawng zawngte hual tur a ni a. Kan naute hi Pathian tan leh kum 4 an lo tlina Sunday School lo kai turin kan lo hual dawn a ni. Kuminah hian naupang 19 hual tur kan nei a, nikum nen a inzat chiah a ni.

Matthaia Group Nite

November 24, Thawh\an zan hi Matthaia group nite a ni a, he hunah hian K|P member zawng zawngte inkhawm vek turin kan insawm a ni.

Bial hruaitu ten bial fang

Bial K|P hruaitute leh Bial Zaipawlte chuan bial chhung Branch hrang hrang an tlawh kual chu chhunzawmin naktuk zanah hian New Champhai Branch an tlawh dawn a. T/Upa K. Lalthlamuana, Asst. Leader, Bial K|P-in thu a sawi ang.

Johana group hnatlang

Nimin inrinni khan Johana Group te chuan an budget tuak nan Tual Upa H. Hmangaiha te huan chekletin an inhlawh a, member sawm pahnih(12) mipa 8 leh hmeichhia 4 an hnatlang thei a, hnatlang thawkchhuakte chungah leh inhlawhna siamsaktute chungah Group hruaitute an lawm hle.

Official Committee Vawi 10-na

October 10, |hawh\an zan khan K|P Official Committee neih a ni a, thurel te:

1. Kan Project |huthleng siam chhunzawm chungchang ngaihtuah a ni a, tunkar Ningani zanah hian nawr mama hnatlang neih nise tih a ni a, Inrinniah siam nise tih a ni.

(Tun kar chhunga Crusade neih a nih chuan zan hnatlang hi \hulh tur a ni.)

NEICC |awng\ai Rual Ni

Vawiin hi NEICC (North East India Christian Council) |awng\ai rual ni a ni a, October Pathianni vawi thumna hi Synod Executive Committee chuan Nilai leh Beihrual Thupui Buah telh ve ni tawh rawh se a tih angin 2009 a\ang khân telh \an a ni a (SEC 214:82).

Tûn \umah pawh he ni atân hian programme siam a ni a. Kan kohhranah pawh zaninah hian hman tur a ni a, NEICC puala thilpek lakkhawm tur a ni ang.

Sikserh do dawn

Nl Lalhriatpuii, Upa Lalngaihdama fanu chu Synod Social Front leh Christian Medical Association of India \angkawpin Sikserh do beihpui an thlak turah kan kohhrana volunteer tura ruat a ni.

Mashihi Sangati

Tunlai hian Bethel Pastor Bial Mashihi Sangati chuan Polytechnic-ah rawngbawlna an nei mek a. Karhmasa Thawhleh leh Zirtawp zan khan Nl Hranghmingliani inah inkhawmna neih a ni.

Tunkar Thawhlehni leh Zirtawpni hian neih chhunzawmleh tum a ni a, a duh apiangte tan chhim theih a ni.

Vawk pe

Pu T. Lalbuatsaiha chuan Pathian hnenah a vawk a pe a, Thawh\an zing khan kan Upa ten a khel an zu beng a ni.

Crusade

Crusade neih tur kan rawn tarlan tawh kha Pu Zadawla Vengthlang kohhran ten an rawih avangin la neih theih rih loh a ni a. Naktuk Thawh\an zan a\ang hian \an theih tawh beisei a ni. Crusade hi neih theih a nih chuan kohhran mipuite a tam thei ang ber inkhawm turin kan inngen a ni.

Diamond Jubilee inbuatsaihna hmasa atan

Nimin Inrinni khan a vawikhatna atan K|P member te chuan Champhai Civil Hospital-a dah tur thisen pek a ni a. Kum 2013-a Diamond Jubilee (Kum 60) kan hman tura inbuatsaihna hmasa a ni. Thisen hi unit 62 kan pe thei a ni.

Matthaia group hriattirna

Matthaia group member zawng zawngte naktuk zan inkhawm banah hian members’ meeting neih tur a ni a, kim taka kal turin an inngen a ni.

Dan leh hrai inzirtirna nei

Pathianni hmasa chawhnu inkhawm banah khan Dan leh hrai chungchang inzirtirna neih a ni a, District Legal Service Authority Champhai a\angin resource person an rawn kal a ni. Zawhna leh chhanna hun te hman a ni a, member kal ten hlawkthlak kan ti hle.

Literature Week hmang dawn

Kumin hi Kristian Tlangau-in kum 100 a tlin kum a ni a, hemi pual hian Mizoram pumah Literature Week hman tur a ni. Kan kohhranah pawh he hun hi hman tur a ni a, naktuk zan a\ang hian hman \an tur a ni a, thupui hrang hrang hmangin thusawitu ten thu an sawi ang. Ningani zan leh Zirtawp zan hi Synod lam a\angin Programme siam a ni lo va. Chuvang chuan thupui sawitu ten hian an duhzawng an sawi thei dawn a ni.

Inkhawm hun sawn hma hret

Nite a lo rei loh \an tak avangin nizan a\ang khan zan inkhawm hun chu sawn tlai hret a ni a. Dar 6-ah dar riin dar 6:30-ah inkhawm \an tawh tur a ni ang.

Presbytery hmang mek

October 6 - 9 chhung hian Synod Inkhawmpui hnuaia Inkhawmpui lian ber Presbytery Inkhawmpui chu Mizoram chhung leh pawnah neih a ni a, remchan lohna avanga hmang hma/tlai hret an awm bawk ang.

Champhai North Presbytery pawhin Kahrawt kohhran Biak inah inkhawmpui hi neih a ni a. Vawiin chawhnuah hian kan Bial zaipawlte an zai ang.

Inkhawmpuia kal duhte tan bus a awm dawn a, dar 9-ah Biak in tualah emaw Vengthlang kawnah emaw innghahkhawm tur a ni ang. Bus hian zanah min rawn lam leh dawn a ni.

Beihrual tluang taka hman zawh a ni

Pathian hruainain Beihrual chu tluang takin hman zawh a ni ta a. Beihrual kan hman chhung hian kohhran chhungkuaah leh khawtlangah te buaina leh harsatna lian tham, beihrual hmanna tibuai thei zawng engmah a thlen hriat a ni lo va. A lawmawm hle a ni.

Matthaia Group Nite sawn

September 30, Zirtawp zan khan K|P Special Committee neih a ni a, thurel tlangpuite:

Dan leh hrai inzirtirna

Vawiin chawhnu inkhawm banah hian Dan leh hrai chungchang inzirtirna Legal Awareness Campaign neih tur a ni a. Hemi min neihpui tur hian

Rampum huap tawngtai tlaivar

Thawhleh zanah hian Kohhran Hmeichhia te chuan kum tina an tih \hin dan angin Rampum huat \awng\ai tlaivar programme an hmang dawn a. PWF puala thawhlawm lakkhawm a ni bawk ang. Heng thawhlawmte hi Bial Treasurer kaltlangin December 2011 hmain Synod Office-ah thehluh tur a ni.

MPF Annual General Body Meeting

September 28 khan MPF Annual General Body Meeting chu Synod Conference Centre-ah neih a ni a, hetah hian kan kohhran a\angin T/Upa H. Hmangaiha a kal a. Zirtawpni khan a rawn haw.

Beihrual inkhawm kim

Beihrual kan hman zawh takah khan mi 9 inkhawm kim thei kan nei a, a lawmawm hle a ni. Inkhawm kimte chu:Upa Vanthanga, Upa Lalbiaksiama , T/Upa K. Lalthlamuana, Pu HL Malsawma, Pi Lalkhawchhani, Pi Lalbiakengi, Pi Ramthangi leh Pi Ramliani

Crusade neih tum

    Kan kohhranah Crusade neih tum a ni a, Speaker atan Pu Zadawla biak tum a ni. Ani hi a lo remchang lo palh a nih pawhin mi dang biak mai tum a ni.

Pathian ram

    September thla chhung khan Pathian ram thilpek tlingkhawm chu `. 87070/- a ni a, in 73 a\angin a lut a ni.

Pavalai Meet

    Nizan a\ang khan Bethel Pastor Bial Pavalai meet chu neih a ni a, Pathianni zana an hla sak tur hi kan kohhran pavalaite chuan nimin khan awmnikhamin an zir a ni.
    Pavalai Meet-ah hian Pavalai te mai bakah kohhran mi a duh apiang kal turin min sawm a ni.